ງານບຸນຍິງບັ້ງໄຟດອກສາກົນ ດ່ານັ້ງ
ຂົວແຫ່ງຄວາມມະຫັດສະຈັນ
ກປ.ອອນໄລ - ຕອນເຊົ້າວັນທີ 7 ມີນາ, ຄະນະກຳມະການປະຊາຊົນນະຄອນ ດ່ານັ້ງ ແລະກຸ່ມບໍລິສັດ Sun Group ໄດ້ຈັດຕັ້ງການປະຊຸມຂ່າວປະກາດງານບຸນຍິງບັ້ງໄຟດອກສາກົນ ດ່ານັ້ງ 2018 (Da Nang International Fireworks Festival-DIFF 2018) ຢ່າງເປັນທາງການ.
DIFF 2018 ມີຫົວຂໍ້ວ່າ “ຂົວແຫ່ງຄວາມມະຫັດສະຈັນ” ຈະດຳເນີນໃນ 2 ເດືອນ, ເລີ່ມຕົ້ນແຕ່ວັນທີ 30 ເມສາ ຫາວັນທີ 30 ມີຖຸນາ, ຈະແຂ່ງຂັນເປັນເວລາ 5 ຄືນດ້ວຍ 5 ຫົວຂໍ້ສະເພາະຕາມລຳດັບນັ້ນແມ່ນ: ຄວາມຮັກ, ການເວລາ, ຄວາມຜາສຸກ, ຄວາມໃຝ່ຝັນ ແລະມິດຕະພາບ. ເຂົ້າຮ່ວມ DIFF 2018 ມີ 8 ທີມທີ່ມາຈາກບັນດາປະເທດ, ເຂດແຄ້ວນ, ລວມມີ: ຫວຽດນາມ, ໂປໂລຍ, ຝະລັ່ງ, ອາເມລິກາ, ອີຕາລີ, ຮົງກົງ (ຈີນ), ຊູແອັດ ແລະປອັກຕູຍການ.
|
|
ບັນຍາກາດທີ່ການປະຊຸມຂ່າວ. ພາບ: ຕຸ່ງເລິມ. |
ດ້ວຍຫົວຂໍ້ວ່າ “ຂົວແຫ່ງຄວາມມະຫັດສະຈັນ” DIFF 2018 ຈະສະແດງໃຫ້ຜູ້ຊົມເຫັນໄດ້ເລື່ອງລາວກ່ຽວກັບວັດທະນະທຳຂອງ 8 ປະເທດ ແລະເຂດແຄ້ວນທີ່ເຂົ້າຮ່ວມ, ຮັບຮອງເອົາບັນດາຂົວທີ່ເປັນສັນຍາລັກຂີດໝາຍປະຫວັດສາດ, ວັດທະນະທໍາ, ມູນເຊື້ອ ແລະນັບທັງສະຖາປັດຕະຍະກໍາທີ່ມະຫັດສະຈັນ. ແຕ່ລະທີມບັ້ງໄຟດອກເຂົ້າຮ່ວມ DIFF 2018 ກໍ່ເປັນສັນຍາລັກໃຫ້ຂົວເຊື່ອມຕໍ່ເພື່ອສ້າງເປັນຂົວມິດຕະພາບ, ສັນຕິພາບ, ເຊື່ອມຕໍ່ຫ້າທະວີບ, ເຊື່ອມຕໍ່ມຸ່ງໄປເຖິງອະນາຄົດ.
ພິທີໄຂ DIFF 2018 ຈະໄດ້ດຳເນີນໃນຕອນຄ່ຳວັນທີ 30 ເມສາ, ດ້ວຍການແຂ່ງຂັນເປີດສາກຂອງ 2 ທີມ ຫວຽດນາມ ແລະໂປໂລຍ.
ແປໂດຍ: ເຈິ່ນຮວ່ຽນ