ແຂວງກວ໋າງບິ່ງ ມີດິນເຈື່ອນ 167 ບ່ອນ, ໃນນັ້ນມີ 10 ບ່ອນມີຄວາງສ່ຽງສູງ ແລະອັນຕະລາຍກວ່າໝູ່. ແຂວງກວ໋າງບິ່ງ ກຽມພ້ອມມີແຜນການຍົກຍ້າຍປະຊາຊົນ 29.000 ຄົນຍ້ອນພາຍຸ, ຍົກຍ້າຍກວ່າ 18.900 ຄອບຄົວຍ້ອນນໍ້າຖ້ວມເກີນລະດັບເຕືອນໄພຂັ້ນ 3 ແລະຍົກຍ້າຍ 856 ຄອບຄົວຍ້ອນດິນເຈື່ອນ. ພ້ອມກັນນັ້ນ, ຄະນະກໍາມະການປະຊາຊົນແຂວງກວ໋າງບິ່ງ ຮຽກຮ້ອງໃຫ້ປະຊາຊົນຫ້າມອອກທະເລນັບແຕ່ເວລາ 0 ໂມງຂອງວັນທີ 27 ຕຸລາ ຈົນຮອດເມື່ອໃດ ພາຍຸພັດຜ່ານ, ບໍ່ມີການເຕືອນເກີດຄວາມສ່ຽງໄພທໍາມະຊາດຕາມການພະຍາກອນ, ການເຕືອນຂອງສູນພະຍາກອນອຸຕຸນິຍົມ ແລະອຸທົກກະສາດແຫ່ງຊາດ.

leftcenterrightdel
ທະຫານ, ທະຫານລາດ ເສີມດິນເຈື່ອນຢູ່ແຄມທະເລຕາແສງຖ້ວນອານ, ນະຄອນເຫວ້. ພາບ: ກວາງດ້າວ.

ບັນດາກົມກອງກອງທັບ, ຕໍາຫຼວດ ຈົ່ງເປັນເຈົ້າການມີແຜນການ, ກຽມຄວາມພ້ອມດ້ານກໍາລັງ, ພາຫະນະເພື່ອຊ່ວຍປະຊາຊົນສະກັດກັ້ນ, ຕ້ານ ແລະແກ້ໄຂຜົນຮ້າຍຢ້ອນຫຼັງຈາກພາຍຸຫົວທີ 6 ແລະນໍ້າຖ້ວມ, ດິນເຈື່ອນ. ປັດຈຸບັນ, ແຂວງກວ໋າງບິ່ງ ມີ 6.174 ພາຫະນະມີແຮງງານທີ່ເຄື່ອນໄຫວຢູ່ທະເລ 18.691 ແຮງງານ. ຮອດເວລາ 16 ໂມງຂອງວັນດຽວກັນ, ທະຫານຊາຍແດນແຂວງກວ໋າງບິ່ງ ຈະປະສານສົມທົບກັບບັນດາກົມກອງ, ທ້ອງຖິ່ນແຈ້ງການ, ຮຽກຮ້ອງໃຫ້ເຮືອ, ກໍາປັ່ນ ໄປຈອດຢູ່ບ່ອນປອດໄພ, ປັດຈຸບັນຍັງມີກໍາປັ່ນ 8 ລໍາ ມີແຮງງານ 56 ຄົນ ທີ່ພວມເຄື່ອນໄຫວຢູ່ເຂດທະເລທິດໃຕ້ (ນອກເຂດໄດ້ຮັບຜົນສະທ້ອນຈາກພາຍຸ); ແຈ້ງໃຫ້ກໍາປັ່ນ, ເຮືອທ້ອງແບນ, ພາຫະນະທາງນໍ້າ 46 ລໍາ ມີປະຊາຊົນເກືອບ 200 ຄົນ ຢູ່ທ່າກໍາປັ່ນຮ່ອນລາ, ທ່າກໍາປັ່ນແຢງ ແລະປະຊາຊົນລ້ຽງສິນໃນນໍ້າຢູ່ໃນເຂດເປັນເຈົ້າການມີແຜນການສະກັດກັ້ນ ແລະຫຼີກລ້ຽງພາຍຸ ຫົວທີ 6.

ໃນວັນດຽວກັນ, ກອງບັນຊາການທະຫານແຂວງເທື່ອທຽນເຫວ້ ໄດ້ສົມທົບກັບກອງບັນຊາການທະຫານຊາຍແດນແຂວງ ລະດົມພະນັກງານ, ນັກຮົບ, ທະຫານລາດ 200 ຄົນ ຮີບຮ້ອນເສີມດິນທີ່ເຈື່ອນຢູ່ແຄມຝັ່ງທີ່ຕາແສງຖ້ວນອານ, ນະຄອນເຫວ້ ແລະຕາແສງ ຝູຍ້ວນ, ເມືອງຝູວາງ. ບັນດາກໍາລັງ ໄດ້ຂຸດຄູນຖົງຊາຍນັບຫຼາຍພັນຖົງ ເພື່ອເສີມໃສ່ບ່ອນທີ່ມີຄວາມສ່ຽງດິນເຈື່ອນດ້ວຍລວງຍາວທັງໝົດແມ່ນໜຶ່ງກວ່າກິໂລແມັດ, ເພື່ອແກ້ໄຂ, ຈຳກັດຄື້ນທະເລຊັດເຂົ້າ ດິນຕໍ່ແຜ່ນໃຫ້ໄດ້ຫຼາຍທີ່ສຸດ...

ໂດຍ: ກວຽດເຕິມ