ອະນຸລັກຮັກສາ, ເສີມຂະຫຍາຍຄຸນຄ່າເຂດປູຊະນີຍະສະຖານ ໂກ໊ລວາ-ກຳແພງເມືອງເກົ່າ ຮ່າໂນ້ຍ
ກປ.ອອນໄລ - ວັນທີ 8 ກຸມພາ, ສູນອະນຸລັກຮັກສາມໍລະດົກ ທັງລອງ-ຮ່າໂນ້ຍ ໄດ້ຈັດຕັ້ງສະຫຼຸບການເຄື່ອນໄຫວປີ 2017 ແລະຜັນຂະຫຍາຍທິດທາງ, ໜ້າທີ່ປີ 2018 ຂອງສະພາໃຫ້ຄໍາປຶກສາວິທະຍາສາດ, ການຄົ້ນຄວ້າ, ອະນຸລັກຮັກສາເຂດປູຊະນີຍະສະຖານ ໂກ໊ລວາ-ກຳແພງເມືອງເກົ່າ ຮ່າໂນ້ຍ.
ປີ 2017, ສູນໄດ້ດໍາເນີນການເປີດກວ້າງເຂດຂຸດຄົ້ນການສຳຫຼວດດ້ວຍເນື້ອທີ່ທັງໝົດ 982 ຕາແມັດ, ທາງທິດຕາເວັນອອກຫໍບູຊາ ກີ໋ງທຽນ; ຄົ້ນຄວ້າ, ສະເໜີສະຖານທີ່ກໍ່ສ້າງວິຫານບູຊາ ໂງກວ່ຽນ ຢູ່ເຂດປູຊະນີຍະສະຖານກຳແພງເມືອງ ໂກ໊ລວາ ແລະບັນດາພາກສ່ວນໂຄງການ, ຜັນຂະຫຍາຍການວາງແຜນຜັງຢ່າງລະອຽດ, ບັນດາໂຄງການອະນຸລັກຮັກສາ, ການບູລະນະປະຕິສັງຂອນ ແລະເສີມຂະຫຍາຍຄຸນຄ່າເຂດປູຊະນີຍະສະຖານກຳແພງເມືອງເກົ່າ ຮ່າໂນ້ຍ, ກຳແພງເມືອງ ໂກ໊ລວາ, “ຂຸມຄອງສູ້ຮົບ T1”..
|
|
ທ່ານ ຫງວຽນດຶກຈູງ ປະທານຄະນະກໍາມະການປະຊາຊົນ ນະຄອນ ຮ່າໂນ້ຍ ກ່າວຄໍາເຫັນຊີ້ນໍາທີ່ກອງປະຊຸມ. ພາບ: hanoimoi.com.vn |
ທີ່ກອງປະຊຸມ, ບັນດາສະມາຊິກສະພາໃຫ້ຄໍາປຶກສາໄດ້ປະກອບຄໍາເຫັນໃຫ້ວຽກງານອະນຸລັກຮັກສາ ແລະເສີມຂະຫຍາຍຄຸນຄ່າມໍລະດົກຂອງເຂດສູນພະລາຊະວັງທັງລອງ; ໃນນັ້ນ, ສຸມໃສ່ບັນດາວິທີການແກ້ໄຂເຫັນດີເປັນເອກະພາບໃນການຄຸ້ມຄອງ; ປະຕິບັດການຮິບໂຮມຄືນເນື້ອທີ່ດິນສັງກັດເຂດປູຊະນີຍະສະຖານທີ່ UNESCO ຮັບຮອງເອົາ.
ແປໂດຍ: ເຈິ່ນຮວ່ຽນ