ເອື້ອຍ ຮ່ວາງຫາຍເວິນ ຢູ່ເມືອງ ແທັງຈິ (ຮ່າໂນ້ຍ) ແລະ ລູກສາວ ເຈິ່ນແຄ໊ງອານ (ອາຍຸ 4 ປີ) ຢູ່ຫໍທໍາພິທີງານສົບແຫ່ງຊາດ. ເອື້ອຍ ເວິນ ແມ່ນຄູສອນຢູ່ໂຮງຮຽນອະນຸບານ ພ້ອມກັບລູກສາວໄດ້ໃຊ້ເວລາກວ່າ 1 ຊົ່ວໂມງ ເພື່ອແຕ້ມຮູບທ່ານເລຂາທິການໃຫຍ່ ຫງວຽນຝູຈ້ອງ . ພາບ: qdnd.vn

ເວລານາທີທີ່ຄັບແຄ້ນແໜ້ນໃຈຂອງຄູອາຈານທີ່ມາແບ່ງເບົາຄວາມໂສກເສົ້າເສຍດາຍກັບຄອບຄົວທ່ານເລຂາທິການໃຫຍ່ ຫງວຽນຝູຈ້ອງ ຢູ່ເມືອງດົງແອັງ (ຮ່າໂນ້ຍ). ໃນຮູບພາບແມ່ນທ່ານ ຫງວຽນຈ້ອງວິ໊ງ ຄູປະຊາຊົນ (ເກີດໃນປີ 1935), ອະດີດຄູສອນຢູ່ໂຮງຮຽນມັດທະຍົມຕອນປາຍ ຫງວຽນຢາທ່ຽວ (ແຕ່ປີ 1958-1960) ເຊິ່ງເປັນຄູສອນຂອງທ່ານ ຫງວຽນຝູຈ້ອງ ໄດ້ມາໄວ້ອາໄລນັກຮຽນຂອງຕົນ. ພາບ: qdnd.vn

ອາລົມຈິດຂອງຄົນຮຸ່ນໜຸ່ມ ເມື່ອມາໄວ້ອາໄລທ່ານ ຫງວຽນຝູຈ້ອງ ຢູ່ບ້ານເກີດຂອງເພິ່ນ ໃນຕາແສງດົງໂຮ້ຍ, ເມືອງດົງແອັງ (ຮ່າໂນ້ຍ). ພາບ: qdnd.vn

ຮ້ອງໄຫ້ໂສກເສົ້າເສຍໃຈຈົນນ້ຳຕາຍ້ອຍ ແລະ ເອີ້ນຊື່ທ່ານເລຂາທິການໃຫຍ່ ໃນຂະນະທີ່ຂະບວນລົດເຄື່ອນສົບໄປຜ່ານຖະໜົນ ຮ່າງໄຄ (ຮ່າໂນ້ຍ). ພາບ: qdnd.vn

ນາຍທະຫານຍິງສະແດງຄວາມເຄົາລົບນັບຖື, ຄວາມໂສກເສົ້າເສຍດາຍອາໄລອາວອນ ເມື່ອມາສົ່ງອໍາລາທ່ານເລຂາທິການໃຫຍ່ ຫງວຽນຝູຈ້ອງ ໄປສຸສານແຫ່ງຊາດ ມາຍຢິກ (ຮ່າໂນ້ຍ). ພາບ: qdnd.vn

ພະນັກງານ, ນັກຮົບຂອງກອງບັນຊາການທະຫານຊາຍແດນ ຖືຮູບທ່ານເລຂາທິການໃຫຍ່ ພ້ອມກັບປະຊາຊົນຢູ່ຖະໜົນ ຮ່າງໄຄ (ຮ່າໂນ້ຍ) ສົ່ງອໍາລາທ່ານເລຂາທິການໃຫຍ່ ຫງວຽນຝູຈ້ອງ ຄັ້ງສຸດທ້າຍ. ພາບ: qdnd.vn

ນັກຮົບເກົ່າ ຫວູທິມິງຖາຍ (ຢູ່ເມືອງ ເຕິນຝູ, ນະຄອນ ໂຮ່ຈີມິນ) ພ້ອມດ້ວຍເພື່ອນຮ່ວມກົມກອງ ໄດ້ມີໜ້າຢູ່ຫໍປະຊຸມທົ໊ງເຍິດແຕ່ເຊົ້າໆ. ສໍາລັບທ່ານນາງເອງ, ການຈາກໄປທີ່ບໍ່ມີວັນຫວນຄືນມາຂອງທ່ານ ຫງວຽນຝູຈ້ອງ ແມ່ນການສູນເສຍອັນໃຫຍ່ຫຼວງຂອງປະເທດຊາດ. ທ່ານນາງເອງ ໝັ້ນໝາຍວ່າ ຈະສືບຕໍ່ສູ້ຊົນຮໍ່າຮຽນຕາມແບບຢ່າງຂອງທ່ານເລຂາ ທິການໃຫຍ່, ເສີມຂະຫຍາຍທາດແທ້ຄຸນສົມບັດອັນສູງສົ່ງ ຂອງທະຫານລຸງໂຮ່ ໃນການເຂົ້າຮ່ວມການເຄື່ອນໄຫວ ຂອງທ້ອງຖິ່ນ. ພາບ: qdnd.vn

ຕໍ່ໜ້າດວງວິນຍານຂອງທ່ານເລຂາທິການໃຫຍ່, ໝົດທຸກຄົນລ້ວນແຕ່ຄັບແຄ້ນແໜ້ນໃຈ, ມີນໍ້າຕາໄຫຼເໝືອນດັ່ງໄດ້ສູນເສຍຍາດຕິພີ່ນ້ອງ, ຄົນໃນສາຍເລືອດຂອງຕົນ. ໃນພາບແມ່ນປະຊາຊົນພາກໃຕ້ ມາໄວ້ອາໄລທ່ານເລຂາທິການໃຫຍ່ຫງວຽນຝູຈ້ອງ ຢູ່ຫໍປະຊຸມ ທົ໊ງເຍິດ, ເຂດ 1, ນະຄອນໂຮ່ຈີມິນ. ພາບ: qdnd.vn