    |
 |
|
ທ່ານພົນເອກ ຟານວັນຢາງ ປະດັບຫຼຽນກາລຸງໂຮ່ ໃຫ້ທ່ານພົນໂທ ຈິ້ງວັນກວຽດ. ພາບ: qdnd.vn |
|
|
 |
|
ທ່ານພົນເອກ ຟານວັນຢາງ ປະດັບຫຼຽນກາລຸງໂຮ່ ໃຫ້ທ່ານພົນເອກ ຫງວຽນເຕິນເກືອງ. ພາບ: qdnd.vn |
|
|
 |
|
ຜູ້ແທນເຂົ້າຮ່ວມພິທີລາຍງາຍຜົນງານ ປະຕິບັດພິທີເຄົາລົບທຸງຊາດ. ພາບ: qdnd.vn |
|
|
 |
|
ທ່ານພົນໂທ ຈິ້ງວັນກວຽດ ຕາງໜ້າຄະນະພັກການທະຫານສູນກາງ, ການນໍາກະຊວງປ້ອງກັນປະເທດ ແລະພະນັກງານ, ນັກຮົບທົ່ວກອງທັບ ລາຍງານຜົນງານຕໍ່ລຸງໂຮ່. ພາບ: qdnd.vn |
ຕາງໜ້າຄະນະພັກການທະຫານສູນກາງ, ການນໍາກະຊວງປ້ອງກັນປະເທດ ແລະພະນັກງານ, ພາລະກອນ, ນັກຮົບທົ່ວກອງທັບ, ທ່ານພົນໂທ ຈິ້ງວັນກວຽດ ໄດ້ລາຍງານຜົນງານຕໍ່ລຸງໂຮ່, ໃນນັ້ນຢັ້ງຢືນວ່າ: ພາຍໃຕ້ການນໍາພາເດັດຂາດ, ໂດຍກົງຮອບດ້ານຂອງພັກ; ການສຶກສາອົບຮົມ, ຝຶກຝົນຫຼໍ່ຫຼອມຂອງປະທານ ໂຮ່ຈີມິນ; ຄວາມຮັກແພງ, ອຸ້ມຊູຊ່ວຍເຫຼືອຂອງປະຊາຊົນ; ສືບທອດ, ເສີມຂະຫຍາຍນໍ້າໃຈຮັກຊາດ ແລະສິລະປະຍຸດການທະຫານຂອງຊົນຊາດຫວຽດນາມ, ຜ່ານຜ່າຄວາມຫຍຸ້ງຍາກ, ສິ່ງທົດສອບນາໆປະການ, ການເສຍສະຫຼະ, ກອງທັບປະຊາຊົນຫວຽດນາມ ໄດ້ພ້ອມກັບທົ່ວພັກ, ທົ່ວປວງຊົນ ຍາດໄດ້ໄຊຊະນະນອັນຍິ່ງໃຫຍ່ໃນພາລະກິດຕໍ່ສູ້ປົດປ່ອຍຊາດ, ສ້າງສາ, ປົກປັກຮັກສາປະເທດຫວຽດນາມ ສັງຄົມນິຍົມ ແລະເຮັດຫຼ້ອນໜ້າທີ່ສາກົນອັນສະຫງ່າລາສີ... ໃນພາລະກິດສ້າງສາ ແລະປົກປັກຮັກສາປະເທດຊາດ, ກອງທັບ ຍາມໃດກໍແມ່ນກໍາລັງຫຼັກແຫຼ່ງແກ່ນສານ ພ້ອມກັບທົ່ວປວງຊົນ ຮັກສາເອກະລາດ, ອະທິປະໄຕ, ເອກະພາບ ແລະຜືນແຜ່ນດິນອັນຄົບຖ້ວນຂອງປະເທດ; ປົກປ້ອງພັກ, ລັດ, ປະຊາຊົນ, ປົກປ້ອງລະບອບສັງຄົມນິຍົມ; ປະຕິບັດສໍາເລັດພາລະບົດບາດ “ກອງທະຫານສູ້ຮົບ”, “ກອງທະຫານປະຕິບັດງານ” ແລະ “ກອງທະຫານອອກແຮງງານທໍາການຜະລິດ”. ບໍ່ວ່າໃນເງື່ອນໄຂໃດ, ສະພາບການໃດ, ພະນັກງານ, ນັກຮົບທົ່ວກອງທັບຍາມໃດກໍຢຶດໝັ້ນ, ໝັ້ນຄົງ, ສາມັກຄີ, ເອກະພາບ, ແກ້ໄຂຄວາມຫຍຸ້ງຍາກ, ພ້ອມແລ້ວທີ່ຈະຮັບ ແລະປະຕິບັດທຸກໜ້າທີ່ໃຫ້ປະສົບຜົນຢ່າງຈົບງາມ...
|
|
 |
|
ຄະນະຜູ້ແທນຄະນະພັກການທະຫານສູນກາງ, ກະຊວງປ້ອງກັນປະເທດ ວາງພວງມາລາອາໄລຫາປະທານ ໂຮ່ຈີມິນ. ພາບ: qdnd.vn |
|
|
 |
|
ຄະນະຜູ້ແທນຄະນະພັກການທະຫານສູນກາງ, ກະຊວງປ້ອງກັນປະເທດ ກົ້ມຫົວໄວ້ອາໄລປະທານ ໂຮ່ຈີມິນ. ພາບ: qdnd.vn |
ສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ, ວັນບຸນປ້ອງກັນຊາດທົ່ວປວງຊົນຄົບຮອບ 35 ປີ, ຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ນໍາພາ, ຊີ້ນໍາທົ່ວກອງທັບ ຈັດຕັ້ງຫຼາຍກິດຈະກໍາອັນຟົດຟື້ນ, ແທດຈິງ ແລະມີປະສິດທິຜົນ. ພິເສດ, ຕອນເຊົ້າວັນທີ 20 ທັນວາ, ພັກ, ລັດ ຈະຈັດຕັ້ງພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ, ວັນບຸນປ້ອງກັນຊາດທົ່ວປວງຊົນ ຄົບຮອບ 35 ປີຢູ່ສູນປະຊຸມແຫ່ງຊາດ (ຮ່າໂນ້ຍ)...
|
|
 |
|
ບັນດາຜູ້ແທນ ເຂົ້າສຸສານໄວ້ອາໄລປະທານ ໂຮ່ຈີມິນ. ພາບ: qdnd.vn |
ເພື່ອໃຫ້ກອງທັບຍາມໃດກໍປະຕິບັດສໍາເລັດໜ້າທີ່ ທີ່ໄດ້ຮັບມອບໝາຍ, ປະກອບສ່ວນນໍາປະເທດ ກ້າວສູ່ສັງກາດໃໝ່, ສັງກາດບືນຕົວຂຶ້ນຂອງຊົນຊາດ; ໃນບັນຍາກາດທີ່ເຄັ່ງຂຶມ, ຕໍ່ດວງວິນຍານຂອງປະທານໂຮ່ຈີມິນ, ດ້ວຍອາລົມຈິດ, ຄວາມເອກອ້າງທະນົງໃຈ ແລະຄວາມຮູ້ບຸນຄຸນອັນລົ້ນເຫຼືອ, ການນໍາ, ຜູ້ບັນຊາການທຸກຂັ້ນ ແລະພະນັກງານ, ພາລະກອນ, ນັກຮົບທົ່ວກອງທັບ ໃຫ້ຄໍາໝັ້ນສັນຍາວ່າ: ຈະຈົ່ງຮັກພັກດີຕໍ່ປະເທດ, ຕໍ່ພັກ, ລັດ ແລະປະຊາຊົນ; ຢຶດໝັ້ນເປົ້າໝາຍ, ອຸດົມການ, ເສັ້ນທາງກ້າວຂຶ້ນສັງຄົມນິຍົມ ເຊິ່ງ ພັກ, ລຸງໂຮ່ ແລະປະຊາຊົນເຮົາ ໄດ້ເລືອກເຟັ້ນ.
ທີ່ພິທີລາຍງານຜົນງານຕໍ່ລຸງໂຮ່, ການນໍາກະຊວງປ້ອງກັນປະເທດ ໄດ້ປະດັບຫຼຽນກາລຸງໂຮ່ ໃຫ້ບັນດາຜູ້ແທນ ແລະວາງພວງມາລາ, ເຂົ້າສຸສານໄວ້ອາໄລປະທານໂຮ່ຈີມິນ.
ໂດຍ: ໄຊຊະນະ