ຕອບສະໜອງວັນແລ່ນ Olympic ເພື່ອສຸຂະພາບທົ່ວປວງຊົນ
ກປ.ອອນໄລ - ຕອນເຊົ້າວັນທີ 28 ມີນາ, ຢູ່ສະໜາມຫຼວງນະຄອນ ວີງລອງ, ຄະນະກໍາມະການປະຊາຊົນແຂວງ ວີງລອງ, ຄະນະຊີ້ນໍາບັ້ນຂົນຂວາຍທົ່ວປວງຊົນຝຶກຝົນຫຼໍ່ຫຼອມຮ່າງກາຍຕາມແບບຢ່າງ ລຸງໂຮ່ ທີ່ຍິ່ງໃຫຍ່ລະດັບແຂວງໄດ້ຈັດຕັ້ງວັນແລ່ນ Olympic ເພື່ອສຸຂະພາບທີ່ແຂງແຮງທົ່ວປວງຊົນແຂວງ ວີງລອງ ປີ 2018.
ມີການນໍາຈາກບັນດາພະແນກ, ຄະນະ, ຂະແໜງການ, ອົງການຈັດຕັ້ງມະຫາຊົນ, ພະນັກງານ, ລັດຖະກອນ, ກໍາລັງປະກອບອາວຸດ, ກຳມະກອນຜູ້ອອກແຮງງານ, ສະມາຊິກຊາວໜຸ່ມ ແລະປະຊາຊົນນະຄອນ ວີງລອງ ກວ່າ 2.000 ຄົນເຂົ້າຮ່ວມການແລ່ນ.
    |
 |
|
ທ່ານ ລືກວາງເຫງີຍ ຮອງປະທານຄະນະກໍາມະການປະຊາຊົນແຂວງ ວີງລອງ ປຸກລະດົມວັນແລ່ນ Olympic ເພື່ອສຸຂະພາບທົ່ວປວງຊົນ. ພາບ: ເຢືອງທູ. |
ກ່າວຄໍາເຫັນທີ່ພິທີປຸກລະດົມ, ທ່ານ ລືກວາງເຫງີຍ ຮອງປະທານຄະນະກໍາມະການປະຊາຊົນແຂວງ ວີງລອງ ໃຫ້ຮູ້ວ່າ: ວັນແລ່ນ Olympic ເພື່ອສຸຂະພາບທີ່ແຂງແຮງທົ່ວປວງຊົນ ເຊິ່ງກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ປຸກລະດົມໃນທົ່ວປະເທດເພື່ອຂໍ່ານັບຮັບຕ້ອນວັນກິລາຫວຽດນາມ 27 ມີນາ. ການເຄື່ອນໄຫວນີ້ໄດ້ກາຍເປັນການເຄື່ອນໄຫວກິລາເປັນປະຈໍາໄດ້ດຶງດູດປະຊາຊົນທຸກຊັ້ນວັນນະເຂົ້າຮ່ວມ.
|
|
 |
|
ບັນດານັກກິລາເຂົ້າຮ່ວມແລ່ນໃນວັນແລ່ນ Olympic. ພາບ: ສໍານັກຂ່າວສານຫວຽດນາມ. |
ເນື່ອງໃນໂອກາດນີ້, ຢູ່ບັນດາທ້ອງຖິ່ນໃນບໍລິເວນແຂວງ ວີງລອງ ກໍ່ໄດ້ຈັດຕັ້ງວັນແລ່ນ Olympic ສົມທົບກັບບັນດາການເຄື່ອນໄຫວກິລາປະເພດຕ່າງໆ ເພື່ອແນໃສ່ດຶງດູດປະຊາຊົນເຂົ້າຮ່ວມເປັນຈໍານວນຫຼວງຫຼາຍ, ຊຸກຍູ້ຂະບວນການຝຶກຝົນຫຼໍ່ຫຼອມກິລາກາຍຍະກໍາຢູ່ຮາກຖານໃຫ້ນັບມື້ນັບໄດ້ຮັບການພັດທະນາ.
ແປໂດຍ: ດັ້ງເກື່ອງ