ທີ່ພິທີ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ໄດ້ມອບຫຼຽນກາລະນຶກ “ເພື່ອພາລະກິດສ້າງກອງທັບປະຊາຊົນຫວຽດນາມ” ໃຫ້ການນໍາ, ອະດີດການນໍາກະຊວງ ແລະຫົວໜ້າໜ່ວຍງານຂອງກະຊວງແຜນການ ແລະການລົງທຶນ. ທ່ານ ຫງວຽນຈີຢຸ້ງ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີກະຊວງແຜນການ ແລະການລົງທຶນ ມອບຫຼຽນກາລະນຶກ “ເພື່ອພາລະກິດຂະແໜງແຜນການ ແລະການລົງທຶນຫວຽດນາມ” ໃຫ້ການນໍາຂອງກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ.
    |
 |
|
ທ່ານພົນເອກ ຟານວັນຢາງ ມອບຫຼຽນກາລະນຶກ “ເພື່ອພາລະກິດສ້າງກອງທັບປະຊາຊົນຫວຽດນາມ” ໃຫ້ການນໍາ, ອະດີດການນໍາກະຊວງແຜນການ ແລະການລົງທຶນ. ພາບ: qdnd.vn |
ກ່າວຄໍາເຫັນທີ່ພິທີ, ທ່ານພົນເອກ ຟານວັນຢາງ ໄດ້ຂອບໃຈການນຳກະຊວງແຜນການ ແລະການລົງທຶນ ແລະອົງການທີ່ກ່ຽວຂ້ອງຂອງກະຊວງແຜນການ ແລະການລົງທຶນ ທີ່ໄດ້ເອົາໃຈໃສ່, ສົມທົບ, ສະໜັບສະໜູນ, ສ້າງເງື່ອນໄຂສະດວກໃນທຸກດ້ານໃຫ້ແກ່ກະຊວງປ້ອງກັນປະເທດສາມາດປະຕິບັດສຳເລັດໜ້າທີ່ວຽກງານຂອງແຜນການ-ການລົງທຶນ, ງົບປະມານໃນໄລຍະຜ່ານມາ; ຫວັງວ່າ ໃນໄລຍະຈະມາເຖິງ, ກະຊວງແຜນການ ແລະການລົງທຶນ ຈະສືບຕໍ່ເອົາໃຈໃສ່, ແນະນຳ ແລະສະເໜີໃຫ້ພັກ, ສະພາແຫ່ງຊາດ, ລັດຖະບານມີກົນໄກ, ນະໂຍບາຍລົງທຶນ, ຈັດແບ່ງທຶນກໍ່ສ້າງພື້ນຖານປ້ອງກັນຊາດທົ່ວປວງຊົນ, ກໍ່ສ້າງກອງທັບປະຊາຊົນໃຫ້ເຂັ້ມແຂງ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນສະພາບການໃໝ່, ພ້ອມກັນນັ້ນກໍ່ຊ່ວຍກະຊວງປ້ອງກັນປະເທດແກ້ໄຂຄວາມຫຍຸ້ງຍາກ, ຂໍ້ຕິດຄັດກ່ຽວກັບວຽກງານລົງທຶນ, ງົບປະມານ.
ສ່ວນທ່ານລັດຖະມົນຕີກະຊວງແຜນການ ແລະການລົງທຶນ ເນັ້ນໜັກວ່າ ກະຊວງແຜນການ ແລະການລົງທຶນ ໃນຖານະເປັນອົງການທີ່ປຶກສາສັງລວມຂອງພັກ ແລະລັດ ກ່ຽວກັບຍຸດທະສາດ, ວາງແຜນຜັງ, ແຜນການ, ໃນທຸກກໍລະນີ, ໄດ້ເປັນເຈົ້າການ, ຕັ້ງໜ້າສົມທົບກັນຢ່າງແໜ້ນແຟ້ນ, ມີປະສິດທິຜົນກັບກະຊວງປ້ອງກັນປະເທດ ແລະອົງການທີ່ກ່ຽວຂ້ອງເພື່ອເປັນເສນາທິການກັບທຸກຂັ້ນທີ່ມີສິດອໍານາດຫຼາຍແຜນນະໂຍບາຍ, ກົນໄກ, ນະໂຍບາຍ, ໃຫ້ບຸລິມະສິດແຫຼ່ງກຳລັງລົງທຶນເພື່ອຕອບສະໜອງຄວາມຮຽກຮ້ອງຕ້ອງການລົງທຶນ, ຍົກສູງກຳລັງຄວາມສາມາດບົ່ມຊ້ອນດ້ານປ້ອງກັນຊາດໃຫ້ຄົບຖ້ວນ ແລະທັນການ, ກໍ່ສ້າງກອງທັບໃຫ້ກະທັດຮັດ, ເຂັ້ມແຂງ, ທັນສະໄໝ, ເປັນຕົ້ນແມ່ນບັນດາໂຄງການທີ່ມີລະດັບຍຸດທະສາດ, ເປັນຈຸດສຸມ, ຈຸດໃຈກາງຂອງກອງທັບ, ຕອບສະໜອງຄວາມຮຽກຮ້ອງຕ້ອງການເພື່ອປະຕິບັດທຸກໜ້າທີ່ທີ່ໄດ້ຮັບມອບໝາຍຢ່າງມີໄຊ.
ໂດຍ: ຈາງຫງວຽນ