ທ່ານ ໂຕເລິມ ເລຂາທິການໃຫຍ່ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນມູນເຊື້ອກົມໃຫຍ່ການເມືອງ ກອງທັບປະຊາຊົນຫວຽດນາມ

ທ່ານ ໂຕເລິມ, ເລຂາທິການໃຫຍ່, ເລຂາຄະນະພັກການທະຫານສູນກາງ ກວດແຖວກຽດຕິຍົດກອງທັບປະຊາຊົນຫວຽດນາມ ທີ່ພິທີສະເຫຼີມສະຫຼອງ. ພາບ: qdnd.vn

ການນໍາກະຊວງປ້ອງກັນປະເທດ ຕ້ອນຮັບທ່ານໂຕເລິມ, ເລຂາທິການໃຫຍ່, ເລຂາຄະນະພັກການທະຫານສູນກາງ ມາເຂົ້າຮ່ວມພິທີ. ພາບ: qdnd.vn

ທີ່ພິທີ, ທ່ານພົນໂທ ຈິ້ງວັນກວຽດ, ເລຂາທິການສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ກ່າວສູນທອນພົດໂດຍຢັ້ງຢືນວ່າ: ວັນທີ 22 ທັນວາ ປີ 1944,  ກອງທະຫານໂຄສະນາປົດປ່ອຍຫວຽດນາມ ໄດ້ຮັບການກສ້າງຕັ້ງ, ແຕ່ຊຸມວັນເບື້ອງຕົ້ນຂອງການສ້າງຕັ້ງ, ກອງທະຫານ ໄດ້ມີໜ່ວຍພັກລວມມີສະມາຊິກພັກ 4 ຄົນ, ມີຕຳແໜ່ງເປັນຫົວໜ້າການເມືອງ ແລະດໍາເນີນການເຄື່ອນໄຫວວຽກງານພັກ, ວຽກງານການເມືອງ.

ທ່ານເລຂາທິການໃຫຍ່ ໂຕເລິມ, ການນໍາກະຊວງປ້ອງກັນປະເທດ ພ້ອມດ້ວຍຜູ້ແທນທີ່ພິທີສະເຫຼີມສະຫຼອງ. ພາບ: qdnd.vn

ທ່ານເລຂາທິການໃຫຍ່ ໂຕເລິມ, ການນໍາກະຊວງປ້ອງກັນປະເທດ ພ້ອມດ້ວຍຜູ້ແທນຢ້ຽມຊົມການວາງສະແດງປຶ້ມ ທີ່ຮັບໃຊ້ພິທີສະເຫຼີມສະຫຼອງ. ພາບ: qdnd.vn

ທ່ານພົນໂທ ຈິ້ງວັນກວຽດ, ເລຂາທິການສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ  ກ່າວຄໍາເຫັນທີ່ພິທີສະເຫຼີມສະຫຼອງ. ພາບ: qdnd.vn

ຜ່ານໄລຍະ 80 ປີແຫ່ງການກໍ່ສ້າງ, ສູ້ຮົບ, ໄຊຊະນະ ແລະເຕີບໃຫຍ່ຂະຫຍາຍຕົວຂອງກອງທັບເຮົາ ໄດ້ຢັ້ງຢືນບົດບາດສຳຄັນພິເສດຂອງວຽກງານພັກ, ວຽກງານການເມືອງ ແລະຄວາມຮັບຜິດຊອບຂອງກົມໃຫຍ່ການເມືອງກອງທັບປະຊາຊົນຫວຽດນາມ, ອົງການການເມືອງ ແລະຖັນແຖວພະນັກງານການເມືອງທຸກຂັ້ນໃນທົ່ວກອງທັບ ໃນການປັບປຸງ, ຮັກສາ ແລະເພີ່ມທະວີການນຳພາເຂັດຂາດ, ໂດຍກົງໃນທຸກດ້ານຂອງພັກ ສໍາລັບກອງທັບ; ກໍ່ສ້າງກອງທັບໝັ້ນຄົງເຂັ້ມແຂງທາງດ້ານການເມືອງ; ກໍ່ສ້າງປັດໄຈການເມືອງ, ຈິດໃຈໃຫ້ກາຍເປັນປັດໄຈພື້ນຖານ, ຕັດສິນກຳລັງແຮງສູ້ຮົບ ແລະໄຊຊະນະຂອງກອງທັບເຮົາ, ເຮັດໃຫ້ວຽກງານພັກ, ວຽກງານການເມືອງກາຍເປັນ “ຈິດວິນຍານ, ພະລັງຊີວິດ” ຂອງກອງທັບ, ແມ່ນຫຼັກການພື້ນຖານໃນການກໍ່ສ້າງກຳລັງປະກອບອາວຸດປະຕິວັດຂອງພັກ.

ທ່ານ ໂຕເລິມ ເລຂາທິການໃຫຍ່, ເລຂາຄະນະພັກການທະຫານສູນກາງ ກ່າວຄໍາເຫັນທີ່ພິທີ. ພາບ: qdnd.vn

ກ່າວຄຳເຫັນຊີ້ນໍາທີ່ພິທີສະເຫຼີມສະຫຼອງ, ທ່ານ ໂຕເລິມ ເລຂາທິການໃຫຍ່, ເລຂາຄະນະພັກການທະຫານສູນກາງ ໄດ້ຍ້ອງຍໍຊົມເຊີຍຜົນງານທອັນພົ້ນເດັ່ນ, ການເຕີບໃຫຍ່ຂະຫຍາຍຕົວ ແລະມູນເຊື້ອອັນສະຫງ່າລາສີຂອງກົມໃຫຍ່ການເມືອງກອງທັບປະຊາຊົນຫວຽດນາມ ໃນຕະຫຼອດໄລຍະ 80 ປີຜ່ານມາ. ຕໍ່ໜ້າຄວາມຮຽກຮ້ອງຕ້ອງການຂອງໜ້າທີ່ວຽກງານໃໝ່ທີ່ຫຍຸ້ງຍາກ ແລະໜັກໜ່ວງ, ເພື່ອປະຕິບັດພາລະໜ້າທີ່ ແລະຄວາມຮັບຜິດຊອບອັນໃຫຍ່ຫຼວງຂອງຕົນ, ທ່ານ ໂຕເລິມ ຮຽກຮ້ອງໃຫ້ກົມໃຫຍ່ການເມືອງ, ອົງການການເມືອງ, ຖັນແຖວພະນັກງານການເມືອງໃນທົ່ວກອງທັບ ສືບທອດ ແລະເສີມຂະຫຍາຍມູນເຊື້ອອັນດີງາມຂອງຊາດ, ຂອງກອງທັບປະຊາຊົນຫວຽດນາມ ວິລະຊົນ ແລະ ມູນເຊື້ອອັນສະຫງ່າລາສີຂອງກົມໃຫຍ່ການເມືອງ, ເພີ່ມທະວີຄວາມສາມັກຄີ, ເປັນເອກະພາບ, ເປັນເຈົ້າການ, ມີຫົວຄິດປະດິດສ້າງ, ສູ້ຊົນປະຕິບັດໜ້າທີ່ທີ່ໄດ້ຮັບມອບໝາຍເປັນຢ່າງດີໃນທຸກກໍລະນີ.

ທ່ານ ໂຕເລິມ ເລຂາທິການໃຫຍ່, ເລຂາຄະນະພັກການທະຫານສູນກາງ ປະດັບຫຼຽນໄຊເອກະລາດຊັ້ນ 1 ໃຫ້ກົມໃຫຍ່ການເມືອງກອງທັບປະຊາຊົນຫວຽດນາມ. ພາບ: qdnd.vn

ທີ່ພິທີ, ຕາງໜ້າການນຳພັກ, ລັດ, ທ່ານ ເຕເລິມ ເລຂາທິການໃຫຍ່, ເລຂາຄະນະພັກການທະຫານສູນກາງ ໄດ້ປະດັບຫຼຽນໄຊເອກະລາດ ຊັ້ນ 1 ໃຫ້ກົມໃຫຍ່ການເມືອງກອງທັບປະຊາຊົນຫວຽດນາມ.

ທ່ານພົນໂທ ຈິ້ງວັັນກວຽດ ນໍາໜ້າຄະນະຜູ້ແທນກົມໃຫຍ່ການເມືອງກອງທັບປະຊາຊົນຫວຽດນາມ ຖະຫວາຍດອກໄມ້, ເຂົ້າສຸສານໄວ້ອາໄລ ປະທານໂຮ່ຈີມິນ. ພາບ: qdnd.vn

ການນໍາກົມໃຫຍ່ການເມືອງກອງທັບປະຊາຊົນຫວຽດນາມ ພ້ອມດ້ວຍຜູ້ແທນວາງພວງມາລາ, ຖະຫວາຍທູບທຽນ ໄວ້ອາໄລນັກຮົບວິຊາຊົນທີ່ເສຍສະຫຼະຊີວິດເພື່ອຊາດຢູ່ອະນຸສາວະລີນັກຮົບວິຊາຊົນທີ່ເສຍສະຫຼະຊີວິດເພື່ອຊາດ (ຖະໜົນບັກເຊີນ, ນະຄອນຮ່າໂນ້ຍ). ພາບ: qdnd.vn

ກ່ອນທີ່ດໍາເນີນພິທີສະເຫຼີມສະຫຼອງ, ຄະນະຜູ້ແທນກົມໃຫຍ່ການເມືອງກອງທັບປະຊາຊົນຫວຽດນາມ ນໍາໂດຍທ່ານພົນໂທ ຈິ້ງວັນກວຽດ,  ເລຂາທິການສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຖະຫວາຍດອກໄມ້, ເຂົ້າສຸສານໄວ້ອາໄລ ປະທານໂຮ່ຈີມິນ ແລະວາງພວງມາລາ, ຖະຫວາຍທູບທຽນໄວ້ອາໄລນັກຮົບວິຊາຊົນທີ່ເສຍສະຫຼະຊີວິດເພື່ອຊາດ ຢູ່ອະນຸສາວະລີນັກຮົບວິຊາຊົນທີ່ເສຍສະຫຼະຊີວິດເພື່ອຊາດ (ຖະໜົນບັກເຊີນ, ນະຄອນຮ່າໂນ້ຍ).

ໂດຍ: ທູຈາງ