Yonhap: ການນຳສປປ.ເກົາຫຼີ ອາດຈະໄປຢ້ຽມຢາມລັດເຊຍ ໃນໄລຍະຈະມາເຖິງ
ວັນທີ 21 ມີນາ, ສຳນັກຂ່າວສານ Yonhap ໄດ້ຄັດບາງແຫຼ່ງຂ່າວໂດຍໃຫ້ຮູ້ວ່າ, ທ່ານ Kim Chang son, ເຊິ່ງເປັນຜູ້ຊ່ວຍວຽກໃກ້ຊິດຂອງການນຳສປປ.ເກົາຫຼີ Kim Jong un, ໄດ້ໄປຍັງຢູ່ມົດສະກູ, ປະເທດລັດເຊຍ ນັບແຕ່ຕົ້ນອາທິດນີ້, ເພື່ອສ້າງເງື່ອນໄຂໃຫ້ການນຳ Kim Jong un ອາດຈະໄປຢ້ຽມຢາມລັດເຊຍ ໃນໄວໆນີ້.
ທ່ານ Kim Chang son ໄດ້ເດີນທາງໄປຜ່ານປັກກິ່ງ (ຈີນ) ແລະໄປຮອດມົດສະກູ ໃນວັນທີ 19 ມີນາຜ່ານມາ ແລະປະຈຸບັນທ່ານ Kim Chang son ພວມຢູ່ນະຄອນຫຼວງຂອງລັດເຊຍ. ວົງການນັກຊ່ຽວຊານໄດ້ຖືວ່າ, ການໄປປະຕິບັດງານຢູ່ຕ່າງປະເທດຂອງເຈົ້າໜ້າທີ່ຜູ້ດັ່ງກ່າວໄດ້ຊີ້ໃຫ້ເຫັນວ່າ ສປປ.ເກົາຫຼີ ອາດຈະດຳເນີນວຽກງານກະກຽມໃຫ້ແກ່ການຢ້ຽມຢາມລັດເຊຍ ຄັ້ງທຳອິດຂອງການນຳ Kim Jong un ນັບແຕ່ເມື່ອດຳລົງຕຳແໜ່ງ. ທ່ານ Kim Chang son ແມ່ນເຈົ້າໜ້າທີ່ຮັບຜິດຊອບບັນຫາພະລາທິການກ່ອນບັນດາການຢ້ຽມຢາມຕ່າງປະເທດຂອງການນຳ Kim Jong un.
ແຫຼ່ງຄັດຈາກ: vovworld.vn