    |
 |
|
ບັນດາຜູ້ແທນເຂົ້າຮ່ວມກອງປະຊຸມຕ້ອນຮັບທ່ານ ໂຕເລິມ ເລຂາທິການໃຫຍ່. ພາບ: ເກື່ອງແທັ່ງ |
ທີ່ການເຮັດວຽກ, ການນຳທະຫານເຂດ 7 ໄດ້ລາຍງານໃຫ້ທ່ານເລຂາທິການໃຫຍ່ ແລະຄະນະປະຕິບັດງານຮັບຊາບກ່ຽວກັບໝາກຜົນການປະຕິບັດໜ້າທີ່ຂອງກໍາລັງປະກອບອາວຸດທະຫານເຂດ 7 ໃນປີ 2024; ບາງທິດທາງ ແລະໜ້າທີ່ຈຸດສຸມໃນປີ 2025.
|
|
 |
|
ທ່ານ ໂຕເລິມ ເລຂາທິການໃຫຍ່ ກ່າວຄໍາເຫັນຊີ້ນໍາທີ່ການເຮັດວຽກ. ພາບ: ເກື່ອງແທັ່ງ |
ຕາງໜ້າການນຳພັກ, ລັດ, ທ່ານເລຂາທິການໃຫຍ່ ໂຕເລິມ ໄດ້ຮັບຮູ້ ແລະຕີລາຄາສູງບັນດາໝາກຜົນ, ຜົນງານເຊິ່ງພະນັກງານ, ນັກຮົບກໍາລັງປະກອບອາວຸດທະຫານເຂດ 7 ບັນລຸໄດ້ໃນໄລຍະຜ່ານມາ. ສໍາລັບໜ້າທີ່ ແລະມາດຕະການຄະນະພັກ, ກອງບັນຊາການທະຫານເຂດ 7 ກໍານົດໃນປີ 2025, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ ຄະນະພັກ, ກອງບັນຊາການທະຫານເຂດ 7 ແລະຄະນະພັກ, ຜູ້ບັນຊາການທຸກຂັ້ນຈະສືບຕໍ່ຄົ້ນຄວ້າ, ຊາບຊຶມຢ່າງເລິກເຊິ່ງມະຕິ, ຄຳສັ່ງຂອງພັກ, ຂອງຄະນະພັກການທະຫານສູນກາງ ແລະກະຊວງປ້ອງກັນປະເທດ, ເປັນຕົ້ນແມ່ນມະຕິກອງປະຊຸມໃຫຍ່ ຄັ້ງທີ XIII ຂອງພັກ, ມະຕິກອງປະຊຸມໃຫຍ່ອົງຄະນະພັກກອງທັບ ຄັ້ງທີ XI ແລະມະຕິສູນກາງ 8 (ຊຸດທີ XIII) ກ່ຽວກັບຍຸດທະສາດປົກປັກຮັກສາປະເທດຊາດໃນສະພາບການໃໝ່ເພື່ອກຳແໜ້ນທັດສະນະ, ແນວທາງດ້ານການທະຫານ, ການປ້ອງກັນຊາດຂອງພັກ, ກຳແໜ້ນໜ້າທີ່ປົກປັກຮັກສາປະເທດຊາດໃນສະພາບການໃໝ່. ເສີມຂະຫຍາຍມູນເຊື້ອເປັນເຈົ້າການ, ປະດິດສ້າງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ສົມທົບກັນຢ່າງແໜ້ນແຟ້ນກັບຄະນະພັກ, ອຳນາດການປົກຄອງ ແລະຄະນະ, ຂະແໜງການ, ທ້ອງຖິ່ນເປັນເຈົ້າການກໍ່ສ້າງ ແລະປັບປຸງພື້ນຖານປ້ອງກັນຊາດທົ່ວປວງຊົນ, ທ່າຮົບປ້ອງກັນຊາດທົ່ວປວງຊົນຕິດພັນກັບການກໍ່ສ້າງ “ທ່າຮົບດ້ານຈິດໃຈປະຊາຊົນ” ໄວ້ຢ່າງໝັ້ນຄົງໃນບໍລິເວນ, ໃນແຕ່ລະທິດທາງຍຸດທະສາດດ້ວຍບັນດາຮູບແບບ, ວິທີເຮັດໃໝ່, ປະດິດສ້າງ, ທີ່ມີລັກສະນະຍຸດທະສາດ ແລະຄວາມໝາຍການເມືອງ-ສັງຄົມ ຢ່າງເລິກເຊິ່ງ.
|
|
 |
|
ທ່ານ ໂຕເລິມ ເລຂາທິການໃຫຍ່ ແລະຄະນະປະຕິບັດງານ ຖ່າຍຮູບທີ່ລະນຶກກັບພະນັກງານຫຼັກແຫຼ່ງທະຫານເຂດ 7. ພາບ: ເກື່ອງແທັ່ງ |
ທ່ານເລຂາທິການໃຫຍ່ ໃສ່ໃຈວ່າ ກໍາລັງປະກອບອາວຸດທະຫານເຂດ ຍົກສູງຄຸນນະພາບສັງລວມ, ລະດັບຄວາມຮູ້, ຄວາມສາມາດກຽມພ້ອມສູ້ຮົບ, ກໍ່ສ້າງກໍາລັງປະກອບອາວຸດທະຫານເຂດໃຫ້ໝັ້ນຄົງເຂັ້ມແຂງຮອບດ້ານ “ເປັນແບບຢ່າງ, ດີເດັ່ນ” ເຂົ້າສູ່ລວງເລິກ, ໜັກແໜ້ນ. ເອົາໃຈໃສ່ກໍ່ສ້າງຖັນແຖວພະນັກງານ, ສືບຕໍ່ກວດກາຄືນ, ສະເໜີປັບປຸງກົງຈັກການຈັດຕັ້ງ, ການບັນຈຸບັນດາກົມກອງ, ບູລະນະອົງການທະຫານທ້ອງຖິ່ນທີ່ເໝາະສົມກັບຂັ້ນຕອນການໂຮມບັນດາກົມກອງຈັດຕັ້ງການບໍລິຫານເຂົ້າກັບ. ສຸມໃສ່ຍົກສູງຄຸນນະພາບກຽມພ້ອມສູ້ຮົບ, ຍາມໃດກໍ່ຮັບປະກັນຄົນດີ, ອາວຸດ, ອຸປະກອນ, ແຜນການກຽມພ້ອມຮັບມືກັບສະຖານະການ.
ໂດຍ: ເຈິ່ນຮວ່ຽນ