ເສີມຂະຫຍາຍບົດບາດປະຈັນບານຂອງການທູດ ເພື່ອສ້າງທ່າແຮງ ແລະທີ່ຕັ້ງໃຫ້ປະເທດ

ທີ່ກອງປະຊຸມ, ທ່ານນາຍົກລັດຖະມົນຕີ ໄດ້ຍ້ອງຍໍເຊີຍເຊີຍກະຊວງການຕ່າງປະເທດ ແລະບັນດາອົງການຜູ້ຕາງໜ້າຫວຽດນາມ ປະຈຳຢູ່ຕ່າງປະເທດ ໄດ້ສົມທົບກັບບັນດາກະຊວງ, ຂະແໜງການ, ທ້ອງຖິ່ນ, ວິສາຫະກິດຢ່າງແໜ້ນແຟ້ນ ເພື່ອຜັນຂະຫຍາຍໜ້າທີ່ການຕ່າງປະເທດຢ່າງຕັ້ງໜ້າ, ທັນການ, ມີປະສິດທິຜົນ, ປະກອບສ່ວນເຂົ້າໃນຜົນສຳເລັດລວມຂອງທົ່ວປະເທດໃນປີຜ່ານມາ. ທ່ານເນັ້ນໜັກວ່າ ປີນີ້ແມ່ນປີທີ່ມີຄວາມໝາຍສຳຄັນພິເສດເມື່ອຫວຽດນາມ ວາງເປົ້າໝາຍການເຕີບໂຕຕ້ອງບັນລຸໃຫ້ໄດ້ 8%, ພ້ອມທັງທົ່ວລະບົບການເມືອງປະຕິບັດການສັບຊ້ອນກົງຈັກການຈັດຕັ້ງ. ທ່ານນາຍົກລັດຖະມົນຕີ ສະເໜີໃຫ້ຂະແໜງການຕ່າງປະເທດ ສືບຕໍ່ປະຕິບັດໜ້າທີ່ຢ່າງມີປະສິດທິຜົນ, ລວມມີ: ເພີ່ມທະວີການສົມທົບກັນ, ຜັນຂະຫຍາຍການເຄື່ອນໄຫວວຽກງານການຕ່າງປະເທດຂອງພັກ, ການທູດລັດ, ການທູດປະຊາຊົນ ແລະການຕ່າງປະເທດທຸກຂັ້ນຢ່າງຄົບຊຸດ, ມີຫົວຄິດປະດິດສ້າງ, ມີປະສິດທິຜົນ; ສ້າງພື້ນຖານການທູດທີ່ທັນສະໄໝ ແລະເປັນມືອາຊີບ ...

ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກ່າວຄໍາເຫັນທີ່ກອງປະຊຸມ. ພາບ: qdnd.vn

ພິເສດ, ທ່ານນາຍົກລັດຖະມົນຕີ ຊີ້ອອກ 5 ກຸ່ມໜ້າທີ່ມາດຕະການ, ໃນນັ້ນ ເນັ້ນໜັກວ່າ 2 ໜ້າທີ່ທຳອິດແມ່ນວຽກງານການທູດ ເພື່ອຮັບໃຊ້ການເຕີບໂຕດ້ານເສດຖະກິດ, ຮັກສາສະພາບແວດລ້ອມແຫ່ງສັວ່າໃນເງື່ອນໄຂສະດວກ. ທີສອງຕ້ອງ, ຮັກສາ, ປັບປຸງ, ເພີ່ມທະວີສະພາບແວດລ້ອມແຫ່ງສັນຕິພາບ ຮ່ວມມືພັດທະນາກັບທຸກໆປະເທດ, ພິເສດແມ່ນບັນດາ ປະເທດໃຫຍ່, ປະເທດບ້ານໃກ້ເຮືອນຄຽງ, ປະເທດເພື່ອນມິດທີ່ມີມາແຕ່ດົນນານ”.

ບັນດາຜູ້ແທນເຂົ້າຮ່ວມກອງປະຊຸມ. ພາບ: qdnd.vn

ຄຽງຂ້າງນັ້ນ, ທ່ານນາຍົກລັດຖະມົນຕີ ກໍ່ຮຽກຮ້ອງໃຫ້ຜັນຂະຫຍາຍບັນດາການເຄື່ອນໄຫວທາງການທູດ ເພື່ອປະກອບສ່ວນຊຸກຍູ້ບັນດາກຳລັງການຜະລິດໃໝ່, ຄື: ຂໍ້ມູນໃຫຍ່, ປັນຍາອັດສະລິຍະ, cloud computing, ອຸດສາຫະກຳອິນເຕີເນັດ Blockchain, ພະລັງງານໃໝ່, ...; ສ້າງກົງຈັກກະທັດຮັດ, ສ້າງ ແລະປະຕິບັດແຜນຮ່າງຍົກສູງຄຸນນະພາບຖັນແຖວພະນັກງານ, ລັດຖະກອນໃນຂະແໜງການທູດ.

ໂດຍ: ທະນາພອນ