ຄະນະປະຕິບັດງານແຂວງໄຊສົມບູນ (ລາວ) ຢ້ຽມຢາມ ແລະເຮັດວຽກຢູ່ແຂວງບັ໊ກຢາງ

ສະຫາຍ ມາຍເຊີນ ກ່າວຄໍາເຫັນທີ່ການເຮັດວຽກ. ພາບ: baobacgiang.vn

ກ່າວຄຳເຫັນທີ່ການຕ້ອນຮັບ, ສະຫາຍ ມາຍເຊີນ ຜູ້ຮັກສາການປະທານຄະນະກຳມະການປະຊາຊົນແຂວງບັ້ກຢາງ ໃຫ້ຮູ້ວ່າ ດ້ວຍຈິດໃຈສາມັກຄີ, ມິດຕະພາບ, ການຮ່ວມມື ແລະບັນຍາກາດທີ່ເປີດອົກເປີດໃຈ, ກົງໄປກົງມາ, ສອງຝ່າຍໄດ້ແບ່ງປັນ, ແລກປ່ຽນບົດຮຽນໃນບັນດາຂົງເຂດວຽກງານຊີ້ນຳ, ນໍາພາການພັດທະນາເສດຖະກິດ-ສັງຄົມຂອງສອງທ້ອງຖິ່ນ; ປຶກສາຫາລືກ່ຽວກັບຄວາມຫຍຸ້ງຍາກ, ຂໍ້ຕິດຂັດ ແລະບັນຫາທີ່ຕ່າງຝ່າຍຕ່າງມີຄວາມສົນໃຈ. ຜ່ານນັ້ນມີຂໍ້ມູນຂ່າວສານຕື່ມອີກ ແລະເຂົ້າໃຈກວ່າກ່ຽວກັບສະພາບການລວມຂອງແຕ່ລະແຂວງ; ເຫັນດີເປັນເອກະພາບຕໍ່ບາງມາດຕະການ ເພື່ອສືບຕໍ່ສຸມໃສ່ປະຕິບັດຂໍ້ຕົກລົງຮ່ວມມືລະຫວ່າງສອງແຂວງໃນໄລຍະຈະມາເຖິງຢ່າງມີປະສິດທິຜົນ.

ການນໍາແຂວງບັ໊ກຢາງ ມອບຂອງເປັນທີ່ລະນຶກໃຫ້ຄະນະປະຕິບັດງານແຂວງໄຊສົມບູນ. ພາບ: baobacgiang.vn

ການນຳແຂວງໄຊສົມບູນ ກໍ່ສະເໜີບາງເນື້ອໃນ, ຄື: ແຂວງບັ໊ກຢາງ ຄວນພິຈາລະນາ, ຄົ້ນຄວ້າ ແລະແນະນຳເພື່ອໃຫ້ເມືອງຮົມແຮກສ່ຽວກັບເມືອງໜຶ່ງຂອງແຂວງບັ໊ກຢາງ, ຜ່ານນັ້ນໜູນຊ່ວຍ, ຊ່ວຍເຫຼືອວຽກງານກໍ່ສ້າງພື້ນຖານໂຄງລ່າງ ແລະພັດທະນາເສດຖະກິດ-ສັງຄົມຂອງເມືອງຮົມ... ຍ້ອນຄວາມຕ້ອງການກ່ຽວກັບວຽກງານພົວພັນຕ່າງປະເທດນັບມື້ນັບສູງ, ແຂວງໄຊສົມບູນ ໄດ້ທີ່ມີແຜນການສ້າງຕັ້ງພະແນກພົວພັນຕ່າງປະເທດ, ສະເໜີພິຈາລະນາໃຫ້ພະແນກພົວພັນຕ່າງປະເທດແຂວງບັ໊ກຢາງ ໄດ້ລົງນາມໃນບົດບັນທຶກຊ່ວຍຈຳການຮ່ວມມືກັບພະແນກພົວພັນຕ່າງປະເທດແຂວງໄຊສົມບູນ ພາຍຫຼັງໄດ້ຮັບການສ້າງຕັ້ງ ເພື່ອຮໍ່າຮຽນຖອດຖອນບົດຮຽນໃນການເຄື່ອນໄຫວ.

ສະຫຼຸບການເຮັດວຽກ, ຕາງໜ້າການນຳແຂວງບັ໊ກຢາງ, ສະຫາຍ ມາຍເຊີນ ຢືນຢັນວ່າ ການເຮັດວຽກຄັ້ງນີ້ມີຄວາມໝາຍສຳຄັນທີ່ສຸດ, ວາງທິດທາງ, ມາດຕະການປະຕິບັດເນື້ອໃນຂໍ້ຕົກລົງຮ່ວມມື, ຊຸກຍູ້ການພັດທະນາສາຍພົວພັນຮອບດ້ານລະຫວ່າງອົງຄະນະພັກ, ອຳນາດການປົກຄອງ ແລະປະຊາຊົນສອງທ້ອງຖິ່ນຢ່າງມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນສາຍພົວພັນທີ່ເປັນມູນເຊື້ອອັນດີງາມລະຫວ່າງສອງປະເທດຫວຽດນາມ-ລາວ.

ໂດຍ: ເຈິ່ນຮວ່ຽນ