ກ່າວຄຳເຫັນທີ່ພິທີໄຂ, ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວລາວ ແບ່ງປັນບັນດາຜົນງານທີ່ສອງປະເທດບັນລຸໄດ້, ຕີລາຄາສູງໝາກຜົນການຮ່ວມມືລະຫວ່າງສອງຝ່າຍໃນຂົງເຂດວັດທະນະທຳ, ການຄ້າ ແລະການລົງທຶນໃນໄລຍະຜ່ານມາ. ພ້ອມທັງຫວັງວ່າ ເຫດການຄັ້ງນີ້ຈະປະກອບສ່ວນສຳຄັນເຂົ້າໃນການເສີມຂະຫຍາຍ ແລະເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດລາວ ແລະຫວຽດນາມ ໃຫ້ນັບມື້ນັບແໜ້ນແຟ້ນຍິ່ງຂຶ້ນ.

leftcenterrightdel
ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວລາວ ກັບທ່ານ ຫວຽນວັນຢຸງ ຮອງປະທານຄະນະກຳມະການປະຊາຊົນນະຄອນໂຮ່ຈີມິນ. ພາບ: ຊວນແຮ້ງ

ຕາງໜ້າການນຳນະຄອນໂຮ່ຈີມິນ, ທ່ານ ຫວຽນວັນຢຸງ ຮອງປະທານຄະນະກຳມະການປະຊາຊົນນະຄອນໂຮ່ຈີມິນ  ເຊື່ອໝັ້ນວ່າ: “ວັນບຸນທ່ອງທ່ຽວ-ວັດທະນະທໍາ-ສົ່ງເສີມການຄ້າ” ຈະແມ່ນໜຶ່ງໃນບັນດາກິດຈະກຳທີ່ແທດຈິງໃນໄລຍະຈະມາເຖິງ, ປະກອບສ່ວນນໍາການຮ່ວມມືດ້ານວັດທະນະທຳ-ການທ່ອງທ່ຽວລະຫວ່າງນະຄອນໂຮ່ຈີມິນ ແລະທ້ອງຖິ່ນຂອງລາວ ເວົ້າສະເພາະ, ສອງປະເທດເວົ້າລວມ ນັບມື້ນັບເຂົ້າສູ່ລວງເລິກ, ແທດຈິງ ແລະມີປະສິດທິຜົນ, ມີບາດກ້າວພັດທະນາໃໝ່, ກາຍເປັນຈຸດພົ້ນເດັ່ນໃນການພົວພັນຮ່ວມມື ຫວຽດນາມ-ລາວ.

ເຫດການດັ່ງກ່າວແມ່ນຄະນະກຳມະການປະຊາຊົນນະຄອນໂຮ່ຈີມິນ ສົມທົບກັບສະຖານກົງສູນໃຫຍ່ລາວ ປະຈຳ ນະຄອນໂຮ່ຈີມິນ ຈັດຂຶ້ນດ້ວຍຈຸດປະສົງຜັນຂະຫຍາຍການເຄື່ອນໄຫວທີ່ມີຄວາມໝາຍເພື່ອຕອບສະໜອງປີທ່ອງທ່ຽວລາວ; ພິເສດແມ່ນຊົມເຊີຍລາວ ເປັນປະທານອາຊຽນ (2024) ສຳເລັດ; ຊຸກຍູ້ການພົວພັນທາງການທູດ, ການຄ້າ ແລະການລົງທຶນລະຫວ່າງນະຄອນໂຮ່ຈີມິນ, ບັນດາທ້ອງຖິ່ນຂອງຫວຽດນາມ ແລະລາວ.

ໂດຍ: ເຈິ່ນຮວ່ຽນ