ອີຣານ ປະຕິເສດຂໍ້ມູນຂ່າວສານຖອນບັນດາທີ່ປຶກສາທາງການທະຫານອອກຈາກ ຊີຣີ
ວົງການເຈົ້າໜ້າທີ່ການທະຫານອີຣານ ປະຕິເສດຂໍ້ມູນຂ່າວສານທີ່ວ່າ ບັນດາທີ່ປຶກສາທາງດ້ານການທະຫານຂອງປະເທດນີ້ພວມຖອນຕົວອອກຈາກຊີຣີ.
ວັນທີ 3 ມິຖຸນາ, ທ່ານວາທີນາຍພົນ ອີຣານ Massoud Jazayeri ໃຫ້ຮູ້ວ່າ ອີຣານ ແລະຊີຣີ ມີການພົວພັນເລິກເຊິ່ງ ແລະຈະບໍ່ຖືກຜົນສະທ້ອນຈາກບັນດາມາດຕະການໂຄສະນາເຜີຍແຜ່ບໍ່ວ່າຂອງຜູ້ໃດ. ທ່ານ Massoud Jazayeri ເນັ້ນໜັ້ກວ່າ ບໍ່ເຊັ່ນດຽວກັນກັບ ອາເມລິກາ, ກຳລັງທະຫານອີຣານ ໄດ້ໄປຮອດຊີຣີ ຕາມຄຳຮຽກຮ້ອງຂອງອຳນາດການປົກຄອງ Damascus.
|
|
ພົນທະຫານອີຣານ. ພາບ: ສໍານັກຂ່າວສານຫວຽດນາມ. |
ໃນວັນດຽວກັນ, ທ່ານລັດຖະມົນຕີກະຊວງການຕ່າງປະເທດອີຣານ Mohammad Javad Zarif ກໍ່ຮຽກຮ້ອງໃຫ້ປະຊາຄົມສາກົນກ່າວປະນາມຫຼັກໝັ້ນຂອງອາເມລິກາ ຕໍ່ຂໍ້ຕົກລົງນິວເຄຼຍປະຫວັດສາດ ເຊິ່ງບັນດາປະເທດໄດ້ລົງນາມພ້ອມກັບ ອີຣານໃນແຜນການດຳເນີນງານຮ່ວມຮອບດ້ານ (JCPOA) ປີ 2015. ໃນຈົດໝາຍຝາກເຖິງຄູ່ຕຳແໜ່ງຂອງບາງປະເທດອື່ນ, ທ່ານລັດຖະມົນຕີກະຊວງການຕ່າງປະເທດອີຣານ Mohammad Javad Zarif ໄດ້ກ່າວເຕືອນກ່ຽວກັບຜົນອັນຕະລາຍທີ່ຈະຕາມມາຂອງການຖອນຕົວອອກຈາກ JCPOA ຢ່າງຜິດກົດໝາຍ ແລະຕາມລຳພັງໃຈຂອງອາເມລິກາ. ເລື່ອງອາເມລິກາ ຖອນຕົວອອກຈາກ JCPOA ແມ່ນສິ່ງທ້າທາຍສຳລັບບັນດາເປົ້າໝາຍ ແລະຫຼັກການຂອງກົດບັດສະຫະປະຊາຊາດ.
ແຫຼ່ງຄັດຈາກ vovworld.vn