ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຕ້ອນຮັບລັດຖະມົນຕີກະຊວງກະສິກໍາກູບາ

ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຕ້ອນຮັບທ່ານ Ydael Jesús Pézez Brito ລັດຖະມົນຕີກະຊວງກະສິກໍາກູບາ. ພາບ: ສໍານັກຂ່າວສານຫວຽດນາມ.

ຕອນເຊົ້າວັນທີ 14 ທັນວາ, ທີ່ຮ່າໂນ້ຍ, ຕ້ອນຮັບທ່ານ Ydael Jesús Pézez Brito ລັດຖະມົນຕີກະຊວງກະສິກໍາກູບາ ທີ່ພວມມີການຢ້ຽມຢາມ ແລະເຮັດວຽກຢູ່ຫວຽດນາມ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຢັ້ງຢືນວ່າ ຫວຽດນາມ ຍາມໃດກໍຖືກູບາ ເປັນເພື່ອນມິດທີ່ເປັນມູນເຊື້ອ, ມີການພົວພັນມິດຕະພາບແບບພິເສດ; ຫວຽດນາມ ຈະສືບຕໍ່ປະຕິບັດບັນດາໂຄງການ ເພື່ອຊ່ວຍເຫຼືອພັດທະນາປະເທດກູລາ ໃຫ້ເຂັ້ມແຂງດ້ວຍຕົນເອງ, ເປັນເຈົ້າຕົນເອງ, ທ່ານ ບຸ່ຍແທັງເຊີນ ຕີລາຄາສູງນະໂຍບາຍພິເສດຂອງກູບາ ທີ່ສະຫງວນໃຫ້ແກ່ວິສາຫະກິດຫວຽດນາມ ໃນການຜັນຂະຫຍາຍທົດລອງໂຄງການຜະລິດກະສິກໍາ. ທ່ານ ບຸ່ຍແທັງເຊີນ ສະແດງຄວາມເຊື່ອໝັ້ນວ່າ ສອງຝ່າຍຈະເປີດກວ້າງການຮ່ວມມືສົ່ງເສີມການລົງທຶນໃນບັນດາຂົງເຂດສາທາລະນະສຸກ, ການສຶກສາ, ກໍ່ສ້າງ, ການຄ້າ...

ສ່ວນທ່ານ Ydael Jesús Pézez Brito ຫວັງວ່າ ຫວຽດນາມ ຈະໜູນຊ່ວຍ ເພື່ອໃຫ້ພື້ນຖານເສດຖະກິດສອງປະເທດນັບມື້ນັບເຊື່ອມໂຍງຢ່າງເລິກເຊິ່ງກວ່າອີກ; ເນັ້ນໜັກເຖິງຈຸດປະສົງຕົ້ນຕໍຂອງການຢ້ຽມຢາມແມ່ນປັບປຸງການພັດທະນາການຜະລິດເຂົ້າສານ ຢູ່ ກູບາ, ທ່ານ Ydael Jesús Pézez Brito ຫວັງວ່າ ຈະຮ່ວມມືກັບຫວຽດນາມ ໃນການສະໜອງວັດຖຸດິບ ແລະວັດສະດຸສົ້ນເຂົ້າ ເພື່ອຜະລິດເຂົ້າສານ.

ໂດຍ: ໄຊຊະນະ