ການນຳແຂວງ ຮ່າຕິ້ງ ອວຍພອນບຸນປີໃໝ່ປະຈຳຊາດ - ລາວ

ບັນຍາກາດທີ່ການຕ້ອນຮັບ. ພາບ: baohatinh.vn

ຕາງໜ້າໃຫ້ຄະນະພັກ, ອໍານາດການປົກຄອງ ແລະປະຊາຊົນແຂວງຮ່າຕິ້ງ, ທ່ານ ເຈີ່ນຕູ໋ແອງ ໄດ້ອວຍພອນເຖິງອົງຄະນະພັກ, ອໍານາດການປົກຄອງ ແລະປະຊາຊົນແຂວງສະຫວັນນະເຂດ, ລາວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະສົບຜົນສຳເລັດໃນທຸກຂົງເຂດ.

ພ້ອມກັນນັ້ນ, ທ່ານ ເຈີ່ນຕູ໋ແອງ ຍັງໄດ້ແຈ້ງໃຫ້ຊາບກ່ຽວກັບການພັດທະນາເສດຖະກິດ - ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ, ດຶງດູດການລົງທຶນ... ຂອງແຂວງຮ່າຕິ້ງ ໃນໄລຍະຜ່ານມາ. ໃນນັ້ນ ເນັ້ນໜັກພິເສດເຖິງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ ເວົ້າລວມ ແລະແຂວງຮ່າຕິ້ງ - ສະຫວັນນະເຂດ ເວົ້າສະເພາະ ສືບຕໍ່ພັດທະນາ; ຫຼາຍໂຄງການຮ່ວມມືນັບມື້ນັບເຂົ້າສູ່ລວງເລິກ, ແທດຈິງ ແລະມີປະສິດທິຜົນ.

ທ່ານ ເຈີ່ນຕູ໋ແອງ ແລະຄະນະຜູ້ແທນແຂວງຮ່າຕິ້ງ ໄດ້ມອບດອກໄມ້ອວຍພອນປີໃໝ່ໃຫ້ແຂວງສະຫວັນນະເຂດ. ພາບ: baohatinh.vn

ທີ່ການຕ້ອນຮັບ, ທ່ານ ກົງແກ້ວ ມີວໍລະຈັກ ຮອງເລຂາພັກແຂວງ, ປະທານສະພາປະຊາຊົນແຂວງສະຫວັນນະເຂດ ໄດ້ສະແດງຄວາມຂອບໃຈຕໍ່ອາລົມຈິດທີ່ຈິງໃຈຂອງອົງຄະນະພັກ, ອໍານາດການປົກຄອງ ແລະປະຊາຊົນແຂວງຮ່າຕິ້ງ ທີ່ມີຕໍ່ແຂວງສະຫວັນນະເຂດ.

ທ່ານ ກົງແກ້ວ ມີວໍລະຈັກ ເນັ້ນໜັກວ່າ ໃນໄລຍະຈະມາເຖິງ, ແຂວງສະຫວັນນະເຂດ ຈະສືບຕໍ່ປະຕິບັດບັນດາເນື້ອໃນການຮ່ວມມືທີ່ໄດ້ລົງນາມລະຫວ່າງ 2 ແຂວງ ໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະມີປະສິດທິຜົນ. ພ້ອມກັນ ອວຍພອນເຖິງອົງຄະນະພັກ, ອໍານາດການປົກຄອງ ແລະປະຊາຊົນແຂວງຮ່າຕິ້ງ ສືບຕໍ່ບັນລຸໄດ້ບັນດາຜົນງານທີ່ດີເດັ່ນໃນທຸກຂົງເຂດ; ອວຍພອນໃຫ້ສາຍພົວພັນມິດຕະພາບທີ່ເປັນມູນເຊື້ອແບບພິເສດຫວຽດນາມ - ລາວ ເວົ້າລວມ ແລະລະຫວ່າງແຂວງຮ່າຕິ້ງ ແລະສະຫວັນນະເຂດເວົ້າສະເພາະໃຫ້ນັບມື້ນັບໝັ້ນຄົງເຂັ້ມແຂງ.

ໂດຍ: ໄຊນີດາ