ສະຫາຍ ເຈິ່ນກວກເກື່ອງ, ເລຂາພັກແຂວງດ້ຽນບຽນ (ສສ ຫວຽດນາມ); ສະຫາຍ ບຸນຄົງ ຫຼ້າຈຽມພອນ ເລຂາພັກແຂວງ, ເຈົ້າແຂວງໆອຸດົມໄຊ; ສະຫາຍ ຄໍາພອຍ ວັນນະສານ ເລຂາພັກແຂວງ, ເຈົ້າແຂວງໆຜົ້ງສາລີ ແລະສະຫາຍ ຄໍາຂັນ ຈັນທະວີສຸກ ເລຂາພັກແຂວງ, ເຈົ້າແຂວງໆຫຼວງພະບາງ (ສປປ ລາວ) ໄດ້ເປັນປະທານຮ່ວມການພົບປະສອງຝ່າຍ.
    |
 |
|
ບັນຍາກາດທີ່ການພົບປະສອງຝ່າຍ. ພາບ: qdnd.vn |
ທີ່ການພົບປະ, ສອງຝ່າຍແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ-ສັງຄົມ, ພ້ອມທັງຕີລາຄາສະພາບການ, ຜົນການຮ່ວມມືລະຫວ່າງແຂວງດ້ຽນບຽນ ກັບບັນດາແຂວງພາກເໜືອຂອງລາວ ໄລຍະ 2022-2024, ແລກປ່ຽນບົດຮຽນນໍາກັນໃນວຽກງານກໍ່ສ້າງພັກ, ກໍ່ສ້າງອໍານາດການປົກຄອງ ແລະລະບົບການເມືອງ...
|
|
 |
|
ພິທີລົງນາມ ແລະແລກປ່ຽນບົດບັນທຶກຊ່ວຍຈໍາວ່າດ້ວຍການຮ່ວມມື. ພາບ: qdnd.vn |
|
|
 |
|
ໂດຍໄດ້ຮັບການມອບສິດຈາກປະທານປະເທດ ແລະນາຍົກລັດຖະມົນຕີ ແຫ່ງ ສປປ ລາວ, ສະຫາຍ ຄໍາພອຍ ວັນນະສານ ເລຂາພັກແຂວງ, ເຈົ້າແຂວງໆ ຜົ້ງສາລີ ປະດັບຫຼຽນໄຊມິດຕະພາບຂອງລັດຖະບານລາວ ໃຫ້ກົມກອງລວມໝູ່ ແລະບຸກຄົນຂອງແຂວງດ້ຽນບຽນ. ພາບ: qdnd.vn |
ໂອກາດນີ້, ແຂວງດ້ຽນບຽນ ແລະສາມແຂວງ ຜົ້ງສາລີ, ອຸດົມໄຊ, ຫຼວງພະບາງ ໄດ້ປຶກສາຫາລື, ເປັນເອກະພາບ ແລະລົງນາມບົດບັນທຶກການຮ່ວມມື ໄລຍະ 2025-2027, ໂດຍສຸມໃສ່ເນື້ອໃນ, ຄື: ສືບຕໍ່ສົມທົບກັນຢ່າງແໜ້ນແຟ້ນເພື່ອເພີ່ມທະວີວຽກງານໂຄສະນາເຜີຍແຜ່ໃຫ້ພະນັກງານ, ນັກຮົບ ແລະປະຊາຊົນສອງປະເທດ ກ່ຽວກັບມູນເຊື້ອສາມັກຄີມິດຕະພາບແບບພິເສດ, ການຮ່ວມມືຮອບດ້ານ ຫວຽດນາມ-ລາວ, ລາວ-ຫວຽດນາມ ເວົ້າລວມ, ເວົ້າສະເພາະແມ່ນລະຫວ່າງແຂວງດ້ຽນບຽນ ກັບບັນດາແຂວງພາກເໜືອຂອງລາວ; ສົມທົບກັນຈັດຕັ້ງການສະເຫຼີມສະຫຼອງວັນສໍາຄັນຕ່າງໆຂອງແຕ່ລະປະເທດ, ແຕ່ລະແຂວງ. ຮັກສາການແລກປ່ຽນຄະນະຜູ້ແທນຂັ້ນສູງ, ຄະນະປະຕິບັດງານຂອງບັນດາແຂວງ ຢ້ຽມຢາມມິດຕະພາບ, ເຮັດວຽກ ແລະແລກປ່ຽນບົດຮຽນໃນທຸກຂົງເຂດ; ຮັກສາການແລກປ່ຽນຂໍ້ມູນຂ່າວສານ, ສົມທົບກັນແກ້ໄຂບັນຫາທີ່ເກີດຂຶ້ນໃໝ່; ສືບຕໍ່ເພີ່ມທະວີການຮ່ວມມືຮອບດ້ານໃນທຸກຂົງເຂດ, ໂດຍສະເພາະແມ່ນການພົວພັນມິດຕະພາບ ແລະກໍ່ສ້າງລະບົບການເມືອງ; ພັດທະນາເສດຖະກິດ ແລະການຮ່ວມມືລົງທຶນພັດທະນາ; ການຄ້າການບໍລິການ; ອຸດສາຫະກໍາ, ກໍ່ສ້າງ, ການຄົມມະນາຄົມຂົນສົ່ງ; ກະສິກໍາ, ປ່າໄມ້; ການສຶກສາ-ກໍ່ສ້າງ, ສາທາລະນະສຸກ, ວັດທະນະທໍາ, ສັງຄົມ, ການທ່ອງທ່ຽວ...
|
|
 |
|
ສະຫາຍ ເຈິ່ນກວກເກື່ອງ (ເບື້ອງຂວາ) ເລຂາພັກແຂວງດ້ຽນບຽນ ມອບຂອງຂວັນໃຫ້ຜູ້ແທນບັນດາແຂວງພາກເໜືອຂອງລາວ. ພາບ: qdnd.vn |
ໃນຂອບເຂດການພົບປະ, ໂດຍໄດ້ຮັບການມອບສິດຈາກປະທານປະເທດ ແລະນາຍົກລັດຖະມົນຕີ ແຫ່ງ ສປປ ລາວ, ສະຫາຍ ຄໍາພອຍ ວັນນະສານ ເລຂາພັກແຂວງ, ເຈົ້າແຂວງໆ ຜົ້ງສາລີ ໄດ້ປະດັບຫຼຽນໄຊ, ຫຼຽນກາມິດຕະພາບຂອງລັດຖະບານລາວ ໃຫ້ກົມກອງລວມໝູ່ ແລະບຸກຄົນຂອງແຂວງດ້ຽນບຽນ.
ກ່ອນໜ້ານັ້ນ, ວັນທີ 24 ທັນວາ, ຄະນະຜູ້ແທນຂັ້ນສູງສາມແຂວງ ຜົ້ງສາລີ, ອຸດົມໄຊ ແລະຫຼວງພະບາງ ໄດ້ເຂົ້າຢ້ຽມຂໍ່ານັບການນໍາແຂວງດ້ຽນບຽນ; ຢ້ຽມຊົມເຂດປູຊະນີຍະສະຖານປະຫວັດສາດບາງແຫ່ງໃນບໍລິເວນນະຄອນດ້ຽນບຽນຝູ ແລະຫໍພິພິທະພັນໄຊຊະນະປະຫວັດສາດດ້ຽນບຽນຝູ.
ໂດຍ: ໄຊຊະນະ