ກ່າວຄຳເຫັນທີ່ການໂອ້ລົມສົນທະນາ, ທ່ານ Hakob Arshakyan ຮອງປະທານສະພາແຫ່ງຊາດອາກເມນີ ໄດ້ສະແດງຄວາມຊົມເຊີຍຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ນໍາໂດຍທ່ານ ເຈິ່ນແທງເໝິນ ປະທານສະພາແຫ່ງຊາດ ໄປຢ້ຽມຢາມອາກເມນີ ຢ່າງເປັນທາງການ; ຢືນຢັນວ່າ ການຢ້ຽມຢາມແມ່ນກຳລັງໜູນສໍາຄັນນໍາການພົວພັນລະຫວ່າງສອງປະເທດພັດທະນາຂຶ້ນສູ່ລະດັບສູງໃໝ່. ທ່ານຮອງປະທານສະພາແຫ່ງຊາດອາກເມນີ ເນັ້ນໜັກວ່າ: ຄວາມສາມາດບົ່ມຊ້ອນໃນການຮ່ວມມືລະຫວ່າງສອງປະເທດຍັງໃຫຍ່ຫຼວງຢູ່, ຄວນໄດ້ຮັບການຊຸກຍູ້, ຂຸດຄົ້ນຢ່າງແຂງແຮງໃນໄລຍະຈະມາເຖິງ, ພິເສດແມ່ນບັນດາຂົງເຂດສະບຽງອາຫານ, ການສຶກສາ, ວິທະຍາສາດ - ເຕັກໂນໂລຢີ, ເຕັກໂນໂລຢີສູງ.

leftcenterrightdel
ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ກ່າວຄໍາເຫັນທີ່ການໂອ້ລົມສົນທະນາວິສາຫະກິດ ຫວຽດນາມ - ອາກເມນີ. ພາບ: qdnd.vn

ເພື່ອຊຸກຍູ້, ເຮັດໃຫ້ການຮ່ວມມືລະຫວ່າງປະຊາຄົມວິສາຫະກິດສອງປະເທດເລິກເຊິ່ງ, ຮອບດ້ານ ແລະມີປະສິດທິຜົນ, ທ່ານປະທານສະພາແຫ່ງຊາດຫວຽດນາມ ສະເໜີໃຫ້ສອງຝ່າຍຕ້ອງຕັ້ງໜ້າສ້າງເງື່ອນໄຂສະດວກໃຫ້ແກ່ວິສາຫະກິດຫວຽດນາມ ແລະອາກເມນີ ມີກາລະໂອກາດແລກປ່ຽນ, ຊອກຫາ ແລະຂຸດຄົ້ນກາລະໂອກາດຮ່ວມມື, ລົງທຶນຢ່າງເປັນປະຈໍາ, ພິເສດແມ່ນໃນບັນດາຂົງເຂດທີ່ມີຄວາມສາມາດບົ່ມຊ້ອນ ແລະມີຄວາມຕ້ອງການຫຼາຍຢ່າງ. ສອງປະເທດຄວນເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນລະດັບສູງເພື່ອແນໃສ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ ແລະຊຸກຍູ້ການຮ່ວມມືໃນຂົງເຂດທີ່ມີຄວາມສາມາດບົ່ມຊ້ອນ. ຫວຽດນາມ ພ້ອມແລ້ວທີ່ຈະເປັນຂົວຕໍ່ໃຫ້ອາກເມນີ ເພີ່ມທະວີການພົວພັນກັບອາຊຽນ ແລະຫວັງວ່າ ອາກເມນີ ຈະເປັນຂົວຕໍ່ໃຫ້ ຫວຽດນາມ ເພີ່ມທະວີການພົວພັນຮ່ວມມືກັບບັນດາປະເທດໃນເຂດພາກພື້ນເສດຖະກິດ ອາຊີ-ເອີລົບ.

ທ່ານປະທານສະພາແຫ່ງຊາດ ເຈິ່ນແທງເໝິນ ເຊື່ອໝັ້ນວ່າ ດ້ວຍການຮ່ວມເດີ່ນທາງຂອງສະພາແຫ່ງຊາດ, ລັດຖະບານ ແລະຄວາມຂະຫຍັນຂັນເຂື່ອນຂອງປະຊາຄົມວິສາຫະກິດຂອງສອງປະເທດ, ສອງຝ່າຍຈະສົມທົບກັນຫັນບັນດາຄວາມສາມາດບົ່ມຊ້ອນກາຍເປັນໝາກຜົນຕົວຈິງ, ນຳມາເຊິ່ງຜົນປະໂຫຍດໃຫ້ປະຊາຊົນສອງປະເທດ.

leftcenterrightdel
ທ່ານ ເຈິ່ນແທງເໝິນ ປະທານສະພາແຫ່ງຊາດ ແລະຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄປຢ້ຽມຢາມສູນເຕັກໂນໂລຢີປະດິດສ້າງ TUMO. ພາບ: qdnd.vn

* ຕອນບ່າຍວັນທີ 2 ເມສາ, ທ່ານປະທານສະພາແຫ່ງຊາດ ເຈິ່ນແທງເໝິນ ແລະຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ໄປຢ້ຽມຢາມສູນເຕັກໂນໂລຢີປະດິດສ້າງ TUMO - ສູນການສຶກສາໂດຍບໍ່ເສຍຄ່າທີ່ຊ່ວຍໃຫ້ຊາວໜຸ່ມ, ເຍົາວະຊົນຮ່ຳຮຽນດ້ວຍຕົນເອງ ແລະຍົກສູງລະດັບຄວາມຮູ້ຂອງ ອາກເມນີ.

ໂດຍ: ຈາງຫງວຽນ