ທ່ານ Rogelio Polanco Fuentes ເອກອັກຄະລັດຖະທູດ ກູບາ ປະຈຳ ຫວຽດນາມ ໃຫ້ຮູ້ວ່າ ນີ້ແມ່ນຄັ້ງທຳອິດທີ່ທ່ານ Miguel Diaz-Canel Bermudez ມາຢ້ຽມຢາມ ຫວຽດນາມ ໃນຖານະທີ່ເປັນເລຂາຜູ້ທີໜຶ່ງຄະນະກຳມະການສູນກາງພັກກອມມູນິດກູບາ ແລະປະທານປະເທດ.

leftcenterrightdel
ທ່ານ Miguel Diaz-Canel Bermudez ເລຂາຜູ້ທີໜຶ່ງ, ປະທານປະເທດ ກູບາ ພ້ອມດ້ວຍພັນລະຍາ ມາຮອດສະໜາມບິນສາກົນ ໂນ້ຍບ່າຍ, ຮ່າໂນ້ຍ, ເລີ່ມຕົ້ນການຢ້ຽມຢາມທາງລັດຖະກິດຢູ່ ຫວຽດນາມ. ພາບ: ສໍານັກຂ່າວສານຫວຽດນາມ.

ກ່ອນໜ້ານີ້, ທ່ານ Miguel Diaz-Canel Bermudez ໄດ້ນຳໜ້າຄະນະຜູ້ແທນກູບາ ມາຢ້ຽມຢາມຫວຽດນາມ 2 ຄັ້ງ (ເດືອນມິຖຸນາ 2013 ໃນຖານະທີ່ເປັນຮອງປະທານຜູ້ທີໜຶ່ງສະພາແຫ່ງລັດ ແລະສະພາລັດຖະມົນຕີ; ເດືອນພະຈິກ 2018 ໃນຖານະທີ່ເປັນປະທານສະພາແຫ່ງລັດ ແລະສະພາລັດຖະມົນຕີ). ໃນການຢ້ຽມຢາມຫວຽດນາມ ຄັ້ງນີ້, ທ່ານ Miguel Diaz-Canel Bermudez ຈະມີການແລກປ່ຽນກັບການນຳສູງສຸດຂອງຫວຽດນາມ ແລະເຂົ້າຮ່ວມຫຼາຍກິດຈະກຳສຳຄັນເພື່ອແນໃສ່ປັບປຸງການພົວພັນມິດຕະພາບ ແລະການຮ່ວມມືປະຫວັດສາດແບບພິເສດລະຫວ່າງສອງປະເທດ, ພ້ອມທັງກໍ່ຈະເຂົ້າຮ່ວມພິທີສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ກູບາ - ຫວຽດນາມ. ທ່ານເອກອັກຄະລັດຖະທູດ Rogelio Polanco Fuentes ຢືນຢັນວ່າ ການຢ້ຽມຢາມໄດ້ດຳເນີນໃນສະພາບການການພົວພັນລະຫວ່າງສອງປະເທດສືບຕໍ່ພັດທະນາຢ່າງດີງາມ, ຈະສືບຕໍ່ປະກອບສ່ວນປັບປຸງ ແລະຍົກສູງການພົວພັນທີ່ສະໜິດຕິພັນລະຫວ່າງ ກູບາ - ຫວຽດນາມ ກວ່າອີກ.

ໂດຍ: ຈາງຫງວຽນ