ໄຂບັ້ນເຄື່ອນໄຫວດ້ວຍຫົວເລື່ອງສະເພາະ “ຄວາມຊົງຈໍາກ່ຽວກັບປີວອກ 1968”
ກປ.ອອນໄລ - ວັນທີ 30 ມັງກອນ, ຄະນະຊາວໜຸ່ມນະຄອນ ໂຮ່ຈິມິນ, ບໍລິສັດຖະໜົນປື້ມນະຄອນໂຮ່ຈິມິນ ຈໍາກັດ ແລະບໍລິສັດຫຸ້ນສ່ວນວັດທະນະທໍາ ເຟືອງນາມ ໄດ້ໄຂບັ້ນເຄື່ອນໄຫວດ້ວຍຫົວເລື່ອງສະເພາະ “ຄວາມຊົງຈໍາກ່ຽວກັບປີວອກ 1968” ຢູ່ຖະໜົນປື້ມນະຄອນ ໂຮ່ຈິມິນ.
ບັ້ນເຄື່ອນໄຫວນີ້ຈະດໍາເນີນຮອດວັນທີ 4 ກຸມພາ ດ້ວຍບັນດາລາຍການທີ່ມີຄວາມໝາຍຄື: ວາງສະແດງປື້ມດ້ວຍຫົວຂໍ້ “ໄຊ່ງ່ອນ-ນະຄອນ ໂຮ່ຈິມິນ-ບັນດາລະດູບານໃໝ່ແຫ່ງການສ້າງສັນ-ເອກອ້າງທະນົງໃຈ-ພັດທະນາ” ດ້ວຍຈຸດພົ້ນເດັ່ນ ແມ່ນຮູບຈຳລອງຕະຫຼາດ ເບັ໋ນແທ່ງ ທີ່ໄດ້ສ້າງຂຶ້ນດ້ວຍປື້ມທີ່ມີຫົວຂໍ້ກ່ຽວກັບ ປີວອກ 1968 -ໄຊ່ງ່ອນ-ນະຄອນ ໂຮ່ຈິມິນ 1.000 ຫົວ, ຮູບຈຳລອງບົດຖະແຫຼງປະກາດຂອງພັກກອມມູນິດ, ແນະນໍາຮູບພາບເກືອບ 100 ແຜ່ນດ້ວຍຫົວຂໍ້ “ລະດູບານໃໝ່ແຫ່ງຄວາມຮັກເພງ”...
|
|
ປະຊາຊົນຢ້ຽມຊົມ, ອ່ານປື້ມກ່ຽວກັບປີວອກ 1968. ພາບ: ທືເລ |
ພາຍຫຼັງພິທີໄຂ, ຢູ່ເວທີສະແດງຕົ້ນຕໍ່ໃນຖະໜົນປື້ມ ໄດ້ດໍາເນີນລາຍການແນະນໍາປື້ມ “ໄວໜຸ່ມໄຊ່ງ່ອນປີວອກ 1968” ໂດຍໂຮງພິມຈໍາໜ່າຍໄວໜຸ່ມ ສົມທົບກັບສະໂມສອນມູນເຊື້ອແຫ່ງການຕໍ່ຕ້ານຄະນະຊາວໜຸ່ມນະຄອນ ໂຮ່ຈິມິນ ພິມຈຳໜ່າຍຄືນໃໝ່.
ແປໂດຍ: ທູຈາງ