ທີ່ການພົບປະ, ທ່ານນາງ ຫວໍທິແອງຊວນ ເນັ້ນໜັກວ່າ ປີ 2025 ເປັນຂີດໝາຍ 50 ປີແຫ່ງການພົວພັນຮ່ວມມືຫວຽດນາມ-UNICEF, ສະເຫຼີມສະຫຼອງ 35 ປີແຫ່ງວັນຫວຽດນາມ ເຂົ້າຮ່ວມສົນທິສັນຍາຂອງ ສປຊ ກ່ຽວກັບສິດທິຂອງເດັກນ້ອຍ. ໃນໄລຍະຜ່ານມາ, UNICEF ຍາມໃດກໍ່ຮ່ວມເດີນທາງ ແລະມີການຊ່ວຍເຫຼືອຢ່າງທັນການ, ສອດຄ່ອງກັບແຕ່ລະໄລຍະພັດທະນາຂອງຫວຽດນາມ. ພັກ, ລັດຫວຽດນາມ ຍາມໃດກໍ່ເອົາໃຈໃສ່ ເພື່ອໃຫ້ເດັກນ້ອຍພັດທະນາຮອບດ້ານ ແລະກາຍເປັນຊັບພະຍາກອນມະນຸດທີ່ມີຄຸນນະພາບສູງ.

leftcenterrightdel
ທ່ານນາງ ຫວໍທິແອງຊວນ ຮອງປະທານປະເທດຕ້ອນຮັບທ່ານນາງ Silvia Danailov ຫົວໜ້າຄະນະຜູ້ຕາງໜ້າກອງທຶນສະຫະປະຊາຊາດເພື່ອເດັກນ້ອຍ (UNICEF) ປະຈໍາ ຫວຽດນາມ. ພາບ: ສໍານັກຂ່າວສານຫວຽດນາມ

ທ່ານນາງ ຮອງປະທານປະເທດ ຫວັງວ່າ UNICEF ຈະຮ່ວມເດີນທາງພ້ອມກັບບັນດາຍຸດທະສາດ, ນະໂຍບາຍພັດທະນາໃໝ່ກ່ຽວກັບເດັກນ້ອຍຫວຽດນາມ ໃນໄລະຈະມາເຖິງ. ເຈາະຈີ້ມວຽກງານທີ່ຫວຽດນາມ ແລະ UNICEF ສາມາດຮ່ວມມືໃນໄລຍະຈະມາເຖິງ, ທ່ານນາງ ໃຫ້ຮູ້ວ່າ ສອງຝ່າຍຕ້ອງມີວິທີການ ສອດຄ່ອງກວ່າ, ບໍ່ພຽງແຕ່ແມ່ນບັນດາມາດຕະການສະຖານະການເທົ່ານັ້ນຫາກຍັງຕ້ອງຄິດໄລ່ເພື່ອໃຫ້ບັນດາຄອບຄົວ, ເດັກນ້ອຍສາມາດຮັບມືກັບການຜັນແປບໍ່ເປັນປົກກະຕິ, ຫຼຸດຜ່ອນຄວາມສ່ຽງ.

ທ່ານນາງ Silvia Danailov ໃຫ້ຮູ້ວ່າ ບັນດານະໂຍບາຍ, ກົດໝາຍ, ຄວາມມານະພະຍາຍາມ ແລະຜົນງານຂອງຫວຽດນາມ ໃນການປົກປັກຮັກສາ ແລະເບິ່ງແຍງດູແລເດັກໄດ້ຮັບການຕີລາຄາສູງຈາກປະຊາຄົມສາກົນ. UNICEF ຍາມໃດກໍ່ຮັບຮູ້ ແລະຮ່ວມເດີນທາງພ້ອມກັບແຜນນະໂຍບາຍ, ນະໂຍບາຍກໍ່ຄືບັນດາການເຄື່ອນໄຫວຂອງຫວຽດນາມ ໃນການຊຸກຍູ້, ປົກປັກສາສິດທິຂອງເດັກນ້ອຍ. ທ່ານນາງ Silvia Danailov ໃຫ້ຄໍາໝັ້ນສັນຍາຈະສົມທົບກັນຢ່າງແໜ້ນແຟ້ນ, ມີປະສິຜົນກັບບັນດາກະຊວງ, ຂະແໜງການ, ທ້ອງຖິ່ນຂອງຫວຽດນາມ ເພື່ອຊຸກຍູ້ລາຍການຮ່ວມມືລວມ.

ໂດຍ: ໄຊນີດາ