ກ່າວຄໍາເຫັນເປີດພິທີ, ທ່ານພົນຈັດຕະວາ ຫງວຽນຫຶວເຮີບ ຫົວໜ້າກອງບັນຊາການຕໍາຫຼວດແຂວງກວາງນາມ ເນັ້ນໜັກເຖິງຄວາມສໍາຄັນຂອງເຫດການໃນການຮັດແໜ້ນການພົວພັນຮ່ວມມືສອງຝ່າຍ, ປະກອບສ່ວນຮັບປະກັນຄວາມໝັ້ນຄົງດ້ານການເມືອງ ແລະຄວາມເປັນລະບຽບຮຽບຮ້ອຍທາງສັງຄົມໃນເສັ້ນຊາຍແດນຮ່ວມ.

ໃນໄລຍະຜ່ານມາ, ພາຍໃຕ້ການຊີ້ນໍາ, ນໍາພາຂອງກະຊວງຕໍາຫຼວດຫວຽດນາມ ແລະກະຊວງປ້ອງກັນຄວາມສະຫງົບລາວ ແລະອໍານາດການປົົກຄອງທ້ອງຖິ່ນ, ວຽກງານສົມທົບກັນລະຫວ່າງ ປກສ ສອງແຂວງ ບັນລຸໄດ້ຜົນງານພົ້ນເດັ່ນຫຼາຍຢ່າງ.

ພິເສດ, ກໍາລັງ ປກສ ໄດ້ຈັດຊຸດຝຶກອົບຮົມວິຊາສະເພາະໃຫ້ແກ່ພະນັກງານ, ນັກຮົບ ປກສ ແຂວງເຊກອງ ຈໍານວນ 50 ຄົນສຳເລັດຜົນ, ເພີ່ມທະວີປະສິດທິຜົນວຽກງານວິຊາສະເພາະ ແລະຍົກສູງທັກສະວິຊາການ.

leftcenterrightdel
ບັນຍາກາດທີ່ກອງປະຊຸມ. ພາບ: baoquangnam.vn

ທີ່ກອງປະຊຸມ, 2 ຝ່າຍໄດ້ປຶກສາຫາລື ແລະເຫັນດີເປັນເອກະພາບຕໍ່ເນື້ອໃນຮ່ວມມືຈຸດສຸມໃນໄລຍະຈະມາເຖິງ. ບັນດາເນື້ອໃນລວມມີການເພີ່ມທະວີການແລກປ່ຽນຂໍ້ມູນຂ່າວສານ ແລະການຮ່ວມມືເພື່ອຮັບປະກັນຄວາມສະຫງົບປອດໄພໃນສະພາບສອງແຂວງກະກຽມຈັດຕັ້ງກອງປະຊຸມໃຫຍ່ຂອງພັກທຸກຂັ້ນໃນປີ 2025 ແລະສ້າງເສັ້ນຊາຍແດນ ກວາງນາມ - ເຊກອງ “ສັນຕິພາບ, ມິດຕະພາບ, ພັດທະນາ”.

ນອກຈາກນັ້ນ, ບັນດາຜູ້ແທນ ກໍ່ສະເໜີເພີ່ມທະວີການສອນພາສາຫວຽດນາມ ແລະພາສາລາວ ໃຫ້ກໍາລັງຕໍາຫຼວດ ປກສ ສອງແຂວງ ເພື່ອສ້າງເງື່ອນໄຂສະດວກໃນການປະສານງານ.

ທີ່ກອງປະຊຸມ, ການນຳສອງຝ່າຍໄດ້ລົງນາມໃນບົດບັນທຶກຊ່ວຍຈຳກອງປະຊຸມແລກປ່ຽນວຽກງານປ້ອງກັນຄວາມສະຫງົບຄັ້ງທີໜຶ່ງ.

ເນື່ອງໃນໂອກາດນີ້, ຕຳຫຼວດແຂວງກວາງນາມ ໄດ້ມອບເຄື່ອງຄອມພິວເຕີ 2 ຊຸດ ແລະອຸປະກອນຫ້ອງການເປັນມູນຄ່າ 50 ລ້ານດົ່ງໃຫ້ ປກສ ແຂວງເຊກອງ. 2 ຝ່າຍກໍ່ມອບຂອງຂັນໃຫ້ກັນສະແດງໃຫ້ເຫັນນ້ຳໃຈສາມັກຄີ, ມິດຕະພາບ.

ກ່າວຄຳເຫັນປິດກອງປະຊຸມ, ທ່ານພົນຈັດຕະວາ ຫງວຽນຫຶວເຮີບ ຢືນຢັນວ່າ ບັນດາໝາກຜົນທີ່ກຳລັງ ປກສ 2 ແຂວງບັນລຸໄດ້ໃນໄລຍະຜ່ານມານີ້ແມ່ນຫຼັກຖານທີ່ຈະແຈ້ງກ່ຽວກັບການພົວພັນແບບພິເສດ ແລະສະໜິດສະໜົມລະຫວ່າງແຂວງກວາງນາມ ແລະເຊກອງ. ປກສ ສອງແຂວງ ຈະສືບຕໍ່ຮັດແໜ້ນຄວາມສາມັກຄີ, ສົມທົບກັນປົກປັກຮັກສາຄວາມສະຫງົບປອດໄພຢູ່ເຂດຊາຍແດນ, ເພີ່ມພູນຄູນສ້າງຄວາມສາມັກຄີມິດຕະພາບລະຫວ່າງສອງແຂວງ, ປະກອບສ່ວນເສີມສ້າງການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - ລາວ.

ໂດຍ: ໄຊນີດາ