ຫວຽດນາມ ເຂົ້າຮ່ວມວາລະສະເໜີຂອງສານ ICJ ກ່ຽວກັບຄວາມຮັບຜິດຊອບຂອງຊາດໃນການປ່ຽນແປງຂອງດິນຟ້າອາກາດ
ບັນດາປະເທດມີພັນທະສະກັດກັ້ນຄວາມເສຍຫາຍຫຼາຍພໍສົມຄວນຕໍ່ລະບົບດິນຟ້າອາກາດ, ການຮ່ວມມືກັບສາກົນ ແລະເຄົາລົບຫຼັກການ “ໜ້າທີ່ລວມແຕ່ມີຄວາມແຕກຕ່າງ” ໃນເລື່ອງກຳນົດພັນທະຂອງບັນດາປະເທດ.
    |
 |
|
ທ່ານ ຫງວຽນດັງທັງ, ຫົວໜ້າກົມກົດໝາຍ ແລະສົນທິສັນຍາສາກົນ. ພາບ: ສໍານັກຂ່າວສານຫວຽດນາມ |
ແຕ່ວັນທີ 2 – 13 ທັນວາ, ຢູ່ນະຄອນ ລາໄຮ, ປະເທດ ໂຮນລັງ, ສານຍຸຕິທຳສາກົນ (ICJ) ໄດ້ຈັດວາລະສະເໜີໂດຍກົງ ເພື່ອຮັບຟັງທັດສະນະຂອງບັນດາປະເທດ ແລະອົງການຈັດຕັ້ງສາກົນກ່ຽວກັບໜ້າທີ່ຄວາມຮັບຜິດຊອບຂອງປະເທດຊາດໃນການຮັບມືກັບການປ່ຽນແປງຂອງດິນຟ້າອາກາດ. ວັນທີ 12 ທັນວາ, ທ່ານ ຫງວຽນດັງທັງ, ຫົວໜ້າກົມກົດໝາຍ ແລະສົນທິສັນຍາສາກົນ (ກະຊວງການຕ່າງປະເທດຫວຽດນາມ), ໄດ້ສະເໜີທັດສະນະຕໍ່ ICJ, ເນັ້ນໜັກເຖິງໜ້າທີ່ຄວາມຮັບຜິດຊອບຂອງຫວຽດນາມ ໃນການຕ້ານການປ່ຽນແປງຂອງດິນຟ້າອາກາດ. ຫວຽດນາມ ຢືນຢັນວ່າ ບັນດາປະເທດມີພັນທະສະກັດກັ້ນຄວາມເສຍຫາຍຫຼາຍພໍສົມຄວນຕໍ່ລະບົບດິນຟ້າອາກາດ, ການຮ່ວມມືກັບສາກົນ ແລະເຄົາລົບຫຼັກການ “ໜ້າທີ່ລວມແຕ່ມີຄວາມແຕກຕ່າງ” ໃນເລື່ອງກຳນົດພັນທະຂອງບັນດາປະເທດ. ຫວຽດນາມ ເນັ້ນໜັກວ່າ ທຸກປະເທດລ້ວນແຕ່ມີໜ້າທີ່ຄວາມຮັບຜິດຊອບລວມໃນການຫຼຸດຜ່ອນການປ່ຽນແປງຂອງດິນຟ້າອາກາດ; ສະເໜີໃຫ້ບັນດາປະເທດຖືກຜົນສະທ້ອນຢ່າງໜັກໜ່ວງຍ້ອນການປ່ຽນແປງຂອນດິນຟ້າອາກາດ, ພິເສດແມ່ນບັນດາປະເທດພວມພັດທະນາ, ຕ້ອງໄດ້ຮັບການປະກອບຄຳເຫັນກຳນົດຄວາມຕ້ອງການ ແລະຜັນຂະຫຍາຍບັນດາມາດຕະການແກ້ໄຂ.
ຂ່າວ: ວິທະຍຸກະຈາຍສຽງຫວຽດນາມ