ແລກປ່ຽນກັບນັກຂ່າວໜັງສືພິມກອງທັບປະຊາຊົນ, ທ່ານພົນຈັດຕະວາ ສີພອນໄຊ ຄໍາທອງເຫວີນ, ຮອງຫົວໜ້າຫ້ອງວ່າການກະຊວງປ້ອງກັນປະເທດລາວ, ຫົວໜ້າຄະນະເຂົ້າຮ່ວມງານວາງສະແດງປ້ອງກັນຊາດສາກົນຫວຽດນາມ 2024 ຂອງກະຊວງປ້ອງກັນປະເທດລາວ ໃຫ້ຮູ້ວ່າ ນີ້ເປັນຄັ້ງທີສອງທີ່ກອງທັບປະຊາຊົນລາວ ເຂົ້າຮ່ວມງານວາງສະແດງຢູ່ຫວຽດນາມ. ປີນີ້, ກະຊວງປ້ອງກັນປະເທດລາວ ວາງສະແດງ 30 ກວ່າຜະລິດຕະພັນ, ຫຼາຍກວ່າເມື່ອທຽບໃສ່ກັບງານວາງສະແດງປ້ອງກັນຊາດສາກົນ ຄັ້ງທີໜຶ່ງ ປີ 2022, ໃນນັ້ນພົ້ນເດັ່ນແມ່ນບັນດາຜະລິດຕະພັນຂອງຂະແໜງອຸປະໂພກ-ບໍລິໂພກ, ຄື: ໂສ້ງ, ເສື້ອທະຫານ, ໝວກເກປີ, ກາຣາວາດ, ເກີບ, ຖົງຕີນ... ແລະບາງຜະລິດຕະພັນການຢາຂອງຂະແໜງການແພດ, ຄື: ຢາຄັນເສັ້ນພື້ນເມືອງ, ອາຫານເສີມ, ຢາປິ່ນປົວກະເພາະ, ຢາປິ່ນປົວພະຍາດແຂ້ວປາກ...
    |
 |
|
ທ່ານພົນຈັດຕະວາ ສີພອນໄຊ ຄໍາທອງເຫວີນ ແລກປ່ຽນກັບນັກຂ່າວໜັງສືພິມກອງທັບປະຊາຊົນທີ່ງານວາງສະແດງ. ພາບ: ຮວ່າງເຈື່ອງ. |
ທ່ານພົນຈັດຕະວາ ສີພອນໄຊ ຄໍາທອງເຫວີນ ຍັງໃຫ້ຮູ້ວ່າ ເມື່ອທຽບໃສ່ງານວາງສະແດງຄັ້ງທໍາອິດກ່ອນນີ້ 2 ປີ, ງານວາງສະແດງຄັ້ງນີ້ໄດ້ຮັບການເປີດກວ້າງທາງດ້ານຂອບຂະໜາດ ກໍຄືຈໍານວນວິສາຫະກິດ, ບັນດາປະເທດເຂົ້າຮ່ວມ. ງານວາງສະແດງປີນີ້ບໍ່ພຽງແຕ່ດຶງດູດກົມກອງ, ວິສາຫະກິດເອົາໃຈໃສ່ເຖິງຂົງເຂດປ້ອງກັນຊາດ, ປ້ອງກັນຄວາມສະຫງົບ, ພະລາທິການ, ເຕັກນິກເທົ່ານັ້ນຫາກຍັງໄດ້ຮັບຄວາມສົນໃຈຈາກປະຊາຊົນຈໍານວນຫຼວງຫຼາຍ. ສິ່ງນີ້ສະແດງໃຫ້ເຫັນລະດັບ ແລະຄວາມໝາຍຂອງເຫດການນີ້. ທ່ານແບ່ງປັນວ່າ “ຂ້າພະເຈົ້າ ຫວັງວ່າ ດ້ວຍຂະໜາດທີ່ນັບມື້ນັບໄດ້ຮັບການເປີດກວ້າງ, ງານວາງສະແດງປ້ອງກັນຊາດສາກົນຫວຽດນາມ 2026 ຈະໃຫຍ່ກວ່າ ແລະຮ້ານວາງສະແດງສິນຄ້າຂອງກະຊວງປ້ອງກັນປະເທດລາວ ກໍຈະໃຫຍ່ກວ່າ, ງາມກວ່າ ແລະຈະມີຫຼາຍຜະລິດຕະພັນກວ່າ”.
|
|
 |
|
ບາງຜະລິດຕະພັນພົ້ນເດັ່ນຂອງກອງທັບປະຊາຊົນລາວ ວາງສະແດງທີ່ງານວາງສະແດງປ້ອງກັນຊາດສາກົນຫວຽດນາມ 2024. ພາບ: ຮວ່າງເຈື່ອງ. |
ໂດຍແມ່ນໜຶ່ງໃນບັນດາວິສາຫະກິດຕັດຫຍິບແຖວໜ້າທີ່ຜະລິດເຄື່ອງແບບທະຫານໃຫ້ກອງທັບປະຊາຊົນລາວ, ທ່ານພັນເອກນາງ ພູວົງ ຫຼວງລາຊາ ຮອງອໍານວຍການໂຮງງານຕັດຫຍິບ ເລກ 1 ກອງທັບ, ກົມໃຫຍ່ພະລາທິການ ກອງທັບປະຊາຊົນລາວ ໃຫ້ຮູ້ວ່າ ນອກຈາກໜ້າທີ່ຮັບປະກັນການຜະລິດດ້ານປ້ອງກັນຊາດ ແລ້ວ ທາງໂຮງງານ ຍັງເຂົ້າຮ່ວມການຜະລິດສິນຄ້າຫຼາຍປະເພດເພື່ອຮັບໃຊ້ຊີວິດຂອງປະຊາຊົນ. ທ່ານພັນເອກ ນາງ ພູວົງ ຫຼວງລາຊາ ຍັງໃຫ້ຮູ້ຕື່ມອີກວ່າ ໃນວິວັດການຕັດຫຍິບຜະລິດເຄື່ອງແບບທະຫານ, ຈະມີຜ້າ ແລະຝ້າຍເສດເຫຼືອຈໍານວນຫຼວງຫຼາຍກໍ່ຄວາມເສຍຫາຍຕໍ່ສິ່ງແວດລ້ອມ ສະນັ້ນພວກຂ້າພະເຈົ້າ ຈະນໍາໃຊ້ຜ້າ ແລະຝ້າຍເສດເຫຼືອນັ້ນໃນໂຮງງານຕ່າງໆເພື່ອສ້າງເປັນຜະລິດຕະພັນຫັດຖະກໍາ, ມີຄຸນປະໂຫຍດ, ຕອບສະໜອງຄວາມຕ້ອງການ ແລະຈຸດປະສົງນໍາໃຊ້ຂອງປະຊາຊົນ, ຄື: ກະເປົາ laptop, ກະເປົາໃຊ້ເຄື່ອງປະດັບເອ້, ກະເປົາເງິນ, ຜ້າອັດປາກ..., ປະກອບສ່ວນຍົກສູງລາຍຮັບໃຫ້ແກ່ພະນັກງານ, ພາລະກອນ ແລະຜູ້ອອກແຮງງານ, ພ້ອມທັງປະກອບສ່ວນເຂົ້າໃນການເຕີບໂຕເສດຖະກິດຂອງປະເທດ. “ການນໍາໃຊ້ຜ້າ ແລະຝ້າຍເສດເຫຼືອບໍ່ພຽງແຕ່ຊ່ວຍປະຢັດຄ່າໃຊ້ຈ່າຍໃນການຜະລິດ, ຊ່ວຍຫຼຸດຜ່ອນສິ່ງເສດເຫຼືອຈໍານວນຫຼາຍຫາກຍັງປະກອບສ່ວນແຜ່ຂະຫຍາຍສານປົກປັກຮັກສາສິ່ງແວດລ້ອມຢ່າງແຂງແຮງ”, ທ່ານພັນເອກ ນາງ ພູວົງ ຫຼວງລາຊາ ແບ່ງປັ່ນ.
|
|
 |
|
ປະຊາຊົນຫຼາຍຄົນຢ້ຽມຊົມ, ຊອກຮູ້ຜະລິດຕະພັນທີ່ຮ້ານວາງສະແດງຂອງກະຊວງປ້ອງກັນປະເທດລາວ ທີ່ງານວາງສະແດງ. ພາບ: ຮວ່າງເຈື່ອງ. |
ນອກຈາກນີ້, ໜຶ່ງໃນບັນດາຜະລິດຕະພັນທີ່ເປັນເອກະລັກສະເພາະຂອງກອງທັບປະຊາຊົນລາວ ທີ່ງານວາງສະແດງໄດ້ຮັບຄວາມສົນໃຈຫຼາຍຈາກປະຊາຊົນ, ນັ້ນແມ່ນຜະລິດຕະພັນຢາຄັນເສັ້ນພື້ນເມືອງ (ມີຄຸນປະໂຫຍດຫຼຸດຜ່ອນໃຄ່ຂຶ້ນ, ປິ່ນປົວການເຈັບແອວ, ປວດຕີນມື, ເຈັບກ້າມເນື້ອ, ແມງໄມ້ກັດ...) ໂດຍສະຖາບັນການຢາ-ການແພດພື້ນເມືອງກອງທັບ (ກົມໃຫຍ່ພະລາທິການ) ຄົ້ນຄວ້າ, ຜະລິດ. ແບ່ງປັນກ່ຽວກັບຜະລິດຕະພັນພົ້ນເດັ່ນນີ້, ທ່ານພັນເອກ ພູເຂົາ ທະນູສອນ ຫົວໜ້າສະຖາບັນການຢາ-ການແພດພື້ນເມືອງກອງທັບ ໃຫ້ຮູ້ວ່າ ຜະລິດຕະພັນນີ້ບໍ່ພຽງແຕ່ຮັບໃຊ້ການປິ່ນປົວໃຫ້ແກ່ທະຫານຖືກບາດເຈັບ, ໃຄ່ຂຶ້ນ, ເຈັບແອວ, ເຈັບປວດກ້າມເນື້ອໃນການເຂົ້າຮ່ວມການອົບຮົມຫັດແອບ, ຝຶກຊ້ອມກຽມພ້ອມສູ້ຮົບເທົ່ານັ້ນ ຫາກຍັງຮັບໃຊ້ຄວາມຕ້ອງການຂອງປະຊາຊົນຈໍານວນຫຼາຍ.
|
|
 |
|
ຮ້ອຍເອກນາງ ມະນີວັນ ອິນທະນົງ ຮອງອໍານວຍການບໍລິສັດການຢາຂາອອກ-ຂາເຂົ້າ 104 ກອງທັບ, ກົມໃຫຍ່ພະລາທິການ, ກອງທັບປະຊາຊົນລາວ ແບ່ງປັນທີ່ງານວາງສະແດງ. ພາບ: ຮວ່າງເຈື່ອງ. |
ກໍຕາມຮ້ອຍເອກນາງ ມະນີວັນ ອິນທະນົງ ຮອງອໍານວຍການບໍລິສັດການຢາຂາອອກ-ຂາເຂົ້າ 104 ກອງທັບ, ກົມໃຫຍ່ພະລາທິການ, ກອງທັບປະຊາຊົນລາວ, ຢາຄັນເສັ້ນພື້ນເມືອງນີ້ໄດ້ຮັບການຜະລິດຈາກສະໝູນໄພທໍາມະຊາດ ສະນັ້ນມີພະນັກງານ, ນັກຮົບ ແລະປະຊາຊົນລາວ ນໍາໃຊ້ຈໍານວນຫຼາຍ, ພ້ອມທັງໃຫ້ຮູ້ຕື່ມອີກວ່າ ແຕ່ລະເດືອນທາງບໍລິສັດຂາຍຜະລິດຕະພັນນີ້ໄດ້ຫຼາຍສິບພັນແກ້ວອອກສູ່ຕະຫຼາດ. “ພວກຂ້າພະເຈົ້າ ເຂົ້າຮ່ວມງານວາງສະແດງຄັ້ງນີ້ດ້ວຍຄວາມປາດຖະໜາຢາກເປີດກວ້າງຕະຫຼາດ, ເປີດກວ້າງການພົວພັນຮ່ວມມືເພື່ອສົ່ງອອກຜະລິດຕະພັນໄປຍັງຕະຫຼາດຫວຽດນາມ ກໍຄືບັນດາປະເທດໃນພາກພື້ນ”, ຮ້ອຍເອກນາງ ມະນີວັນ ອິນທະນົງ ແບ່ງປັນ.
|
|
 |
|
ອະດີດທະຫານອາສາສະໝັກ ແລະຊ່ຽວຊານທະຫານຫວຽດນາມ ຊ່ວຍການປະຕິວັດລາວ ຢ້ຽມຊົມ, ຊອກຊື້ຜະລິດຕະພັນຂອງກອງທັບປະຊາຊົນລາວ. ພາບ: ຮວ່າງເຈື່ອງ. |
|
|
 |
|
ບັນດາສິນຄ້າພົ້ນເດັ່ນຂອງກອງທັບປະຊາຊົນລາວ ທີ່ງານວາງສະແດງໄດ້ດຶງດູດປະຊາຊົນຫຼາຍຄົນ ມາຢ້ຽມຊົມ, ຊອກຮູ້ຜະລິດຕະພັນ. ພາບ: ຮວ່າງເຈື່ອງ. |
ຕາມທ່ານພົນຈັດຕະວາ ໄຊສົງຄາມ ວິລະຈິດ ຫົວໜ້າກົມເສດຖະກິດ, ກະຊວງປ້ອງກັນປະເທດລາວ ແລ້ວ, ງານວາງສະແດງປ້ອງກັນຊາດສາກົນຫວຽດນາມ ຈັດຕັ້ງ 2 ປີເທື່ອໜຶ່ງ ຈະສ້າງໂອກາດໃຫ້ແກ່ນັກຜະລິດ, ບັນດາບໍລິສັດ, ວິສາຫະກິດປ້ອງກັນຊາດ ລາວ-ຫວຽດນາມ ໄດ້ພົບປະ, ແລກປ່ຽນບົດຮຽນ ແລະເພີ່ມທະວີການຮ່ວມມືໃນຫຼາຍຂົງເຂດ. ຜ່ານນັ້ນປະກອບສ່ວນຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານ ລາວ-ຫວຽດນາມ; ຫວຽດນາມ-ລາວ ກວ່າອີກ. ພິເສດ, ງານວາງສະແດງໄດ້ດໍາເນີນກົງກັບໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ ແລະວັນບຸນປ້ອງກັນຊາດທົ່ວປວງຊົນ ຄົບຮອບ 35 ປີ ແມ່ນໜຶ່ງໃນບັນດາການເຄື່ອນໄຫວຈຸດສຸມ, ສ້າງຄວາມປະທັບໃຈທີ່ມີຄວາມໝາຍ, ຢັ້ງຢືນການເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງຂອງກອງທັບປະຊາຊົນຫວຽດນາມ.
ໂດຍ: ໄຊຊະນະ