ທ່ານນາຍົກລັດຖະມົນຕີ ຟ້າມມິງຈິ໊ງ ຕ້ອນຮັບນັກທຸລະກິດ Nicolas Berggruen ແລະສາດສະດາຈານ ຫງວຽນທິລຽນຮັ່ງ

ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຕ້ອນຮັບທ່ານ Nicolas Berggruen, ຜູ້ກໍ່ຕັ້ງ, ປະທານບໍລິສັດລົງທຶນ Berggruen Holdings ແລະສະຖາບັນ Berggruen. ພາບ: ສໍານັກຂ່າວສານຫວຽດນາມ

ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິ໊ງ ໃຫ້ຮູ້ວ່າ: ຫວຽດນາມ ພວມກໍ່ສ້າງປະເທດ ອີງໃສ່ 3 ເສົາຄ້ຳຕົ້ນຕໍ, ຄື: ພື້ນຖານປະຊາທິປະໄຕສັງຄົມນິຍົມ, ລັດແຫ່ງອໍານາດນິຕິບັນຍັດສັງຄົມນິຍົມ ແລະພື້ນຖານເສດຖະກິດຕະຫຼາດກໍານົດທິດສັງຄົມນິຍົມ. ໃນຕະຫຼອດວິວັດການນັ້ນ, ຫວຽດນາມ ຖືປະຊາຊົນເປັນໃຈກາງ, ເປັນເຈົ້າກໍາ ແລະເປັນກຳລັງໜູນໃຫ້ການພັດທະນາ; ບໍ່ສະຫຼະຄວາມຍຸດຕິທຳ, ຄວາມກ້າວໜ້າ, ຮັບປະກັນຊີວິດສັງຄົມ, ສິ່ງແວດລ້ອມເພື່ອການເຕີບໂຕເສດຖະກິດ. ຫວຽດນາມ ປະຕິບັດ 6 ໜ້າທີ່ສຳຄັນຍິ່ງ, ໃນນັ້ນມີ 3 ບຸກທະລຸຍຸດທະສາດກ່ຽວກັບລະບອບລະບຽບການ, ພື້ນຖານໂຄງລ່າງ ແລະບຳລຸງສ້າງແຫຼ່ງຊັບພະຍາກອນມະນຸດ; ກໍ່ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ ແລະເຊື່ອມໂຍງຢ່າງເລິກເຊິ່ງ, ກວ້າງຂວາງ.

ບັນຍາກາດທີ່ການຕ້ອນຮັບ. ພາບ: ສໍານັກຂ່າວສານຫວຽດນາມ

ທ່ານນາຍົກລັດຖະມົນຕີ ໃຫ້ຮູ້ວ່າ ພາຍຫຼັງຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ, ການພົວພັນລະຫວ່າງຫວຽດນາມ - ອາເມລິກາ ສືບຕໍ່ພັດທະນາເຂົ້າສູ່ລວງເລິກ, ແທດຈິງ, ສ້າງພື້ນຖານທີ່ແຂງແຮງໃຫ້ການຮ່ວມມືດ້ານເສດຖະກິດ, ການຄ້າ, ການລົງທຶນ ແລະການຮ່ວມມືໃນຂົງເຂດອື່ນໆ.

ທ່ານນາຍົກລັດຖະມົນຕີ ສະເໜີໃຫ້ກຸ່ມບໍລິສັດ Berggruen Holdings ຄົ້ນຄວ້າລົງທຶນເຂົ້າບາງໂຄງການທີ່ມີຄວາມໝາຍດ້ານວັດທະນະທຳ ແລະປະຫວັດສາດ; ຊ່ວຍໂຄສະນາວັດທະນະທຳຫວຽດນາມ ຢູ່ຕ່າງປະເທດ, ພັດທະນາອຸດສາຫະກຳວັດທະນະທຳ; ການຮ່ວມມືດ້ານການສຶກສາ, ການຄົ້ນຄວ້າ ແລະພັດທະນາແຫຼ່ງຊັບພະຍາກອນມະນຸດ.

ສ່ວນທ່ານ Nicolas Berggruen ສະແດງຄວາມນິຍົມຕໍ່ການປ່ຽນແປງຂອງຫວຽດນາມ ໃນຊຸມປີຜ່ານມາ. ທ່ານໃຫ້ຮູ້ວ່າ ກຸ່ມບໍລິສັດ Berggruen Holdings ພ້ອມແລ້ວທີ່ຈະຮ່ວມມື, ລົງທຶນ, ໜູນຊ່ວຍຫວຽດນາມ ໃນການບຳລຸງສ້າງແຫຼ່ງຊັບພະຍາກອນມະນຸດ.

ໂດຍ: ທູຈາງ