ທ່ານ Boris Rhein ຕີລາຄາວ່າ ຫວຽດນາມ ແມ່ນຄູ່ຮ່ວມມືສໍາຄັນຂອງເຢຍລະມັນ ຢູ່ອາຊີຕາເວັນອອກສ່ຽງໃຕ້ ແລະຍາມໃດກໍສະໜັບສະໜູນເພີ່ມທະວີການພົວພັນລະຫວ່າງສອງປະເທດໃນທຸກຂົງເຂດ.

leftcenterrightdel
ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ແລະທ່ານ Boris Rhein ຜູ້ວ່າການ ລັດ Hessen. ພາບ: ກະຊວງການຕ່າງປະເທດຫວຽດນາມ.

ສ່ວນທ່ານ ຫງວຽນຮວ່າບິ່ງ ຢັ້ງຢືນວ່າ ຫວຽດນາມ ຍາມໃດກໍຖືເປັນສໍາຄັນເຮັດໃຫ້ການພົວພັນຄູ່ຮ່ວມມືຍຸດທະສາດກັບເຢຍລະມັນ ເວົ້າລວມ ແລະກັບລັດ Hessen ເວົ້າສະເພາະ ເລິກເຊິ່ງຂຶ້ນຕື່ມ. ສອງຝ່າຍຕີລາຄາວ່າ  ໃນໄລຍະຜ່ານມາ, ການພົວພັນລະຫວ່າງຫວຽດນາມ ແລະລັດ Hessen ພັດທະນາຢ່າງຕັ້ງໜ້າ ແລະມີປະສິດທິຜົນ. ເມື່ອແລກປ່ຽນກ່ຽວກັບແຜນການກໍ່ສ້າງສູນການເງິນສາກົນຂອງຫວຽດນາມ, ທ່ານ Boris Rhein ຢັ້ງຢືນພ້ອມແລ້ວທີ່ຈະໜູນຊ່ວຍຫວຽດນາມ ຜັນຂະຫຍາຍໂຄງການນີ້ກໍຄືແບ່ງປັນບົດຮຽນໃນການຄຸ້ມຄອງຕະຫຼາດການເງິນ.

leftcenterrightdel
ບັນຍາກາດທີ່ການພົບປະ. ພາບ: ກະຊວງການຕ່າງປະເທດຫວຽດນາມ.

ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ກໍສະເໜີໃຫ້ອໍານາດການປົກຄອງລັດ Hessen ສືບຕໍ່ໜູນຊ່ວຍຫວຽດນາມ ໃນຂົງເຂດການສຶກສາ-ກໍ່ສ້າງ ຄື ສະໜອງທຶນການສຶກສາໃຫ້ນັກສຶກສາ ແລະນັກຄົ້ນຄວ້າຫວຽດນາມ, ສົ່ງເສີມການຮ່ວມສຳພັນການບຳລຸງສ້າງລະຫວ່າງບັນດາຮາກຖານຄົ້ນຄວ້າຂອງທັງສອງຝ່າຍ, ເປີດກວ້າງການສະໜອງແຫຼ່ງຊັບພະຍາກອນມະນຸດຈາກຫວຽດນາມ ໄປເຮັດວຽກຢູ່ລັດ Hessen...

ໂດຍ: ໄຊຊະນະ