ເຂົ້າຮ່ວມມີບັນດາສະຫາຍກຳມະການກົມການເມືອງ, ກໍາມະການປະຈໍາຄະນະພັກການທະຫານສູນກາງ, ຄື: ທ່ານ ເລືອງເກື່ອງ ປະທານປະເທດ; ທ່ານ ຟ້າມມິງຈີ້ງ ນາຍົກລັດຖະມົນຕີ. ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ເປັນປະທານກອງປະຊຸມ.
    |
 |
|
ທ່ານ ໂຕເລິມ ເລຂາທິການໃຫຍ່, ເລຂາຄະນະພັກການທະຫານສູນກາງ ເຂົ້າຮ່ວມ, ເປັນປະທານກອງປະຊຸມ. ພາບ: ວັນຈ໊ຽນ |
ກ່າວຄຳເຫັນສະຫຼຸບກອງປະຊຸມ, ທ່ານເລຂາທິການໃຫຍ່ ໂຕເລິມ ໄດ້ຍ້ອງຍໍຄະນະພັກການທະຫານສູນກາງ, ກະຊວງປ້ອງກັນປະເທດ ແລະພະນັກງານ, ນັກຮົບທົ່ວກອງທັບທີ່ໄດ້ເປັນເສນາທິການ, ຈັດຕັ້ງການເຄື່ອນໄຫວສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບ ປະຊາຊົນຫວຽດນາມ ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນ; ຕີລາຄາຄະນະປະຈໍາຄະນະພັກການທະຫານສູນກາງ ໄດ້ກະກຽມກອງປະຊຸມຢ່າງຮອບຄອບຖີ່ຖ້ວນ; ບັນດາຄຳເຫັນທີ່ໄດ້ປຶກສາຫາລືທີ່ກອງປະຊຸມແມ່ນເລິກເຊິ່ງ ແລະມີຄວາມຮັບຜິດຊອບ, ເຮັດແຈ້ງຫຼາຍບັນຫາໃຫຍ່ ແລະສຳຄັນ.
|
|
 |
|
ຜູ້ແທນເຂົ້າຮ່ວມກອງປະຊຸມ. ພາບ: ວັນຈ໊ຽນ |
ກອງທັບສືບຕໍ່ເສີມຂະຫຍາຍບົດບາດຫຼັກແຫຼ່ງໃນການກໍ່ສ້າງພື້ນຖານປ້ອງກັນຊາດທົ່ວປວງຊົນ, ທ່າຮົບປ້ອງກັນຊາດທົ່ວປວງຊົນ, ພິເສດແມ່ນ “ທ່າຮົບໃນຈິດໃຈປະຊາຊົນ” ໜັກແໜ້ນ; ເພີ່ມທະວີການກໍ່ສ້າງທ່າຮົບປ້ອງກັນທຸກຂັ້ນ, ກໍ່ສ້າງ ແລະຍົກສູງຄຸນນະພາບການເຄື່ອນໄຫວຂອງກຳລັງສຳຮອງ, ກໍາລັງທະຫານລາດ; ຕັ້ງໜ້າເຂົ້າຮ່ວມການພັດທະນາເສດຖະກິດ-ສັງຄົມ, ຕິດພັນກັບການປັບປຸງການປ້ອງກັນຊາດ, ປ້ອງກັນຄວາມສະຫງົບ... ພ້ອມກັນນັ້ນ, ຮຽກຮ້ອງໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ ຊີ້ນຳນຳພາການປະຕິບັດໜ້າທີ່ທີ່ໄດ້ກຳນົດໄວ້. ກ່ອນອື່ນໝົດ, ການນຳທົ່ວກອງທັບເປັນເຈົ້າການ, ສະດຸງໄວ, ກໍາແໜ້ນ, ຄາດຄະເນ, ຕີລາຄາສະພາບການຢ່າງຖືກຕ້ອງ, ປະຕິບັດໜ້າທີ່ເປັນເສນາທິການໃຫ້ພັກ, ລັດ ກ່ຽວກັບວິທີທາງແກ້ໄຂສະຖານະການຢ່າງມີໄຫວພິບ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນ.
ທີ່ກອງປະຊຸມ, ທ່ານພົນເອກ ຟານວັນຢາງ ກ່າວຄໍາເຫັນຮັບເອົາຄຳເຫັນຊີ້ນໍາຂອງທ່ານເລຂາທິການໃຫຍ່, ທ່ານປະທານປະເທດ, ທ່ານນາຍົກລັດຖະມົນຕີ ແລະຮັບເອົາຄຳເຫັນຈາກຜູ້ຕາງໜ້າບັນດາອົງການສູນກາງ. ພ້ອມທັງສະເໜີບັນດາສະຫາຍກໍາມະການຄະນະພັກການທະຫານສູນກາງ ເຊີດຊູຄວາມຮັບຜິດຊອບ, ຊາບຊຶມ, ຊີ້ນຳ ແລະຜັນຂະຫຍາຍການປະຕິບັດແຜນນະໂຍບາຍ, ມາດຕະການທີ່ໄດ້ກຳນົດໄວ້ຢ່າງຄົບຊຸດ, ມີປະສິດທິຜົນ, ສູ້ຊົນປະຕິບັດສຳເລັດໜ້າທີ່ປີ 2025.
ໂດຍ: ເຈິ່ນຮວ່ຽນ