ປິດງານມະຫາກຳກິລາ ASIAD 2018
ກປ.ອອນໄລ - ພາຍຫຼັງການແຂ່ງຂັນຢ່າງຄຶກຄື້ນມ່ວນຊື່ນມາເປັນເວລາກວ່າ 2 ອາທິດ, ງານມະຫາກໍາກິລາອາຊີ ຄັ້ງທີ 18 ASIAD 2018 ໄດ້ອັດລົງຢ່າງເປັນທາງການດ້ວຍພິທີປິດໄດ້ຈັດຂຶ້ນໃນຕອນຄໍ່າວັນທີ 2 ກັນຍາ ຢູ່ສະໜາມກິລາ Gelora Bung Karno, ນະຄອນຫຼວງຈາກາຕາ, ອິນໂດເນເຊຍ.
ທີ່ການແຂ່ງຂັນໃນຄັ້ງນີ້, ຄະນະກິລາຫວຽດນາມໄດ້ແຂ່ງຂັນຍາດໄດ້ຫຼຽນລື່ນກາຍຄາດໝາຍທີ່ໄດ້ວາງອອກແມ່ນຫຼຽນຄໍາ 3 ຫຼຽນ ເມື່ອຍາດໄດ້ຫຼຽນຄຳ 4 ຫຼຽນ, ຫຼຽນເງິນ 16 ຫຼຽນ, ຫຼຽນທອງ 18 ຫຼຽນ, ຄະນະນັກກິລາຫວຽດນາມຖືກຈັດຢູ່ໃນອັນດັບທີ 17/46 ຄະນະກິລາເຂົ້າຮ່ວມງານແຂ່ງຂັນ. ພິເສດ, ທີມຊາດໂອແລມປິກຫວຽດນາມ ໄດ້ສ້າງຜົນງານທີ່ມະຫັດສະຈັນເມື່ອທີມບານເຕະຊາຍເປັນເທື່ອທໍາອິດໃນປະຫວັດສາດທີ່ໄດ້ເຂົ້າຮອບຮອງຊະນະເລີດທີ່ງານມະຫາກໍາກິລາອາຊີ.
|
|
ຕາຕະລາງສະຫຼຸບຫຼຽນທີ່ ASIAD 2018. ພາບ: asiangames2018.id. |
ທີ່ພິທີປິດ, ຄະນະຈັດຕັ້ງໄດ້ມອບທວນໄຟ ແລະທຸງເປັນເຈົ້າພາບຈັດຕັ້ງ ASIAD 2022 ໃຫ້ຜູ້ຕາງໜ້ານະຄອນ Hangzhou, ປະເທດຈີນ. ງານມະຫາກໍາກິລາອາຊີ ຄັ້ງທີ 19 ຈະໄດ້ຈັດຕັ້ງແຕ່ວັນທີ 10 ຫາວັນທີ 25 ກັນຍາ 2022.
ໜັງສືພິມກອງທັບປະຊາຊົນຫວຽດນາມອອນລາຍ ຂໍແນະນໍາເຖິງເພື່ອນຜູ້ອ່ານບາງຮູບພາບກ່ຽວກັບພິທີປິດງານມະຫາກຳກິລາ ASIAD 2018.
ໂດຍ: ທູຈາງ