ທ່ານພັນເອກພິເສດ ຫງວຽນແທັງຫາຍ, ຮອງຫົວໜ້າຫ້ອງການເມືອງ ທະຫານຊາຍແດນ, ກອງບັນຊາການທະຫານຊາຍແດນ, ກະຊວງປ້ອງກັນປະເທດຫວຽດນາມ ແລະພັນເອກ ດາວໄກ ເລີດລີວັນ ຮອງຫົວໜ້າການເມືອງ, ຫົວໜ້າຫ້ອງການເມືອງທະຫານຊາຍແດນ, ກອງບັນຊາການທະຫານຊາຍແດນ, ກະຊວງປ້ອງກັນປະເທດ ລາວ ເປັນປະທານພິທີ.

leftcenterrightdel
ຄະນະຜູ້ແທນນາຍທະຫານຊາຍແດນໜຸ່ມ ຫວຽດນາມ-ລາວ ໄວ້ອາໄລ ພົນເອກ ຫວໍງວຽນຢາບ ທີ່ສຸສານຂອງເພິ່ນ ຢູ່ຕາແສງ ກວ໋າງດົງ, ເມືອງ ກວ໋າງແຈກ, ແຂວງກວ໋າງບິ່ງ. ພາບ: qdnd.vn

ໃນບັນຍາກາດທີ່ເຄັ່ງຂຶມ, ຄະນະຜູ້ແທນ ໄດ້ຖະຫວາຍທູບທຽນອາໄລຫາ, ສະແດງຄວາມຮູ້ບຸນຄຸນຕໍ່ຄຸນງາມຄວາມດີ, ການປະກອບສ່ວນອັນໃຫຍ່ຫຼວງຂອງພົນເອກ ຫວໍງວຽນຢາບ, ລູກສິດຜູ້ດີເດັ່ນ ແລະໃກ້ຊິດສະໜິດສະໜົມຂອງປະທານ ໂຮ່ຈີມິນ, ອ້າຍກົກຂອງກອງທັບປະຊາຊົນຫວຽດນາມ ວິລະຊົນ, ລູກຜູ້ປະເສີດຂອງປະຊາຊົນບັນດາເຜົ່າແຂວງກວ໋າງບິ່ງ; ນັກກອມມູນິດທີ່ຈົ່ງຮັກພັກດີ, ເປັນແບບຢ່າງ ທີ່ໄດ້ອຸທິດຕະຫຼອດຊີວິດຂອງຕົນໃຫ້ແກ່ພາລະກິດປະຕິວັດອັນສະຫງ່າລາສີ ຂອງພັກ ແລະຊາດຫວຽດນາມ.

ຕໍ່ໜ້າດວງວິນຍານຂອງພົນເອກ ຫວໍງວຽນຢາບ, ຄະນະຜູ້ແທນນາຍທະຫານຊາຍແດນໜຸ່ມສອງປະເທດ ໃຫ້ຄໍາໝັ້ນສັນຍາວ່າຈະເສີມຂະຫຍາຍກໍາລັງແຮງໜຸ່ມ, ສົມທົບຢ່າງແໜ້ນແຟ້ນເພື່ອພ້ອມກັນປ້ອງກັນຊາຍແດນ, ປະກອບສ່ວນເຂົ້າໃນການເພີ່ມພູນຄູນສ້າງນໍ້າໃຈສາມັກຄີ, ມິດຕະພາບແບບພິເສດ ຫວຽດນາມ-ລາວ.

leftcenterrightdel
ບັນດາຜູ້ແທນ ຖະຫວາຍທູບທຽນທີ່ສຸສານ ພົນເອກ ຫວໍງວຽນຢາບ. ພາບ: qdnd.vn

ງານພົບປະແລກປ່ຽນນາຍທະຫານຊາຍແດນໜຸ່ມ ຫວຽດນາມ-ລາວ ຄັ້ງທີ 4, ປີ 2025 ໄດ້ຈັດຕັ້ງແຕ່ວັນທີ 20 ຫາວັນທີ 24 ມີນາ, ດ້ວຍຫຼາຍກິດຈະກໍາເຄື່ອນໄຫວທີ່ມີຄວາມໝາຍແທດຈິງ, ຄື: ໂຄສະນາກົດໝາຍໃຫ້ປະຊາຊົນ, ມອບທຶນການສຶກສາໃຫ້ນັກຮຽນປະສົບຄວາມຫຍຸ້ງຍາກຢູ່ສອງຟາກຊາຍແດນ ຫວຽດນາມ-ລາວ; ໂອ້ລົມສົນທະນາ ດ້ວຍຫົວຂໍ້ “ເພີ່ມທະວີການຮ່ວມມືກໍ່ສ້າງຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະພັດທະນາ”; ງານພົບປະແລກປ່ຽນ, ແຂ່ງຂັນກິລາມິດຕະພາບ; ປູກຕົ້ນໄມ້ມິດຕະພາບ; ຢ້ຽມຊົມບັນດາເຂດປູຊະນີຍະສະຖານປະຫວັດສາດ, ວັດທະນະທໍາໃນບໍລິເວນແຂວງກວ໋າງບິ່ງ.

ໂດຍ: ໄຊຊະນະ