ກອງ 584 ຊອກຫາ, ຂຸດຄົ້ນ ແລະທ້ອນໂຮມໄດ້ 10 ອັດຖິນັກຮົບເສຍສະຫຼະຊີວິດເພື່ອຊາດ ຢູ່ ລາວ
ກປ.ອອນໄລ - ໂດຍປະຕິບັດແຜນການທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ໃນລະດູແລ້ງ 2024-2025, ແຕ່ເດືອນຕຸລາ ປີ 2024 ມາຮອດປະຈຸບັນ, ກອງ 589, ຫ້ອງການເມືອງ, ກອງບັນຊາການທະຫານແຂວງກວາງບິ່ງ ໄດ້ສຳຫຼວດ, ຊອກຫາ ແລະທ້ອນໂຮມໄດ້ 10 ອັດຖິນັກຮົບ ທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ແຂວງຄຳມ່ວນ.
ໂດຍໄດ້ຮັບຄວາມເອົາໃຈໃສ່ຊ່ວຍເຫຼືອຈາກຄະນະພັກ, ອຳນາດການປົກຄອງທ້ອງຖິ່ນ, ປະຊາຊົນ ແລະພະນັກງານ, ນັກຮົບບັນດາກົມກອງຂອງກໍາລັງປະກອບອາວຸດແຂວງຄຳມ່ວນ (ລາວ), ກອງ 589 ໄດ້ດໍາເນີນການສຳຫຼວດ, ຈັດກໍາລັງໄປຊອກຫາ, ຂຸດຄົ້ນ ແລະທ້ອນໂຮມໄດ້ 5 ອັດຖິ ຢູ່ຖ້ຳລົງ, ບ້ານໜອງປິນ, ເມືອງບົວລະພາ ແລະ 5 ອັດຖິ ຢູ່ຖ້ຳໝູນ້ອຍ, ບ້ານຜານາງ, ເມືອງມະຫາໄຊ.
    |
 |
ກອງ 584 ຈັດການຊອກຫາ, ຂຸດຄົ້ນ ແລະທ້ອນໂຮມ 10 ອັດຖິນັກຮົບເສຍສະຫຼະຊີວິດເພື່ອຊາດ ຢູ່ຖໍ້າລົງ, ບ້ານໜອງປິນ, ເມືອງບົວລະພາ. ພາບ: qdnd.vn |
ທ່ານພັນເອກ ຮ່າຊວັນນາມ, ຫົວໜ້າຫ້ອງການເມືອງ ກອງ 589 ໃຫ້ຮູ້ວ່າ ໃນລະດູແລ້ງ 2024-2025, ກົມກອງໄດ້ມອບໝາຍໜ້າທີ່ຈັດຕັ້ງການຊອກຫາ ແລະທ້ອນໂຮມ 15 ອັດຖິນັກຮົບເສຍສະຫຼະຊີວິດເພື່ອຊາດຢູ່ແຂວງຄໍາມ່ວນ. ປັດຈຸບັນ, ທາງກົມກອງ ກໍາລັງສົມທົບກັນຈັດຕັ້ງການຊອກຫາ, ຂຸດຄົ້ນ ແລະທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຢູ່ເມືອງເຊບັ້ງໄຟ ແລະເມືອງຍົມມະລາດຕາມແຫຼ່ງຂ່າວຈາກຜູ້ເປັນພະຍານ 7 ຄົນ, ຕັດສິນໃຈປະຕິບັດສຳເລັດ ແລະລື່ນແຜນການທີ່ໄດ້ວາງອອກ.
    |
 |
ກອງ 584 ສົມທົບກັນຈັດການສ້ອມແປງ, ຍົກລະດັບໂຮງຮຽນປະຖົມສຶກສາ ໜອງປິນ, ເມືອງບົວລະພາ. ພາບ: qdnd.vn |
ໃນວິວັດການປະຕິບັດໜ້າທີ່ຢູ່ແຂວງຄຳມ່ວນ, ພະນັກງານ, ພາລະກອນໃນກອງ 589 ຍັງສົມທົບກັນປະຕິບັດການເຄື່ອນໄຫວພົວພັນຕ່າງປະເທດ, ວຽກງານຂົນຂວາຍປະຊາຊົນ; ຊ່ວຍເຫຼືອທ້ອງຖິ່ນສ້ອມແປງໂຮງຮຽນ, ຫໍດໍາເນີນຊີວິດຊຸມຊົນ, ກໍ່ສ້າງເສັ້ນທາງຄົມມະນາຄົມ; ຈັດການກວດພະຍາດ, ໃຫ້ຄໍາປຶກສາສຸຂະພາ, ແຈກຢາຍຢາໂດຍບໍ່ເສຍຄ່າຊ່ວຍໃຫ້ປະຊາຊົນ 150 ກວ່າເທື່ອຄົນ...
ໂດຍ: ທູຈາງ