ປຶກສາຫາລືຄູ່ຮ່ວມມືຍຸດທະສາດ ຫວຽດນາມ-ຍີ່ປຸ່ນ ຄັ້ງທີ 8

ທ່ານ ຫງວຽນມິງຫວູ ຮອງລັດຖະມົນຕີຜູ້ປະຈໍາການກະຊວງການຕ່າງປະເທດຫວຽດນາມ ແລະທ່ານ Funakoshi Takehiro ຮອງລັດຖະມົນຕີກະຊວງການຕ່າງປະເທດຍີ່ປຸ່ນ ທີ່ການປຶກສາຫາລື. ພາບ: ສໍານັກຂ່າວສານຫວຽດນາມ.

ທ່ານ ຫງວຽນມິງຫວູ ເນັ້ນໜັກວ່າ ຫວຽດນາມ ຖື ຍີ່ປຸ່ນ ແມ່ນໜຶ່ງໃນບັນດາຄູ່ຮ່ວມມືສໍາຄັນແຖວໜ້າ ແລະຍາວນານ, ສະໜັບສະໜູນ ຍີ່ປຸ່ນ ເສີມຂະຫຍາຍບົດບາດໃນບັນດາບັນຫາສາກົນ ແລະພາກພື້ນກວ່າອີກ. ທ່ານຮອງລັດຖະມົນຕີ ສະເໜີກະຊວງການຕ່າງປະເທດ ຍີ່ປຸ່ນ ສະໜັບສະໜູນ ແລະຕັ້ງໜ້າເຂົ້າຮ່ວມບັນດາເຫດການສາກົນໂດຍຫວຽດນາມ ເປັນເຈົ້າພາບຈັດຕັ້ງໃນປີ 2025, ໃນນັ້ນມີກອງປະຊຸມສຸດຍອດຄູ່ຮ່ວມມື ເພື່ອການເຕີບໂຕສີຂຽວ ແລະເປົ້າໝາຍທົ່ວໂລກຮອດປີ 2030 (P4G), ເວທີປາໄສອະນາຄົດອາຊຽນ ຄັ້ງທີ 2...

ບັນຍາກາດທີ່ການປຶກສາຫາລື. ພາບ: ສໍານັກຂ່າວສານຫວຽດນາມ.

ສ່ວນທ່ານ Funakoshi Takehiro ຮອງລັດຖະມົນຕີກະຊວງການຕ່າງປະເທດ ຍີ່ປຸ່ນ ຢັ້ງຢືນວ່າ ຫວຽດນາມ ມີທີ່ຕັ້ງສໍາຄັນໃນນະໂຍບາຍການຕ່າງປະເທດຂອງຍີ່ປຸ່ນ ຢູ່ພາກພື້ນ ແລະໃນໂລກ; ປາດຖະໜາວ່າ ຫວຽດນາມ ຈະສະໜັບສະໜູນ, ຕັ້ງໜ້າເຂົ້າຮ່ວມ ເພື່ອຜົນສໍາເລັດຂອງເຫດການງານຕະຫຼາດນັດວາງສະແດງໂລກ EXPO 2025 Osaka, Kansai.

ໂອກາດນີ້, ທ່ານ ຫງວຽນມິງຫວູ ໄດ້ສົ່ງຄໍາເຊື້ອເຊີນຂອງທ່ານນາຍົກລັດຖະມົນຕີ ຟ້າມມິງຈີ້ງ ທີ່ເຊີນທ່ານ Ishiba Shigeru ນາຍົກລັດຖະມົນຕີ ຍີ່ປຸ່ນ ມາຢ້ຽມຢາມຫວຽດນາມ, ແລະສົ່ງຄໍາເຊີື້ອເຊີນຂອງທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ທີ່ເຊີນ ທ່ານ Iwaya Takeshi ລັດຖະມົນຕີກະຊວງການຕ່າງປະເທດ ຍີ່ປຸ່ນ ມາຢ້ຽມຢາມຫວຽດນາມ ແລະເປັນປະທານຮ່ວມວາລະກອງປະຊຸມຄັ້ງທີ 13 ຄະນະກໍາມະການຮ່ວມມື ຫວຽດນາມ-ຍີ່ປຸ່ນ ໃນປີ 2025.

ໂດຍ: ກວຽດເຕິມ