ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນທົ່ວປວງຊົນປ້ອງກັນຊາດ, ທ່ານປະທານປະເທດໄດ້ຕົກລົງມອບຫຼຽນໄຊຄຸນງາມຄວາມດີ ແລະຫຼຽນໄຊປົກປັກຮັກສາປະເທດຊາດໃຫ້ແກ່ພະນັກງານຂັ້ນສູງກອງທັບປະຊາຊົນຫວຽດນາມ 34 ສະຫາຍທີ່ມີຜົນງານດີເລີດເປັນພິເສດໃນພາລະກິດສ້າງສາກອງທັບ, ປັບປຸງການປ້ອງກັນຊາດ ແລະປົກປັກຮັກສາປະເທດຊາດ.
    |
 |
|
ທ່ານພົນເອກ ຟານວັນຢາງ ກ່າວຄໍາເຫັນທີ່ພິທີ. ພາບ: ຫວຽດຮ່າ-ຫວຽດຈູງ |
ທີ່ພິທີ, ທ່ານພົນເອກ ຟານວັນຢາງ ໄດ້ປະດັບຫຼຽນໄຊຄຸນງາມຄວາມດີ ຊັ້ນ 3 ໃຫ້ 10 ສະຫາຍທີ່ເປັນການນໍາກະຊວງປ້ອງກັນປະເທດ, ກົມໃຫຍ່ເສນາທິການ, ກົມໃຫຍ່ການເມືອງ. ທ່ານພົນໂທ ຈິ້ງວັນກວຽດ ແລະທ່ານພົນເອກ ຫງວຽນເຕິນເກືອງ ປະດັບຫຼຽນໄຊປົກປັກຮັກສາປະເທດຊາດ ຊັ້ນ 1, ຊັ້ນ 2 ແລະຊັ້ນ 3 ໃຫ້ 24 ສະຫາຍທີ່ເປັນຜູ້ບັນຊາການຫົວໜ່ວຍ, ກົມກອງ.
ກ່າວຄໍາເຫັນທີ່ພິທີ, ຕາງໜ້າຄະນະປະຈຳຄະນະພັກການທະຫານສູນກາງ, ການນໍາກະຊວງປ້ອງກັນປະເທດ ແລະພະນັກງານ, ນັກຮົບທົ່ວກອງທັບ, ທ່ານພົນເອກ ຟານວັນຢາງ ສະແດງຄວາມຊົມເຊີຍ 34 ສະຫາຍທີ່ໄດ້ຮັບຫຼຽນໄຊ; ພ້ອມທັງ ຢືນຢັນວ່າ: ນີ້ແມ່ນລາງວັນອັນສູງສົ່ງຂອງພັກ, ລັດ, ສະແດງເຖິງຄວາມເອົາໃຈໃສ່, ເຊື່ອໝັ້ນ, ລະດົມກໍາລັງໃຈ, ຮັບຮູ້ຄຸນງາມຄວາມດີ, ຜົນງານຕໍ່ກັບພະນັກງານຂັ້ນສູງກອງທັບປະຊາຊົນຫວຽດນາມ, ແມ່ນຄວາມເປັນກຽດອັນໃຫຍ່ຂອງສ່ວນຕົວບັນດາສະຫາຍພະນັກງານທີ່ໄດ້ຮັບຫຼຽນໄຊ ແລະກໍ່ແມ່ນຄວາມມ່ວນຊື່ນລວມຂອງຄະນະພັກການທະຫານສູງກາງ, ກະຊວງປ້ອງກັນປະເທດ ແລະພະນັກງານ, ນັກຮົບທົ່ວກອງທັບ.
ທ່ານພົນເອກ ຟານວັນຢາງ ເນັ້ນໜັກວ່າ ບັນດາສະຫາຍພະນັກງານໃນກອງທັບແມ່ນ “ຫຼັກແຫຼ່ງ” ຂອງຫຼັກແຫຼ່ງໃນການປະຕິບັດບັນດາໜ້າທີ່ເຊິ່ງພັກ, ລັດ, ປະຊາຊົນເຊື່ອໝັ້ນມອບໝາຍໃຫ້ກອງທັບ. ທ່ານລັດຖະມົນຕີກະຊວງປ້ອງກັນປະເທດ ເຊື່ອໝັ້ນວ່າ ບັນດາສະຫາຍໄດ້ຮັບຫຼຽນໄຊຈະສືບຕໍ່ຍົກສູງຄຸນທາດ, ເສີມຂະຫຍາຍສະຕິປັນຍາ, ຄວາມສາມັກຄີ, ຕ້ອງໂດດເດັ່ນເປັນພິເສດ, ເປັນແບບຢ່າງທີ່ແທ້ຈິງ, ສູ້ຊົນປັບປຸງຕົນເອງຢ່າງບໍ່ຢຸດຢັ້ງ ເພື່ອຕອບສະໜອງຄວາມຮຽກຮ້ອງຕ້ອງການໜ້າທີ່ໃນສະພາບການໃໝ່, ປະກອບສ່ວນເຂົ້າໃນພາລະກິດປະຕິວັດທີ່ສະຫງ່າງາມຂອງພັກ, ຂອງປະຊາຊົນໃນສັງກາດໃໝ່-ສັງກາດບືນຕົວຂຶ້ນຂອງຊົນຊາດ.
|
|
 |
|
ທ່ານພົນເອກ ຟານວັນຢາງ ປະດັບຫຼຽນໄຊຄຸນງາມຄວາມດີ ຊັ້ນ 3 ໃຫ້ການນໍາກະຊວງປ້ອງກັນປະເທດ, ກົມໃຫຍ່ເສນາທິການ, ກົມໃຫຍ່ການເມືອງ. ພາບ: ຫວຽດຮ່າ-ຫວຽດຈູງ |
ຕາງໜ້າພະນັກງານຂັ້ນສູງກອງທັບທີ່ໄດ້ຮັບຫຼຽນໄຊ, ທ່ານພົນຕີ ເລດຶກທ໊າຍ ກໍາມະການສູນກາງພັກ, ຜູ້ບັນຊາການທະຫານຊາຍແດນຫວຽດນາມ ໄດ້ສະແດງຄວາມຮູ້ບຸນຄຸນມາຍັງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດທີ່ໄດ້ຮັບຮູ້ຜົນງານ; ຂອບໃຈມາຍັງການນໍາ, ຜູ້ບັນຊາການອົງການ, ກົມກອງ ແລະພະນັກງານ, ນັກຮົບໃນທົ່ວກອງທັບທີ່ໄດ້ແບ່ງປັນ, ໃຫ້ກຳລັງໃຈ; ສະແດງຄວາມຮູ້ບຸຸນຄຸນຢ່າງເລິກເຊິ່ງເຖິງແມ່ຫວຽດນາມ ວິລະຊົນ, ນັກຮົບເສຍສະຫຼະຊີວິດເພື່ອຊາດ, ທະຫານເຈັບປ່ວຍ, ຄອບຄົວທີ່ມີຄຸນງາມຄວາມດີຕໍ່ປະເທດຊາດ, ພະນັກງານ, ນັກຮົບກອງທັບລຸ້ນຕ່າງໆທີ່ໄດ້ອຸທິດຕົນ, ເສຍສະຫຼະເພື່ອເອກະລາດ, ເສລີພາບຂອງປະເທດຊາດ, ເພື່ອຄວາມຜາສຸກຂອງປະຊາຊົນ.
ທ່ານພົນຕີ ເລດຶກທ໊າຍ ປາດຖະໜາຢາກມານະພະຍາຍາມ, ສູ້ຊົນຫຼາຍກວ່າອີກ, ຝຶກຝົນຫຼໍ່ຫຼອມຍົກສູງຄຸນທາດການເມືອງ, ທາດແທ້ຄຸນສົມບັດ, ກຳລັງຄວາມສາມາດໃນການປະຕິບັດວຽກງານຢ່າງບໍ່ຢຸດຢັ້ງ ເພື່ອສືບຕໍ່ອຸທິດສ່ວນຕົນໃຫ້ແກ່ພາລະກິດປະຕິວັດຂອງພັກ, ຂອງຊາດ ແລະຄວາມໄວ້ເນື້ອເຊື່ອໃຈ, ຄວາມລໍຄອຍຂອງຄະນະພັກການທະຫານສູນກາງ, ກະຊວງປ້ອງກັນປະເທດ, ຂອງພະນັກງານ, ນັກຮົບທົ່ວກອງທັບ.
ໂດຍ: ໄຊນີດາ