ຍູ້ແຮງການຮ່ວມມືທ້ອງຖິ່ນລະຫວ່າງຫວຽດນາມ ກັບລາວ

ທີ່ການຕ້ອນຮັບ, ທ່ານ ບຸ່ຍແທງເຊີນ ສະແດງຄວາມປິຕິຊົມຊື່ນເມື່ອກັບມາຢ້ຽມຢາມແຂວງຈຳປາສັກ ແລະພົບປະກັບທ່ານ ອາລຸນໄຊ ສູນນະລາດເລຂາພັກແຂວງ, ເຈົ້າແຂວງໆຈໍາປາສັກ, ດີໃຈຕໍ່ການປ່ຽນແປງຢ່າງແຮງຂອງແຂວງ, ພ້ອມທັງຕີລາຄາສູງໝາກຜົນທີ່ບັນລຸໄດ້ໃນການພັດທະນາເສດຖະກິດ-ສັງຄົມ, ພິເສດແມ່ນສາຍພົວພັນທີ່ເປັນມູນເຊື້ອອັນດີງາມລະຫວ່າງແຂວງຈໍາປາສັກ ກັບທ້ອງຖິ່ນຕ່າງໆຂອງຫວຽດນາມ ຍາມໃດກໍ່ໄດ້ຮັບຄວາມເອົາໃຈໃສ່ ແລະການໃຫ້ບຸລິມະສິດສູງຈາກການນຳແຂວງລຸ້ນຕ່າງໆ.

ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແລະທ່ານ ອາລຸນໄຊ ສູນນະລາດ ເລຂາພັກແຂວງ, ເຈົ້າແຂວງຈຳປາສັກ. ພາບ: dangcongsan.vn

ທ່ານ ບຸ່ຍແທງເຊີນ ສະເໜີແຂວງຈຳປາສັກ ສືບຕໍ່ໃຫ້ບຸລິມະສິດ ແລະສ້າງເງື່ອນໄຂໃຫ້ປະຊາຄົມຊາວຫວຽດນາມ ອາໄສຢູ່ແຂວງ ທໍາມາຫາກິນ, ດຳເນີນທຸລະກິດ, ປະກອບສ່ວນພັດທະນາເສດຖະກິດ-ສັງຄົມຂອງທ້ອງຖິ່ນ. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຢືນຢັນຈະສືບຕໍ່ສະໜັບສະໜູນ ແລະຊຸກຍູ້ວິສາຫະກິດຫວຽດນາມ ຄົ້ນຄ້ວາ ແລະ ລົງທຶນດຳເນີນທຸລະກິດຢູ່ ລາວ ເວົ້າລວມ ແລະຢູ່ແຂວງຈຳປາສັກເວົ້າສະເພາະ, ພິເສດແມ່ນສຸມໃສ່ຂົງເຂດ ເຊິ່ງແຂວງມີທ່າແຮງ ແລະມີຄວາມຕ້ອງການ, ຄື: ການທ່ອງທ່ຽວ, ກະສິກຳ, ການຜະລິດຝຸ່ນ, ອາຫານສັດ...

ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຕ້ອນຮັບທ່ານ ອາລຸນໄຊ ສູນນະລາດ ເລຂາພັກແຂວງ, ເຈົ້າແຂວງຈຳປາສັກ. ພາບ: dangcongsan.vn

ສ່ວນທ່ານ ອາລຸນໄຊ ສູນນະລາດ ເລຂາພັກແຂວງ, ເຈົ້າແຂວງຈຳປາສັກ ໄດ້ສະແດງຄວາມປິຕິຊົມຊື່ນຕໍ່ການພົວພັນອັນສະໜິດສະໜົມລະຫວ່າງແຂວງຈໍາປາສັກ ກັບ 16 ແຂວງ ແລະ 3 ນະຄອນຂອງຫວຽດນາມ, ປະກອບສ່ວນປັບປຸງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ. ທ່ານ ອາລຸນໄຊ ສູນນະລາດ ຕີລາຄາສູງການປະກອບສ່ວນຂອງປະຊາຄົມຊາວຫວຽດນາມ  ແລະ ວິສາຫະກິດຫວຽດນາມ ຢູ່ແຂວງຈຳປາສັກ.

ໂດຍ: ທູຈາງ