ວັນທີ 27 ທັນວາ, ເມື່ອຕອບຄຳຖາມຂອງນັກຂ່າວໂດຍສະເໜີໃຫ້ຮູ້ປະຕິກິລິຍາຂອງຫວຽດນາມ ຕໍ່ຖະແຫຼງການຮ່ວມທີ່ຫາກໍ່ບັນລຸໄດ້ທີ່ກອງປະຊຸມພິເສດ ຄັ້ງທີ 3 ຂອງຄະນະກຳມະການຊາຍແດນຮ່ວມ (GBC) ລະຫວ່າງກຳປູເຈຍ ແລະໄທ, ທ່ານນາງ ຟ້າມທູຮັ່ງ, ໂຄສົກກະຊວງການຕ່າງປະເທດຫວຽດນາມ ເນັ້ນໜັກວ່າ: ຫວຽດນາມ ຊົມເຊີຍເລື່ອງກຳປູເຈຍ ແລະໄທ ລົງນາມໃນຖະແຫຼງການຮ່ວມທີ່ກອງປະຊຸມພິເສດ ຄັ້ງທີ 3 ຂອງຄະນະກຳມະການຊາຍແດນຮ່ວມ (GBC) ເມື່ອວັນທີ 27 ທັນວາ 2025, ໄດ້ເຫັນດີເປັນເອກະສັນກ່ຽວກັບການຢຸດຍິງ ແລະມາດຕະການຫຼຸດຜ່ອນຄວາມເຄັ່ງຕຶງຢູ່ເຂດຊາຍແດນລະຫວ່າງສອງປະເທດ.

leftcenterrightdel
ທ່ານນາງ ຟ້າມທູຮັ່ງ, ໂຄສົກກະຊວງການຕ່າງປະເທດຫວຽດນາມ. ພາບ:  baochinhphu.vn

ຫວຽດນາມ ເຊື່ອໝັ້ນວ່າ ສອງປະເທດຈະປະຕິບັດບັນດາຂໍ້ຕົກລົງທີ່ບັນລຸໄດ້ໃນຖະແຫຼງການຮ່ວມຢ່າງມີປະສິດທິຜົນ, ສືບຕໍ່ເຈລະຈາເພື່ອແກ້ໄຂການຂັດແຍ້ງກັນໂດຍສັນຕິວິທີບົນພື້ນຖານຫຼັກການໂດຍພື້ນຖານຂອງກົດໝາຍສາກົນ, ກົດບັດ ສະຫະປະຊາຊາດ, ກົດບັດສະມາຄົມປະຊາຊາດອາຊີຕາເວັນອອກສ່ຽງໃຕ້, ສົນທິສັນຍາມິດຕະພາບ ແລະການຮ່ວມມືໃນອາຊີຕາເວັນອອກສ່ຽງໃຕ້ (TAC) ແລະບົນຈິດໃຈມິດຕະພາບ, ສາມັກຄີໃນອາຊຽນ,  ເພື່ອຜົນປະໂຫຍດອັນຍາວນານຂອງສອງຝ່າຍ ແລະຂອງພາກພື້ນ, ຫວຽດນາມ ຈະສືບຕໍ່ຕິດຕາມສະພາບການຢ່າງໃກ້ຊິດ, ພ້ອມແລ້ວທີ່ຈະແລກປ່ຽນຄຳຄິດເຫັນກັບທັງສອງປະເທດ, ເຂົ້າຮ່ວມໃນຄວາມມານະພະຍາຍາມລວມຂອງອາຊຽນ ເພື່ອແກ້ໄຂຄວາມບໍ່ລົງລອຍກັນລະຫວ່າງສອງປະເທດ, ໃນນັ້ນມີການເພີ່ມທະວີປະສິດທິຜົນຂອງກຸ່ມສັງເກດການອາຊຽນ (AOT)”.

ໂດຍ: ທູຈາງ