ວິສາຫະກິດຫວຽດນາມ ທີ່ລົງທຶນຢູ່ລາວ ເອົາໃຈໃສ່ເປັນພິເສດເຖິງການຮັບປະກັນສະຫວັດດີການໃຫ້ປະຊາຊົນທ້ອງຖິ່ນ

ທ່ານ ຫງວຽນມິງເຕິມ ເອກອັກຄະລັດຖະທູດຫວຽດນາມ ປະຈໍາ ລາວ ກ່າວຄຳເຫັນທີ່ເຫດການ. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ເຫດການ, ທ່ານ ຫງວຽນມິງເຕິມ ເອກອັກຄະລັດຖະທູດຫວຽດນາມ ປະຈໍາ ລາວ ຖືວ່າ ບັນດາໝາກຜົນເຊິ່ງກຸ່ມບໍລິສັດຫວຽດເຟືອງ ບັນລຸໄດ້ເວົ້າສະເພາະ ແລະຂອງວິສາຫະກິດຫວຽດນາມ ທີ່ມາລົງທຶນຢູ່ລາວ ເວົ້າລວມແມ່ນຍ້ອນການສະໜັບສະໜູນສຳຄັນທີ່ສຸດຂອງພັກ, ສະພາແຫ່ງຊາດ, ລັດຖະບານ ແລະອຳນາດການປົກຄອງທ້ອງຖິ່ນຂອງລາວ ໃນການສ້າງເງື່ອນໄຂສະດວກກ່ຽວກັບນະໂຍບາຍ, ການສົມທົບ, ຜັນຂະຫຍາຍແກ້ໄຂຄວາມຫຍຸ້ງຍາກ,  ຂໍ້ຕິດຂັດໃຫ້ວິສາຫະກິດໃນການເຄື່ອນໄຫວຜະລິດດຳເນີນທຸລະກິດ. ຍ້ອນໄດ້ຮັບການສະໜັບສະໜູນດັ່ງກ່າວ, ກຸ່ມບໍລິສັດຫວຽດເຟືອງ ຈຶ່ງໄດ້ມານະພະຍາຍາມຢ່າງບໍ່ຢຸດຢັ້ງ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງເຊກອງ ເວົ້າສະເພາະ ກໍ່ຄືປະເທດລາວ ເວົ້າລວມໃຫ້ນັບມື້ນັບຫຼາຍຂຶ້ນກວ່າເກົ່າ, ປະກອບສ່ວນແກ້ໄຂບັນຫາຮັບປະກັນຊີວິດສັງຄົມໃຫ້ປະຊາຊົນລາວ, ພິເສດໃນສະພາບທີ່ເສດຖະກິດລາວ ພົບຄວາມຫຍຸ້ງຍາກໃນປະຈຸບັນ.

ທ່ານ ເຫຼັກໄຫຼ ສີີວິໄລ ເຈົ້າແຂວງໆເຊກອງ ກ່າວຄຳເຫັນທີ່ເຫດການ. ພາບ: ສໍານັກຂ່າວສານຫວຽດນາມ

ກ່າວຄຳເຫັນຮັບໂຄງການ, ທ່ານ ເຫຼັກໄຫຼ ສີີວິໄລ ເຈົ້າແຂວງໆເຊກອງ ຕາງໜ້າອົງຄະນະພັກ, ອຳນາດການປົກຄອງ ແລະປະຊາຊົນບັນດາເຜົ່າໃນແຂວງໄດ້ສະແດງຄວາມຂອບໃຈຢ່າງຈິງໃຈມາຍັງກຸ່ມບໍລິສັດຫວຽດເຟືອງ ພ້ອມກັບພາກສ່ວນທີ່ກ່ຽວຂ້ອງໄດ້ສຸມໃສ່ຜັນຂະຫຍາຍການກໍ່ສ້າງສະໜາມກິລາ-ກາຍະກໍາເມືອງດັກຈຶງ; ພ້ອມທັງມອບໃຫ້ພະແນກສຶກສາທິການ ແລະກິລາແຂວງເຊກອງ ແລະອຳນາດການປົກຄອງເມືອງດັກຈຶງ ເປັນຜູ້ຄຸ້ມຄອງ, ຂຸດຄົ້ນ ແລະນຳໃຊ້ໂຄງການດັ່ງກ່າວໃຫ້ມີປະສິດທິຜົນ, ຍາວນານ, ເພື່ອເຮັດໃຫ້ສະຖານທີ່ແຫ່ງນີ້ກາຍເປັນສູນການເຄື່ອນໄຫວກິລາ-ກາຍະກໍາ ແລະວັດທະນະທຳຊຸມຊົນ, ນຳເອົາຜົນປະໂຫຍດແທດຈິງມາໃຫ້ປະຊາຊົນທ້ອງຖິ່ນ, ປະກອບສ່ວນຍົກສູງຊີວິດການເປັນຢູ່ທາງດ້ານວັດຖຸ ແລະຈິດໃຈຂອງປະຊາຊົນທ້ອງຖິ່ນໃຫ້ດີຂຶ້ນເທື່ອລະກ້າວ.

ໂດຍ: ເຈິ່ນຮວ່ຽນ