ວັນທີ 2 ເມສາ, ທີ່ສໍານັກງານກະຊວງການຕ່າງປະເທດລັດເຊຍ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ແລະທ່ານ Sergei Lavrov ລັດຖະມົນຕີການຕ່າງປະເທດລັດເຊຍ ໄດ້ພົບປະເຈລະຈາ. ທີ່ການພົບປະເຈລະຈາ, ສອງຝ່າຍໄດ້ພ້ອມກັນແລກປ່ຽນ, ຕີລາຄາກ່ຽວກັບສະພາບການຮ່ວມມືຫວຽດນາມ-ລັດເຊຍ, ແລກປ່ຽນ ແລະເຫັນດີເປັນເອກະພາບຫຼາຍມາດຕະການເພື່ອປັບປຸງ ແລະເພີ່ມທະວີການພົວພັນສອງຝ່າຍໃນຂົງເຂດຕ່າງໆ, ແລກປ່ຽນກ່ຽວກັບບັນດາບັນຫາສາກົນ ແລະພາກພື້ນ ເຊິ່ງຕ່າງຝ່າຍຕ່າງມີຄວາມສົນໃຈຕື່ມອີກ. ສອງຝ່າຍກໍ່ແລກປ່ຽນເນື້ອໃນເພື່ອກະກຽມໃຫ້ການຢ້ຽມຢາມ ແລະເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນໄຊຊະນະການສົງຄາມປົກປັກຮັກສາປະເທດອັນຍິ່ງໃຫຍ່ຢູ່ມົດສະກູຂອງທ່ານ ໂຕເລິມ ເລຂາທິການໃຫຍ່ ຕາມຄໍາເຊື້ອເຊີນຂອງທ່ານ Vladimir Putin ປະທານາທິບໍດີລັດເຊຍ ເມື່ອເດືອນ ພຶດສະພາ ຈະມາເຖິງ.

leftcenterrightdel
ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ແລະທ່ານ Sergei Lavrov ລັດຖະມົນຕີການຕ່າງປະເທດສະຫະພັນລັດເຊຍ. ພາບ: mofa.gov.vn

ເພື່ອຍູ້ແຮງການພົວພັນທີ່ເປັນມູນເຊື້ອມິດຕະພາບ ແລະຄູ່ຮ່ວມມືຍຸດທະສາດຮອບດ້ານຫວຽດນາມ-ລັດເຊຍ ໃນສະພາບການໃໝ່, ເປັນຕົ້ນແມ່ນຫວຽດນາມ ກ້າວເຂົ້າສູ່ສັງກາດໃໝ່ ແລະລັດເຊຍ ຫັນປ່ຽນໄປສູ່ໄລຍະພັດທະນາໃໝ່, ສອງຝ່າຍເຫັນດີເປັນເອກະພາບສືບຕໍ່ເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນບັນດາການຢ້ຽມຢາມຂອງການນໍາຂັ້ນສູງຜ່ານຊ່ອງທາງພັກ, ລັດ, ສະພາແຫ່ງຊາດ ແລະການພົບປະແລກປ່ຽນປະຊາຊົນ; ເພີ່ມທະວີການຮ່ວມມືລະຫວ່າງສອງກະຊວງການຕ່າງປະເທດກວ່າອີກ; ເປີດກວ້າງ ແລະເຮັດໃຫ້ການຮ່ວມມືໃນບັນດາຂົງເຂດ ເລິກເຊິ່ງກວ່າ, ຄື: ພະລັງງານທົດແທນ, ໂຄງລ່າງຄົມມະນາຄົມ, logistics, ວິທະຍາສາດ-ເຕັກໂນໂລຢີ, ກະສິກໍາ, ວັດທະນະທໍາ, ການທ່ອງທ່ຽວ, ການສຶກສາ-ບໍາລຸງສ້າງ...; ເສີມຂະຫຍາຍບົດບາດຂອງສັນຍາການຄ້າເສລີຫວຽດນາມ-ສະຫະພາບ ເສດຖະກິດອາຊີ-ເອີລົບ, ສຸມໃສ່ຜັນຂະຫຍາຍບັນດາໂຄງການຈຸດສຸມ ແລະພັດທະນາບັນດາໂຄງການໃໝ່ ເພື່ອນໍາການຮ່ວມມືເສດຖະກິດ-ການຄ້າ, ການລົງທຶນກາຍເປັນເສົາຄໍ້າໃນການຮ່ວມມືຫວຽດນາມ-ລັດເຊຍ ໂດຍໄວ.

ໃນວັນດຽວກັນ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄດ້ວາງພວງມາລາ ຢູ່ອະນຸສາວະລີປະທານໂຮ່ຈີມິນ ຢູ່ນະຄອນຫຼວງມົດສະກູ ແລະວາງພວງມາລາຢູ່ອະນຸສາວະລີນັກຮົບນິລະນາມ.

ໂດຍ: ໄຊນີດາ