ທ່ານປະທານສະພາແຫ່ງຊາດຫວຽດນາມ ໄປຢ້ຽມຢາມສະວິດ, ເຊເນການ ແລະມາຣົກ ຈະບັນລຸໄດ້ໝາກຜົນແທດຈິງ
ກປ.ອອນໄລ - ທ່ານ ດັ້ງຮວ່າງຢາງ ຮອງລັດຖະມົນຕີການຕ່າງປະເທດຫວຽດນາມ ໄດ້ສະແດງຄວາມປາດຖະໜາຄືແນວນັ້ນເມື່ອຕ້ອນຮັບທ່ານ Jamale Chouaibi ເອກອັກຄະລັດຖະທູດ ລາຊະອານາຈັກ ມາຣົກ ປະຈຳ ຫວຽດນາມ, ທ່ານ Aldo de Luca ເອກອັກຄະລັດຖະທູດສະວິດ ປະຈຳ ຫວຽດນາມ ແລະມີການໂອ້ລົມທາງໂທລະສັບກັບທ່ານ Abdoulaye Barro ເອກອັກຄະລັດຖະທູດເຊເນການ ປະຈຳ ມາເລເຊຍ ແລະຫວຽດນາມ ໃນຕອນເຊົ້າວັນທີ 18 ກໍລະກົດ, ຢູ່ຮ່າໂນ້ຍ.
ທີ່ການແລກປ່ຽນ ແລະເຮັດວຽກ, ທ່ານຮອງລັດຖະມົນຕີ ດັ້ງຮວ່າງຢາງ ຢືນຢັນວ່າ ການປະຕິບັດງານຄັ້ງນີ້ ຂອງທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ສະແດງໃຫ້ເຫັນການຖືເປັນສໍາຄັນຂອງຫວຽດນາມ ຕໍ່ IPU ກໍ່ຄືການພົວພັນຮ່ວມມືທີ່ເປັນມູນເຊື້ອກັບ ເຊເນການ, ມາຣົກ, ສະວິດ.
    |
 |
|
ທ່ານ ດັ້ງຮວ່າງຢາງ ຮອງລັດຖະມົນຕີການຕ່າງປະເທດຫວຽດນາມ ຕ້ອນຮັບທ່ານ Aldo de Luca ເອກອັກຄະລັດຖະທູດສະວິດ ປະຈຳ ຫວຽດນາມ. ພາບ: baoquocte.vn |
ທ່ານຮອງລັດຖະມົນຕີ ດັ້ງຮວ່າງຢາງ ປາດຖະໜາວ່າ ການປະຕິບັດງານຈະບັນລຸໄດ້ໝາກຜົນແທດຈິງ, ເປັນຕົ້ນແມ່ນດ້ານການຄ້າ, ການລົງທຶນ, ກະສິກຳ, ພັດທະນາແບບຍືນຍົງ, ນະວັດຕະກໍາ, ສ້າງປະຖົມປັດໄຈເພື່ອນໍາການພົວພັນສອງຝ່າຍລະຫວ່າງຫວຽດນາມ ກັບເຊເນການ, ມາຣົກ, ສະວິດ ເຂົ້າສູ່ລວງເລິກ, ນັບມື້ນັບມີປະສິດທິຜົນ, ນຳຜົນປະໂຫຍດແທດຈິງມາໃຫ້ແຕ່ລະປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະການພັດທະນາຢູ່ພາກພື້ນ ແລະໃນໂລກ; ສະເໜີບັນດາທ່ານເອກອັກຄະລັດຖະທູດ ສືບຕໍ່ຊຸກຍູ້, ສົມທົບກັບກະຊວງການຕ່າງປະເທດ ແລະອົງການຂອງສະພາແຫ່ງຊາດ, ບັນດາກະຊວງ, ຂະແໜງການທີ່ກ່ຽວຂ້ອງຢ່າງແໜ້ນແຟ້ນ ເພື່ອກະກຽມຢ່າງລອບຄອບຖີ່ຖ້ວນ, ຮັບປະກັນໃຫ້ການຢ້ຽມຢາມຂອງທ່ານປະທານສະພາແຫ່ງຊາດ ປະສົບຜົນສຳເລັດ.
|
|
 |
|
ທ່ານ ດັ້ງຮວ່າງຢາງ ຮອງລັດຖະມົນຕີການຕ່າງປະເທດຫວຽດນາມ ຕ້ອນຮັບທ່ານ Jamale Chouaibi ເອກອັກຄະລັດຖະທູດລາຊະອານາຈັກ ມາຣົກ ປະຈຳ ຫວຽດນາມ. ພາບ: baoquocte.vn |
ບັນດາທ່ານເອກອັກຄະລັດຖະທູດ ຢືນຢັນວ່າ ເຊເນການ, ມາຣົກ, ສະວິດ ຖືເປັນສຳຄັນການປະຕິບັດງານຂອງທ່ານປະທານສະພາແຫ່ງຊາດ ເຈິ່ນແທັງເໝິນ ໃນຄັ້ງນີ້; ເຊື່ອໝັ້ນວ່າ ການຢ້ຽມຢາມຈະແມ່ນຂີດໝາຍໃໝ່ໃນການພົວພັນກັບບັນດາປະເທດ, ແມ່ນກາລະໂອກາດເປີດກວ້າງບັນດາຂົງເຂດຮ່ວມມືໃໝ່, ປະກອບສ່ວນຍູ້ແຮງການພົບປະແລກປ່ຽນລະຫວ່າງທ້ອງຖິ່ນຫວຽດນາມ ກັບບັນດາປະເທດ.
ບັນດາທ່ານເອກອັກຄະລັດຖະທູດ ເຫັນດີຈະສືບຕໍ່ສົມທົບກັບບັນດາອົງການ, ຫົວໜ່ວຍຂອງກະຊວງການຕ່າງປະເທດ, ອົງການສະພາແຫ່ງຊາດຂອງສອງປະເທດ ແລະບັນດາກະຊວງ, ຂະແໜງການທີ່ກ່ຽວຂ້ອງຢ່າງແໜ້ນແຟ້ນ ເພື່ອແນໃສ່ຊຸກຍູ້ ແລະກະກຽມຢ່າງລອບຄອບຖີ່ຖ້ວນໃຫ້ການປະຕິບັດງານຂອງທ່ານປະທານສະພາແຫ່ງຊາດ ໃຫ້ປະສົບຜົນສຳເລັດ.
ໂດຍ: ເຈິ່ນຮວ່ຽນ