ການໂອ້ລົມສົນທະນາກ່ຽວກັບ “ການພັດທະນາບານເຕະຫວຽດນາມ”
ກປ.ອອນໄລ - ຕອນບ່າຍວັນທີ 13 ມັງກອນ, ທີ່ຮ່າໂນ້ຍ, ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ໄດ້ຈັດຕັ້ງການໂອ້ລົມສົນທະນາກ່ຽວກັບ “ການພັດທະນາບານເຕະຫວຽດນາມ”.
ເຂົ້າຮ່ວມມີທ່ານ ຫວູດຶກດາມ, ກໍາມະການສູນກາງພັກ, ຮອງນາຍົກລັດຖະມົນຕີ; ທ່ານ ຫງວຽນຫງອກທ້ຽນ, ລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວ.
    |
 |
|
ບັນຍາກາດທີ່ການໂອ້ລົມສົນທະນາ. ພາບ: ຈຸງແທ່ງ |
ການໂອ້ລົມສົນທະນາກ່ຽວກັບ “ການພັດທະນາບານເຕະຫວຽດນາມ” ໄດ້ຈັດຕັ້ງເພື່ອແນໃສ່ຕອບບັນດາບັນຫາເຄັ່ງຮ້ອນເຊິ່ງຫາງສຽງມີຄວາມສົນໃຈ. ການໂອ້ລົມສົນທະນາກ່ຽວຂ້ອງເຖິງບັນດາບັນຫາກ່ຽວກັບວຽກງານບໍາລຸງສ້າງບານເຕະໜຸ່ມ, ຂະບວນ ການບານເຕະ, ບານເຕະໂຮງຮຽນ, ຜົນງານຂອງບັນດາທີມບານເຕະຫວຽດນາມ...
ການໂອ້ລົມສົນທະນາໄດ້ສະຫງວນເວລາເພື່ອເຮັດແຈ້ງເລື່ອງຄະນະລະບຽບວິໄນ VFF ມີບັນດາການປັບໃໝຍັງບໍ່ທັນເຂັ້ມງວດ, ຍັງບໍ່ທັນຖືກກັບໂທດ, ຖືກກັບຄົນເທື່ອ, ເຮັດໃຫ້ເກີດສະພາບການໃຊ້ຄວາມຮຸນແຮງຢູ່ເດີ່ນເຕະບານນັບມື້ນັບເພີ່ມຂຶ້ນ. ນັກຊ່ຽວຊານບາງທ່ານຖືວ່າ, VFF ຂາດລັກສະນະບານເຕະ, ຕ້ອງເພີ່ມເຕີມ, ຄັດຈ້ອນ; ກົງຈັກການຈັດຕັ້ງ VFF ກໍາລັງຜິດກັບລະບົບ, ບໍ່ຕອບສະໜອງໄດ້ຕາມຄວາມຮຽກຮ້ອງຕ້ອງການພັດທະນາ...
|
|
 |
|
ທ່ານ ຫວູດຶກດາມ ຮອງນາຍົກລັດຖະມົນຕີ ກ່າວຄໍາເຫັນສະຫຼຸບທີ່ການໂອ້ລົມສົນທະນາ. ພາບ: ຈຸງແທ່ງ |
ສະຫຼຸບທີ່ການໂອ້ລົມສົນທະນາ, ທ່ານ ຫວູດຶກດາມ ຮອງນາຍົກລັດຖະມົນຕີ ເນັ້ນໜັກວ່າ, ການນໍາຂະແໜງກິລາບໍ່ຄວນອ້າງອີງເຫດຜົນເພື່ອແກ້ຕົວໃຫ້ແກ່ຈຸດອ່ອນດ້ອຍຂອງບານເຕະຫວຽດນາມ.
ທ່ານຮອງນາຍົກລັດຖະມົນຕີ ຮຽກຮ້ອງໃຫ້ກະຊວງວັດທະນະທໍາ, ກິລາ ແລະທ່ອງທ່ຽວ ພ້ອມກັບກະຊວງສຶກສາ ແລະກໍ່ສ້າງ ທົບທວນຄືນບັນດາບັນຫາທີ່ເຮັດໃຫ້ບານເຕະໂຮງຮຽນ ຍັງບໍ່ທັນຕອບສະໜອງຕາມຄວາມຮຽກຮ້ອງຕ້ອງການເທື່ອ; ຂະແໜງກິລາຕ້ອງເຮັດແຈ້ງ ແລະມີບັນດາມາດຕະການຊ່ວຍຂະບວນການບານເຕະໃຫ້ພັດທະນາ.
ແປໂດຍ: ຮວ່າງເຈື່ອງ