ກ່ຽວກັບສະພາບການຢູ່ ຊີຣີ, GCC ຮຽກຮ້ອງໃຫ້ຍົກເລີກບັນດາຄຳສັ່ງລົງໂທດສຳລັບປະເທດນີ້, ພ້ອມທັງ, ຮຽກຮ້ອງໃຫ້ບັນດາປະເທດ ແລະ ອົງການຈັດຕັ້ງສາກົນໜູນຊ່ວຍປະຊາຊົນ ຊີຣີ. GCC ກໍ່ສະແດງການສະໜັບສະໜູນຕໍ່ຄວາມມານະພະຍາຍາມທີ່ບັນລຸໄດ້ໃນວິວັດການຫັນປ່ຽນດ້ານການເມືອງຢ່າງຮອບດ້ານ, ຕອບສະໜອງຕາມຄວາມມຸ່ງມາດປາດຖະໜາຂອງປະຊາຊົນ ຊີຣີ; ກ່າວປະນາມບັນດາການບຸກໂຈມຕີຢ່າງຕໍ່ເນື່ອງຂອງ ອິດສະຣາແອັນ ເຂົ້າໃສ່ຜືນແຜ່ນດິນຂອງ ຊີຣີ.
ກ່ຽວກັບສະພາບການຢູ່ ລີບັງ, GCC ຮຽກຮ້ອງການປະຕິຮູບການເມືອງ ແລະເສດຖະກິດຢ່າງຮອບດ້ານ ເພື່ອຊ່ວຍໃຫ້ປະເທດຊາດຜ່ານຜ່າບັນດາວິກິດການໃນປະຈຸບັນ. ສຳລັບການປະທະກັນຢູ່ເຂດ ກາຊາ, ຖະແຫຼງການລວມຮຽກຮ້ອງໃຫ້ມີຄຳສັ່ງຢຸດຍິງໃນທັນທີ, ຮອບດ້ານ ແລະຍາວນານ, ຍົກເລີກການປິດລ້ອມເຂດ ກາຊາ, ສະໜອງການອຸປະຖຳມະນຸດສະທຳ ແລະອຸປະກອນການແພດ ເພື່ອຕອບສະໜອງຄວາມຕ້ອງການພື້ນຖານຂອງປະຊາຊົນ.
ແຫຼ່ງຄັດຈາກ: vovworld.vn
Type the code from the image