ການຢ້ຽມຢາມຫວຽດນາມຂອງທ່ານ Gerry Brownlee ປະທານສະພາແຫ່ງຊາດນິວຊີແລນ ຈະປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ນິວຊີແລນ ຕື່ມອີກ. ນີ້ແມ່ນຄໍາຢັ້ງຢືນຂອງທ່ານ ເລືອງເກື່ອງ ປະທານປະເທດຫວຽດນາມ ໃນຕອນບ່າຍວັນທີ 29 ສິງຫາ ຢູ່ຮ່າໂນ້ຍ, ໃນການຕ້ອນຮັບທ່ານປະທານສະພາແຫ່ງຊາດນິວຊີແລນ ທີ່ພວມຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 27-31 ສິງຫາ 2025.

leftcenterrightdel
ທ່ານ ເລືອງເກື່ອງ ປະທານປະເທດ ແລະທ່ານ Gerry Brown ປະທານສະພາແຫ່ງຊາດ ນິວຊີແລນ . ພາບ:  qdnd.vn

ທ່ານປະທານປະເທດ ເລືອງເກື່ອງ ເນັ້ນໜັກວ່າ ການຍົກລະດັບການພົວພັນຫວຽດນາມ - ນິວຊີແລນ ຂຶ້ນເປັນຄູ່ຮ່ວມມືຍຸດທະສາດຮອບດ້ານໃນເດືອນກຸມພາ 2025 ໄດ້ເປີດໄລຍະຮ່ວມມືໃໝ່, ນຳການພົວພັນລະຫວ່າງສອງປະເທດພັດທະນາຢ່າງຮອບດ້ານ ແລະເລິກເຊິ່ງກວ້າງຂວາງກວ່າ, ທັງດ້ານສອງຝ່າຍ ແລະຫຼາຍຝ່າຍ.

ສ່ວນທ່ານປະທານສະພາແຫ່ງຊາດນິວຊີແລນ ຕີລາຄາວ່າ ຫວຽດນາມ ພວມມີທີ່ຕັ້ງທີ່ນັບມື້ນັບສູງຂຶ້ນໃນພາກພື້ນ ແລະສາກົນ, ປາດຖະໜາຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດຢ່າງບໍ່ຢຸດຢັ້ງ. ທ່ານ Gerry Brownlee ກໍ່ຢືນຢັນວ່າ: Wellington ຕີລາຄາສູງການປະກອບສ່ວນຂອງປະຊາຄົມຊາວຫວຽດນາມ ອາໄສ ຢູ່ ນິວຊີແລນ ແລະໃຫ້ຄຳໝັ້ນສັນຍາສ້າງເງື່ອນໄຂສະດວກໃຫ້ແກ່ປະຊາຄົມ.

ການນຳສອງທ່ານຍັງເຫັນດີເປັນເອກະພາບສືບຕໍ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ເພີ່ມທະວີການຢ້ຽມຢາມ ແລະແລກປ່ຽນຄະນະຜູ້ແທນຂັ້ນສູງ ແລະທຸກຂັ້ນ, ເພີ່ມທະວີການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບຢ່າງເລິກເຊິ່ງຂຶ້ນຕື່ມ. ສອງຝ່າຍກໍ່ເຫັນດີສືບຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະກັນຢູ່ບັນດາເວທີປາໄສຫຼາຍຝ່າຍ, ພິເສດແມ່ນສະຫະປະຊາຊາດ.

ໂດຍ: ໄຊນີດາ