ກ່າວຄຳເຫັນໄຂງານວາງສະແດງ, ທ່ານນາງ ຫງວຽນເຈິ່ນເຟື້ອງເຈິນ, ຮອງຫົວໜ້າຄະນະຜູ້ແທນສະພາແຫ່ງຊາດນະຄອນ ໂຮ່ຈີມິນ ເນັ້ນໜັກວ່າ ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງທີ່ມີສາຍພົວພັນມິດຕະພາບແບບພິເສດ, ໄດ້ຮັບການກໍ່ສ້າງ ແລະເພີ່ມພູນຄູນສ້າງຜ່ານການນຳຫຼາຍລຸ້ນຄົນ, ພົ້ນເດັ່ນແມ່ນປະທານ ໂຮ່ຈີມິນ ແລະປະທານ ໄກສອນ ພົມວິຫານ. ສາຍພົວພັນນີ້ບໍ່ພຽງແຕ່ເປັນສັນຍາລັກຂອງຄວາມສາມັກຄີສາກົນເທົ່ານັ້ນ, ຫາກຍັງເປັນແບບຢ່າງໃນການຮ່ວມມື ແລະພັດທະນາແບບຍືນຍົງໃນຕະຫຼອດໄລຍະ 60 ປີຜ່ານມາ.

leftcenterrightdel
ຜູ້ແທນເຂົ້າຢ້ຽມຊົມຮ້ານວາງສະແດງຜະລິດຕະພັນທີ່ງານວາງສະແດງ. ພາບ: cand.com.vn

ງານວາງສະແດງນະຄອນໂຮ່ຈີມິນ ແລະບັນດາແຂວງ, ນະຄອນມິດຕະພາບຢູ່ແຂວງສະຫວັນນະເຂດແມ່ນເຫດການທີ່ມີຄວາມໝາຍສຳຄັນໃນການຊຸກຍູ້ການພົວພັນຮ່ວມມືລະຫວ່າງບັນດາທ້ອງຖິ່ນຂອງສອງປະເທດ. ງານວາງສະແດງປີນີ້ ດຶງດູດການເຂົ້າຮ່ວມຂອງ 50 ກວ່າວິສາຫະກິດ ທີ່ມາຈາກ 7 ທ້ອງຖິ່ນຂອງລາວ, ພ້ອມດ້ວຍຊາວຫວຽດນາມ ອາໄສຢູ່ອົດສະຕາລີ, ໄທ, ລາວ, ກຳປູເຈຍ ແລະກວ່າ 130 ວິສາຫະກິດ ທີ່ມາຈາກແຂວງ ກວາງບິ່ງ, ກວາງຈີ້, ລອງອານ, ຢາລາຍ... ແລະນະຄອນໂຮ່ຈີມິນ.

ຜ່ານງານວາງສະແດງ ແລະບັນດາການເຄື່ອນໄຫວພົບປະແລກປ່ຽນວັດທະນະທຳແຕ່ລະຄັ້ງ, ການພົວພັນຮ່ວມມືລະຫວ່າງບັນດາແຂວງ, ນະຄອນຂອງຫວຽດນາມ ດັບທ້ອງຖິ່ນຕ່າງໆຂອງລາວ ນັບມື້ນັບສະໜິດຕິດແໜ້ນ ແລະພັດທະນາແບບຍືນຍົງ, ຍາວນານ.

ໂດຍ: ຈາງຫງວຽນ