ເສີມຂະຫຍາຍຄຸນຄ່າພື້ນເມືອງໃນໂຮງຮຽນ

1 ພຶດສະພາ 2022 18:3

ກປ.ອອນໄລ - ໃນຂອບເຂດໂຄງການ “ອະນຸລັກຮັກສາ ແລະເສີມຂະຫຍາຍຄຸນຄ່າວັດທະນະທຳຢູ່ເຂດຊາຍແດນ”, ຢູ່ເມືອງແມ່ວວາກ (ຮ່າຢາງ), ສູນກາງຊາວໜຸ່ມ, ສູນກາງສະຫະພັນຊາວໜຸ່ມຫວຽດນາມ ໄດ້ສົມທົບກັບຄະນະກຳມະການປະຊາຊົນແຂວງ ຮ່າຢາງ ດຳເນີນການສຳຫຼວດການປະຕິບັດໂຄງຮ່າງ “ນຳເອົາວັດທະນະທຳພື້ນເມືອງເຂົ້າສູ່ໂຮງຮຽນ” ຢູ່ໂຮງຮຽນມັດທະຍົມຊົນເຜົ່າເຄິ່ງກິນນອນປະຖົມຕາແສງ ກ໊ານຈູຟິ່ນ.

ຕາມນັ້ນແລ້ວ, ໃນໄລຍະເວລາພັກຜ່ອນປະຈຳວັນ ຫຼື ກິດຈະກຳນອກຫຼັກສູດ, ໂຮງຮຽນລ້ວນແຕ່ຈັດຕັ້ງການລະຫຼິ້ນພື້ນເມືອງ, ຄື: ຮຽນຟ້ອນແຄນ, ຂັບລໍາເພງພື້ນເມືອງບັນດາເຜົ່າໃນທ້ອງຖິ່ນ.... ໂຮງຮຽນຍັງຈັດສັນເອກະສານກ່ຽວກັບວັດທະນະທຳພື້ນເມືອງບັນດາເຜົ່າສ່ວນໜ້ອຍຢູ່ “ຫໍສະໝຸດຂຽວ”, ຮັບໃຊ້ຄວາມຕ້ອງການອ່ານຂອງນັກຮຽນ. ພິເສດ, ໃນບໍລິເວນໂຮງຮຽນຍັງມີບ່ອນແນະນຳວັດທະນະທຳບັນດາເຜົ່າ.