ສືບຕໍ່ປ່ຽນແປງໃໝ່, ຍົກສູງປະສິດທິຜົນໃນວຽກງານການທູດປະຊາຊົນ

ບັນຍາກາດທີ່ກອງປະຊຸມ. ພາບ: ທຸ່ຍລີງ

ກ່າວຄຳເຫັນທີ່ກອງປະຊຸມ, ທ່ານ ຟານແອັງເຊີນ ປະທານ VUFO ເນັ້ນໜັກວ່າ: ທັດສະນະຂອງພັກ ແລະການນຳ VUFO ແມ່ນລະບົບສະຫະພັນສາມາດເຂັ້ມແຂງໄດ້ເມື່ອບັນດາອົງການສະມາຊິກເຂັ້ມແຂງ. ຄຽງຄູ່ກັບການປັບປຸງການຈັດຕັ້ງລະບົບ, VUFO ຍັງເອົາໃຈໃສ່ເຖິງການປັບປຸງບັນດາກົນໄກ, ນະໂຍບາຍ, ການບຳລຸງກໍ່ສ້າງພະນັກງານໃຫ້ສໍາເລັດ; ປ່ຽນແປງໃໝ່ຈິນຕະນາການ, ແບບວິທີ, ວິທີເຂົ້າເຖິງ ແລະເນື້ອໃນການເຄື່ອນໄຫວການທູດປະຊາຊົນ...

ໃນ 6 ເດືອນຕົ້ນປີ, ໄດ້ຮັບຄວາມເອົາໃຈໃສ່, ຊີ້ນຳຢ່າງໃກ້ຊິດຂອງພັກ, ລັດ ແລະ ການສົມທົບຂອງບັນດາອົງການ, VUFO ໄດ້ແກ້ໄຂຄວາມຫຍຸ້ງຍາກ ແລະບັນລຸໄດ້ ໝາກຜົນຢ່າງຕັ້ງໜ້າ. ໃນ 6 ເດືອນທ້າຍປີ, VUFO ສຸມໃສ່ບາງໜ້າທີ່ຈຸດສຸມ, ຄື: ສືບຕໍ່ຈັດຕັ້ງ, ປະຕິບັດມະຕິກອງປະຊຸມໃຫຍ່ ຄັ້ງທີ XIII ຂອງພັກ ແລະຄໍາສັ່ງ,  ມະຕິຂອງສູນກາງກ່ຽວກັບວຽກງານການທູດປະຊາຊົນຢ່າງມີປະສິດທິຜົນ; ປະກອບຄວາມເຫັນກ່ຽວກັບການຫັນຄໍາສັ່ງຊີ້ນໍາຂອງພັກເປັນກົດບັນຢັດ; ຈັດຕັ້ງການເຮັດວຽກກັບທ້ອງຖິ່ນ; ຜັນຂະຫຍາຍແຜນການພົວພັນຕ່າງປະເທດໃຫ້ດີ; ກະກຽມ ແລະຈັດຕັ້ງການເຄື່ອນໄຫວພົວພັນຕ່າງປະເທດຂັ້ນສູງ; ຈັດຕັ້ງການຝຶກອົບຮົມໃຫ້ສະຫະພັນທ້ອງຖິ່ນ; ສືບຕໍ່ເປີດກວ້າງຄູ່ຮ່ວມມືໃໝ່; ຍົກສູງຄຸນນະພາບການຄົ້ນຄວ້າ, ເສນາທິການ; ຍູ້ແຮງວຽກງານໂຄສະນາສື່ສານກັບຕ່າງປະເທດ...

ທີ່ກອງປະຊຸມ, ບັນດາຜູ້ແທນກໍ່ໄດ້ຮັບຟັງລາຍງານກ່ຽວກັບການພົ້ນຕໍາແໜ່ງ ແລະເລືອກຕັ້ງເພີ່ມເຕີມກໍາມະການຄະນະປະທານ VUFO, ວຽກງານກະກຽມໃຫ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VII, ຜັນຂະຫຍາຍການບູລະນະການນໍາ VUFO ໃຫ້ສົມບູນ.

ໂດຍ: ເຈິ່ນຮວ່ຽນ