ໄຂງານບຸນກາເຟບວນມາທວດ
ກປ.ອອນໄລ - ຕອນຄໍ່າວັນທີ 9 ມີນາ, ຢູ່ນະຄອນບວນມາທວດ, ຄະນະກໍາມະການປະຊາຊົນແຂວງດັກລັກ ໄດ້ຈັດຕັ້ງພິທີໄຂງານບຸນກາເຟບວນມາທວດ ຄັ້ງທີ 7 ປີ 2019 ດ້ວຍຫົວຂໍ້ “ຄວາມຍອດຍິ່ງຂອງເຂດປ່າຕຶບດົງໜາ”. ທ່ານ ເຈືອງຮວ່າບິ່ງ, ຮອງນາຍົກລັດຖະມົນຕີຜູ້ປະຈຳການລັດຖະບານ ພ້ອມດ້ວຍຜູ້ຕາງໜ້າບັນດາຄະນະ, ກະຊວງ, ຂະແໜງການຂັ້ນສູນກາງ; ການນໍາບາງແຂວງ, ນະຄອນໃນທົ່ວປະເທດ ເຂົ້າຮ່ວມພິທີດັ່ງກ່າວ.
ກ່າວຄໍາເຫັນທີ່ພິທີ, ທ່ານ ເຈືອງຮວ່າບິ່ງ ຮັບຮູ້, ຕີລາຄາສູງຜົນງານໃນການພັດທະນາຂະແໜງສິນຄ້າກາເຟ ຂອງແຂວງດັກລັກ ໃນຫຼາຍປີຜ່ານມາໄດ້ປະກອບສ່ວນສໍາຄັນເຂົ້າໃນການກໍ່ສ້າງ, ເປັນການຢັ້ງຢືນເຄື່ອງໝາຍການຄ້າກາເຟຂອງຫວຽດນາມ ໃນຕະຫຼາດໂລກ. ທ່ານ ເຈືອງຮວ່າບິ່ງ ກໍ່ຍ້ອງຍໍຊົມເຊີຍແຂວງດັກລັກ ມີຄວາມມານະພະຍາຍາມຫຼາຍຢ່າງໃນການຈັດຕັ້ງງານບຸນກາເຟບວນມາທວດ ຄັ້ງທີ 7 ດ້ວຍບັນດາເນື້ອໃນໃໝ່, ແທດຈິງຫຼາຍຢ່າງ.
    |
 |
|
ລາຍການສະແດງສິລະປະ ທີ່ພິທີໄຂງານບຸນກາເຟບວນມາທວດ ຄັ້ງທີ 7 ປີ 2019. ພາບ: qdnd.vn. |
ທ່ານ ເຈືອງຮວ່າບິ່ງ ສະເໜີແຂວງດັກລັກ ແລະບັນດາແຂວງທີ່ຜະລິດກາເຟຂະໜາດໃຫຍ່ ຄວນກວດກາຄືນການວາງແຜນ, ຈັດຕັ້ງການຜະລິດຕາມທິດແບບຍືນຍົງ, ເໝາະສົມກັບການປ່ຽນແປງຂອງດິນຟ້າອາກາດ; ຍາມໃດກໍ່ຖືເປັນສໍາຄັນການຫຼຸດລາຄາ, ຍົກສູງຄຸນນະພາບຂອງຜະລິດຕະພັນ, ຍົກສູງລາຍຮັບໃຫ້ແກ່ຜູ້ຜະລິດກາເຟໂດຍກົງ, ເປີດກວ້າງຕະຫຼາດຈຳໜ່າຍຢູ່ພາຍໃນປະເທດ ແລະໃນໂລກ. ທ່ານ ເຈືອງຮວ່າບິ່ງ ສະເໜີບັນດາກະຊວງ, ຂະແໜງການຂັ້ນສູນກາງ ແລະສະມາຄົມກາເຟ-ກາກາວຫວຽດນາມ ສືບຕໍ່ໜູນຊ່ວຍບັນດາແຂວງໃນເຂດປູກຝັງກາເຟກ່ຽວກັບກົນໄກ, ນະໂຍບາຍ, ການກໍານົດທິດໃນການພັດທະນາ, ຍົກສູງມູນຄ່າເພີ່ມຂອງກາເຟຂຶ້ນເທື່ອລະກ້າວ.
ໂດຍ: ທູຈາງ