ວາງສະແດງເອກະສານ, ວັດຖຸພັນ 250 ຢ່າງກ່ຽວກັບການສຶກສາ, ການສອບເສັງໃນສະໄໝສັກດີນາຫວຽດນາມ
ກປ.ອອນໄລ - ວັນທີ 27 ກຸມພາ, ທີ່ ວັນມ໋ຽວ ວິງຟຸກ, ພະແນກວັດທະນະທໍາ, ກິລາ ແລະທ່ອງທ່ຽວແຂວງ ວິງຟຸກ ໄດ້ໄຂງານວາງສະແດງເອກະສານ, ວັດຖຸພັນກ່ຽວກັບການສຶກສາ, ການສອບເສັງຂອງລາຊະວົງຕ່າງໆໃນສະໄໝສັກດີນາ ແລະໃຫ້ຕົວໜັງສືຕົ້ນລະດູບານໃໝ່.
ດ້ວຍຮູບພາບ, ເອກະສານ, ວັດຖຸພັນເດີມ 250 ຢ່າງທີ່ວາງສະແດງ, ໃນບໍລິເວນ ວັນມ໋ຽວ ວິງຟຸກ ນັ້ນ, ງານວາງສະແດງໄດ້ແນະນຳໂດຍສັງເຂບກ່ຽວກັບປະຫວັດຄວາມເປັນມາ, ການພັດທະນາຂອງພື້ນຖານການສຶກສາຫວຽດນາມ ແລະບັນດາໝາກຜົນບັນລຸໄດ້ກ່ຽວກັບການສຶກສາ, ການສອບເສັງຂອງແຂວງ ວິງຟຸກ ໃນສະໄໝສັກດີນາຫວຽດນາມ.
|
|
ນັກຮຽນມາຢ້ຽມຊົມງານວາງສະແດງ. ພາບ: ແອງຖາວ |
ໃນວັນທໍາອິດໄຂງານວາງສະແດງ, ໄດ້ດຶງດູດຜູ້ແທນ, ປະຊາຊົນ ແລະນັກຮຽນ, ນັກສຶກສາມາຢ້ຽມຊົມ ແລະຂໍຕົວໜັງສືຕົ້ນປີໃໝ່ນັບຫຼາຍຮ້ອຍຄົນ. ນີ້ແມ່ນການເຄື່ອນໄຫວວັດທະນະທໍາເພື່ອແນໃສ່ເຊີດຊູມູນເຊື້ອເຄົາລົບນັບຖືຄູບາອາຈານ, ມູນເຊື້ອການສອບເສັງ, ປະກອບສ່ວນປຸກລຸກຈິດໃຈມັກຮຽນໃຫ້ປະຊາຊົນທຸກຊັ້ນວັນນະ.
ແປໂດຍ: ເກື່ອງດັ້ງ