ພົນເອກ ຫງວຽນເຕິນເກືອງ ພົບປະກັບລັດຖະມົນຕີກະຊວງປ້ອງກັນປະເທດລາວ

ທ່ານພົນເອກ ຫງວຽນເຕິນເກືອງ ອວຍພອນທ່ານພົນໂທ ຄໍາລຽງ ອຸທະໄກສອນ ທີ່ໄດ້ຮັບການແຕ່ງຕັ້ງເປັນລັດຖະມົນຕີກະຊວງປ້ອງກັນປະເທດລາວ; ພ້ອມທັງ, ທ່ານພົນເອກ ຫງວຽນເຕິນເກືອງ ກໍ່ເຊື່ອໝັ້ນວ່າ ໃນຖານະຕຳແໜ່ງຂອງຕົນ, ທ່ານພົນໂທ ຄໍາລຽງ ອຸທະໄກສອນ ຈະຊີ້ນຳ, ນໍາພາກໍ່ສ້າງກອງທັບປະຊາຊົນລາວ ນັບມື້ນັບພັດທະນາ, ຊຸກຍູ້ການພົວພັນຮ່ວມມືລະຫວ່າງກອງທັບສອງປະເທດ ຫວຽດນາມ - ລາວ ໃຫ້ນັບມື້ນັບແໜ້ນແຟ້ນກ່ວາອີກ.

ທ່ານພົນເອກ ຫງວຽນເຕິນເກືອງ ອວຍພອນທ່ານພົນໂທ ຄໍາລຽງ ອຸທະໄກສອນ ໄດ້ຮັບການແຕ່ງຕັ້ງເປັນລັດຖະມົນຕີກະຊວງປ້ອງກັນປະເທດລາວ. ພາບ: qdnd.vn

ທ່ານພົນໂທ ຄໍາລຽງ ອຸທະໄກສອນ ສະແດງຄວາມຊົມເຊີຍວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ ແລະງານວາງສະແດງປ້ອງກັນຊາດສາກົນຫວຽດນາມ ປີ 2024. ທ່ານພົນໂທ ຄໍາລຽງ ອຸທະໄກສອນ ໄດ້ແຈ້ງໃຫ້ທ່ານພົນເອກ ຫງວຽນເຕິນເກືອງ ຊາບກ່ຽວກັບໝາກຜົນການພົບປະເຈລະຈາກັບທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໃນຕອນເຊົ້າວັນດຽວກັນ. ຕາມນັ້ນແລ້ວ, ລັດຖະມົນຕີສອງທ່ານໄດ້ຕີລາຄາໝາກຜົນການຮ່ວມມືດ້ານປ້ອງກັນຊາດສອງຝ່າຍໃນໄລຍະຜ່ານມາ ແລະໄດ້ເຫັນດີເປັນເອກະພາບກ່ຽວກັບທິດທາງການຮ່ວມມືໃນໄລຍະຈະມາເຖິງ. ທ່ານພົນໂທ ຄໍາລຽງ ອຸທະໄກສອນ ເຊື່ອໝັ້ນວ່າ ການຮ່ວມມືລະຫວ່າງສອງກອງທັບຈະນັບມື້ນັບແໜ້ນແຟ້ນກ່ວາອີກ.

ທ່ານພົນເອກ ຫງວຽນເຕິນເກືອງ ແລະທ່ານພົນໂທ ຄໍາລຽງ ອຸທະໄກສອນ. ພາບ: qdnd.vn

ທ່ານພົນເອກ ຫງວຽນເຕິນເກືອງ, ທ່ານພົນໂທ ຄໍາລຽງ ອຸທະໄກສອນ ແລະບັນດາຜູ້ແທນທີ່ການພົບປະ. ພາບ: qdnd.vn

ທ່ານພົນເອກ ຫງວຽນເຕິນເກືອງ ຂອຍໃຈທ່ານພົນໂທ ຄໍາລຽງ ອຸທະໄກສອນ ທີ່ໄດ້ຮັບຄຳເຊີນເຂົ້າຮ່ວມງານວາງສະແດງປ້ອງກັນຊາດສາກົນຫວຽດນາມ 2024, ພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນ. ທ່ານພົນເອກ ຫງວຽນເຕິນເກືອງ ຢືນຢັນວ່າ ກົມໃຫຍ່ເສນາທິການກອງທັບປະຊາຊົນຫວຽດນາມ ຈະສົມທົບກັນກັບກົມໃຫຍ່ເສນາທິການກອງທັບປະຊາຊົນລາວ ຢ່າງແໜ້ນແຟ້ນເພື່ອປະຕິບັດເນື້ອໃນທີ່ລັດຖະມົນຕີສອງທ່ານໄດ້ເຫັນດີເປັນເອກະພາບຢ່າງມີປະສິດທິຜົນ.

ໂດຍ: ຈາງຫງວຽນ