ຕອນເຊົ້າວັນທີ 17 ທັນວາ, ຢູ່ຫໍສະພາແຫ່ງຊາດ, ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ໄດ້ເປັນປະທານການພົບປະກັບບັນດາອົງການຂອງສະພາແຫ່ງຊາດ, ອົງການຂຶ້ນກັບຄະນະປະຈໍາສະພາແຫ່ງຊາດ, ຫ້ອງວ່າການສະພາແຫ່ງຊາດກ່ຽວກັບການສະຫຼຸບວຽກງານ ປີ 2024.

leftcenterrightdel
ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ກ່າວຄຳເຫັນຊີ້ນໍາທີ່ການເຮັດວຽກ. ພາບ: ເລິມຮ່ຽນ

ກ່າວຄຳເຫັນຊີ້ນໍາທີ່ການເຮັດວຽກ, ທ່ານປະທານສະພາແຫ່ງຊາດ ເຈິ່ນແທັງເໝິນ ໃຫ້ຮູ້ວ່າ ປີນີ້ການເຕີບໂຕ GDP ບັນລຸປະມານ 7%, ປະຕິບັດສຳເລັດ 15/15 ຄາດໝາຍທີ່ສະພາແຫ່ງຊາດ ວາງອອກ. ການຮັບປະກັນຊີວິດສັງຄົມໄດ້ຮັບການຮັບປະກັນ. ລັດຖະບານ, ສູນກາງແນວໂຮມປະເທດຊາດຫວຽດນາມ  ພວມຕັ້ງໜ້າປະຕິບັດການລົບລ້າງເຮືອນຢູ່ຊົ່ວຄາວ; ວຽກງານປ້ອງກັນຊາດ, ປ້ອງກັນຄວາມສະຫງົບໄດ້ຮັບການຮັບປະກັນ; ວຽກງານການພົວພັນຕ່າງປະເທດໄດ້ຮັບການເພີ່ມທະວີ; ວຽກງານສະກັດກັ້ນ, ຕ້ານການສໍ້ລາດບັງຫຼວງ, ຟຸມເຟືອຍໄດ້ຮັບການຍູ້ແຮງ; ຄວາມໄວ້ເນື້ອເຊື່ອໃຈຂອງປະຊາຊົນຕໍ່ພັກ, ລັດ ໄດ້ຮັບການຍົກສູງຂຶ້ນ. ເນັ້ນໜັກວ່າ ໃນປີ 2025 ຈະມີຫຼາຍຂີດໝາຍສຳຄັນຂອງປະເທດ, ທ່ານປະທານສະພາແຫ່ງຊາດ ສະເໜີໃຫ້ອົງການຂອງສະພາແຫ່ງຊາດ, ຫ້ອງວ່າການສະພາແຫ່ງຊາດ, ບັນດາອົງການຂຶ້ນກັບຄະນະປະຈຳສະພາແຫ່ງຊາດ ສືບຕໍ່ປ່ຽນແປງໃໝ່ຈິນຕະນາການປະຕິບັດກົດໝາຍ, ຍູ້ແຮງວຽກງານຕິດຕາມກວດກາ; ການແບ່ງຂັ້ນ, ແບ່ງອຳນາດເພື່ອແກ້ໄຂວຽກງານກ່ຽວກັບບົດບາດ, ໜ້າທີ່, ກ່ຽວກັບຄົນຢ່າງຈະແຈ້ງ; ພ້ອມທັງຕິດຕາມກວດກາ, ການກວດກາ ແລະປະຕິຮູບດ້ານບໍລິຫານໃນສະພາແຫ່ງຊາດ.

ທ່ານປະທານສະພາແຫ່ງຊາດ ໃສ່ໃຈວ່າ ໃນໄລຍະຈະມາເຖິງ, ບັນດາຫົວໜ່ວຍຂອງຫ້ອງວ່າການສະພາແຫ່ງຊາດ ຕ້ອງກະກຽມບັນດາໜ້າທີ່, ຄື: ກະກຽມໃຫ້ກອງປະຊຸມສະໄໝສາມັນເທື່ອທີ 9, ສະພາແຫ່ງຊາດ ຊຸດທີ XV; ຈັດຕັ້ງເວທີປາໄສສະພາແຫ່ງຊາດກ່ຽວກັບການເຄື່ອນໄຫວຕິດຕາມກວດກາ ແລະພິທີມອບລາງວັນຢຽນຮົ່ງ ຄັ້ງທີ 3 ໄດ້ໃຫ້ປະສົບຜົນສໍາເລັດ, ຮັບປະກັນປະສິດທິຜົນ, ຮອບຄອບຖີ່ຖ້ວນ, ສ້າງການແຜ່ຂະຫຍາຍ.

ໂດຍ: ເຈິ່ນຮວ່ຽນ