ສ.ເກົາຫຼີ, ລັດເຊຍສະໜັບສະໜູນການຮ່ວມມື 3 ຝ່າຍກັບ ສປປ.ເກົາຫຼີ
ທ່ານປະທານາທິບໍດີ ສ.ເກົາຫຼີ Moon Jae in ແລະ ທ່ານປະທານາທິບໍດີລັດເຊຍ Vladimir Putin ໄດ້ພ້ອມກັນແບ່ງປັນຄວາມຮັບຮູ້ລວມກ່ຽວກັບການເພີ່ມທະວີການຮ່ວມມືດ້ານເສດຖະກິດກັບ ສປປ.ເກົາຫຼີ ເພື່ອແນໃສ່ຊຸກຍູ້ສັນຕິພາບໃນແຫຼມເກົາຫຼີ.
ໃນການໂອ້ລົມສົນທະນາທາງໂທລະສັບກັບທ່ານປະທານາທິບໍດີ Vladimir Putin ໃນວັນທີ 29 ເມສາ, ການນຳ ສ.ເກົາຫຼີ Moon Jae in ໄດ້ຕີລາຄາສູງການສະໜັບສະໜູນຂອງລັດເຊຍ ສຳລັບຜົນສຳເລັດຂອງກອງປະຊຸມສຸດຍອດລະຫວ່າງ ສ.ເກົາຫຼີ ແລະ ສປປ.ເກົາຫຼີ ໃນວັນທີ 27 ເມສາຜ່ານມາ, ພ້ອມທັງສະເໜີທ່ານປະທານາທິບໍດີລັດເຊຍ ສືບຕໍ່ສະໜັບສະໜູນຄວາມມານະພະຍາຍາມດ້ານການທູດຂອງເຊີອຸນ ສຳລັບພຽງຢາງ.
|
|
ການນຳ ສປປ.ເກົາຫຼີ Kim Jong-un ແລະທ່ານປະທານາທິບໍດີ ສ.ເກົາຫຼີ Moon Jae-in ໃນການພົບປະຢູ່ Panmunjom. ພາບ: ສໍານັກຂ່າວສານຫວຽດນາມ. |
ສ່ວນທ່ານປະທານາທິບໍດີລັດເຊຍ Vladimir Putin ໄດ້ຊົມເຊີຍໝາກຜົນທີ່ບັນລຸໄດ້ທີ່ກອງປະຊຸມສຸດຍອດລະຫວ່າງ ສ.ເກົາຫຼີ ແລະສປປ.ເກົາຫຼີ. ທ່ານປະທານາທິບໍດີລັດເຊຍ ໄດ້ເນັ້ນໜັກເຖິງຄວາມສຳຄັນຂອງເລື່ອງ ສ.ເກົາຫຼີ ແລະລັດເຊຍ ດຳເນີນບັນດາຮ່າງໂຄງການຮ່ວມມື 3 ຝ່າຍກັບ ສປປ.ເກົາຫຼີ ເພື່ອແນໃສ່ຮັບປະກັນ ແລະຮັດແໜ້ນສັນຕິພາບລະຫວ່າງ ສ.ເກົາຫຼີ ແລະ ສປປ.ເກົາຫຼີ.
ແຫຼ່ງຄັດຈາກ: vovworld