ກອງປະຊຸມແມ່ນເວທີປາໄສສຳຄັນເພື່ອໃຫ້ລັດຖະບານຮັບຟັງຄຳເຫັນຈາກປະຊາຄົມວິສາຫະກິດ. ຜ່ານນັ້ນ, ສໍາເລັດກົນໄກ, ນະໂຍບາຍເພື່ອແນໃສ່ເສີມຂະຫຍາຍກໍາລັງແຮງສັງລວມໃຫ້ການພັດທະນາເສດຖະກິດ - ສັງຄົມ.

ກ່າວຄຳເຫັນທີ່ກອງປະຊຸມ, ທ່ານ ຟ້າມມິງຈິ໊ງ ນາຍົກລັດຖະມົນຕີ ເນັ້ນໜັກວ່າ ປະຊາຄົມວິສາຫະກິດ, ຖັນແຖວນັກທຸລະກິດນັບມື້ນັບພັດທະນາຢ່າງແຂງແຮງ; ຍາມໃດກໍ່ເສີມຂະຫຍາຍບົດບາດ, ພາລະກໍານຳພາ, ນໍາໜ້າໃນການພັດທະນາເສດຖະກິດ, ສັງຄົມ ແລະການເຊື່ອມໂຍງເຂົ້າກັບໂລກຢ່າງເລິກເຊິ່ງກວ້າງຂວາງ.

leftcenterrightdel
ທ່ານ ຟ້າມມິງຈິ໊ງ ນາຍົກລັດຖະມົນຕີ ເຂົ້າຮ່ວມກອງປະຊົມພົບປະກັບວິສາຫະກິດດ້ວຍຫົວຂໍ້ “80 ປີແຫ່ງວິສາຫະກິດຮ່ວມເດີນທາງພ້ອມກັບປະເທດ”. ພາບ: ສໍານັກຂ່າວສານຫວຽດນາມ.

ທ່ານນາຍົກລັດຖະມົນຕີ ສະເໜີໃຫ້ບັນດາວິສາຫະກິດ ສືບຕໍ່ຮ່ວມເດີນທາງພ້ອມກັບລັດຖະບານ, ພ້ອມກັນມານະພະຍາຍາມຊອກຫາມາດຕະການ, ທິດທາງທີ່ແຮງກ້າ, ບຸກທະລຸ, ມີຫົວຄິດປະດິດສ້າງເພື່ອປະກອບສ່ວນເຂົ້າໃນການພັດທະນາປະເທດຊາດ: ບັນດາວິສາຫະກິດສືບຕໍ່ຍົກສູງຈິດໃຈແຫ່ງຊາດ, ເສີມຂະຫຍາຍລັກສະນະເປັນເຈົ້າການ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ມານະພະຍາຍາມຜ່ານຜ່າຄວາມຫຍຸ້ງຍາກ, ສິ່ງທ້າທາຍ. ເປັນເຈົ້າການປ່ຽນແປງໃໝ່ຮູບແບບການຜະລິດ ແລະດຳເນີນທຸລະກິດ, ສ້າງໂຄງປະກອບວິສາຫະກິດຄືນໃໝ່; ສຸມໃສ່ການຝຶກອົບຮົມ, ຍົກສູງກໍາລັງຄວາມສາມາດການບໍລິຫານ, ຄຸນນະພາບຂອງຊັບພະຍາກອນມະນຸດ. ນຳໃຊ້ວິທະຍາສາດເຕັກໂນໂລຢີຢ່າງແຂງແຮງເພື່ອຫັນສິ່ງທ້າທາຍໃຫ້ເປັນກາລະໂອກາດ...

ເນື່ອງໃນໂອກາດນີ້, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ປະຊາຄົມວິສາຫະກິດ ແລະນັກທຸລະກິດຫວຽດນາມ ຮ່ວມເດີນທາງພ້ອມກັບລັດຖະບານ, ເພື່ອເປົ້າໝາຍສ້າງສາປະເທດຫວຽດນາມ ໃຫ້ເຂັ້ມແຂງແຮງກ້າ, ຈະເລີນຮັ່ງມີ, ປະຊາຊົນອີ່ມໜຳສຳລານ ແລະມີຄວາມຜາສຸກ.

ໂດຍ: ຈາງຫງວຽນ