ການເລືອກຕັ້ງປະທານາທິບໍດີລັດເຊຍ ປີ 2018 ເລີ່ມຕົ້ນຢ່າງເປັນທາງການ
ກປ.ອອນໄລ - ເວລາ 8 ໂມງ 00 ນາທີ ໃນຕອນເຊົ້າວັນທີ 18 ມີນາ (ຕາມເວລາທ້ອງຖິ່ນ), ບັນດາສະຖານທີ່ປ່ອນບັດເລືອກຕັ້ງໃນທົ່ວປະເທດ ລັດເຊຍ ເລີ່ມຕົ້ນເປີດປະຕູເພື່ອໃຫ້ພົນລະເມືອງ ລັດເຊຍ 111 ລ້ານຄົນ ເຂົ້າຮ່ວມການເລືອກຕັ້ງປະທານາທິບໍດີ ຊອກຫາການນໍາປະເທດ ລັດເຊຍ ໃນໄລຍະ 2018-2024.
ການເລືອກຕັ້ງປະທານາທິບໍດີ ປີ 2018 ຢູ່ ລັດເຊຍ ແມ່ນການແຂ່ງຂັນກັນລະຫວ່າງຜູ້ສະໝັກຮັບເລືອກຕັ້ງແຖວໜ້າ 8 ຄົນ, ລວມມີ: Sergei Baburin, Pavel Grudinin, Vladimir Zhirinovsky, Vladimir Putin, Ksenia Sobchak, Maxim Suraykin, Boris Titov ແລະ Grigory Yavlinsky. ດ້ວຍອັດຕາສ່ວນສະໜັບສະໜູນ ຍາມໃດກໍ່ຢູ່ໃນລະດັບສູງ, ພວມຄອງຕຳແໜ່ງປະທານາທິບໍດີທ່ານ Putin ໄດ້ຮັບການຄາດຄະເນວ່າ ອາດຈະໄດ້ຮັບໄຊຊະນະໃນການເລືອກຕັ້ງເປັນປະທານາທິບໍດີລັດເຊຍ ຄືນໃໝ່.
|
|
ເວລາ 5 ໂມງ 00 ນາທີ (ຕາມເວລາທ້ອງຖິ່ນ) ປະຊາຊົນ Moscow ເລີ່ມຕົ້ນປະຕິບັດພັນທະພົນລະເມືອງຂອງຕົນໄປປ່ອນບັດເພື່ອເລືອກຕັ້ງການນໍາປະເທດໃນ 6 ປີ ຈະມາເຖິງ. ພາບ: Reuters. |
ຕາມໝາກຜົນບັນດາການຢັ່ງຫາງສຽງຄັ້ງຫຼ້າສຸດ ແລະກໍ່ແມ່ນຄັ້ງສຸດທ້າຍກ່ອນການເລືອກຕັ້ງທີ່ປະກາດໃນວັນທີ 12 ມີນາ, ທ່ານປະທານາທິບໍດີ Putin ຍັງໄດ້ຮັບການສະໜັບສະໜູນປະມານ 69% ຈໍານວນຜູ້ມີສິດເລືອກຕັ້ງ, ສືບຕໍ່ນຳໜ້າໄປໄກຈາກຄູ່ແຂ່ງທີສອງ ນັ້ນແມ່ນຜູ້ສະໝັກຮັບເລືອກຕັ້ງພັກກອມມູນິດ ລັດເຊຍ Pavel Grudinin ມີພຽງໄດ້ຮັບແຕ່ 7% ເທົ່ານັ້ນ.
|
|
ທ່ານປະທານາທິບໍດີລັດເຊຍ Putin ໄປປ່ອນບັດຢູ່ Moscow. ພາບ: Reuters. |
ກ່ອນມື້ເລືອກຕັ້ງຢ່າງເປັນທາງການວັນທີ 18 ມີນາ, ຜູ້ມີສິດເລືອກຕັ້ງລັດເຊຍ ກວ່າ 100.000 ຄົນຢູ່ບັນດາເຂດຫ່າງໄກ ແລະຢູ່ຕ່າງປະເທດໄດ້ໄປປ່ອນບັດກ່ອນ. ຄາດຄະເນວ່າ, ການປ່ອນບັດຈະສິ້ນສຸດລົງໃນເວລາ 20 ໂມງ 00 ນາທີ ຂອງວັນທີ 18 ມີນາ, ຕາມບັນດາຊົ່ວໂມງໃນຜືນແຜ່ນດິນປະເທດ ລັດເຊຍ.
ແປໂດຍ: ເຈິ່ນຮວ່ຽນ